¹ UDavide wathi: Le iyindlu kaJehova uNkulunkulu , leli liyi-altare lomnikelo wokushiswa ka-Israyeli. ² UDavide wayala ukuba babuthe bonke abafokazi ababe sezweni lakwa - Israyeli, wabeka abakhi ukubaza amatshe axhoziweyo ukuba bakhe indlu kaNkulunkulu. ³ UDavide walungisa insimbi eningi yezipikili zezivalo zamasango nezokuhlanganisa, kanye nethusi eliningi elingenakulinganiswa, ⁴ nemisedari engenakubalwa , ngokuba amaSidoni nabaseTire baletha imisedari eminingi kuDavide. ⁵ UDavide wathi: USolomoni in dodana yami usengumfana , usathambile, nendlu eyakwakhelwa uJehova nga iba nkulu , ibatshazwe, ibe negama nodumo emazweni onke ; ngizakuyilungisela. Wayeseyilungisela kakhulu uDavide engakafi. ⁶ Wayesebiza uSolomoni indodana yakhe , wamyala ukumakhela uJehova uNkulunkulu ka-Israyeli indlu. ⁷ UDavide wathi kuSolomoni indodana yakhe : Mina-ke, kwakusenhliziyweni yami ukwakhela igama likaJehova uNkulunkulu wami indlu. ⁸ Kepha izwi likaJehova lafika kimi , lathi: U chithile igazi eliningi , uphake izimpi ezinkulu ; awuyikwakhela igama lami indlu , ngokuba uchithe igazi eliningi emhlabathini emehlweni ami; ⁹ bheka, uyakuzalelwa indodana eyakuba ngumuntu wokuthula ; ngiyakumnika ukuphumula ezitheni zakhe nxazonke , ngokuba igama lakhe liyakuba nguSo lomoni; ukuthula nokuzola ngi yakumnika khona u -Israyeli emihleni yakhe; ¹⁰ uyakwakhela igama lami indlu ; uyakuba yindodana yami , mina ngibe nguyise; ngiyakuqinisa isihlalo sobukhosi sombuso wakhe kwa -Israyeli kuze kube phakade. ¹¹ Kalokhu, ndodana yami, uJehova makabe nawe, ube nempumelelo, wakhe indlu kaJehova uNkulunkulu wakho njengokukhuluma kwakhe kuwe. ¹² Kuphela, uJehova makakuphe ukuhlakanipha nokuqonda , akuyale ngo - Israyeli ukuba ugcine umthetho kaJehova uNkulunkulu wakho. ¹³ Khona uyakuphumelela, uma ugcina ukwenza izimiso nezah lulelo uJehova ayala ngazo uMose ngo -Israyeli; qina, ume isibindi ; ungesabi, ungabi naluvalo. ¹⁴ Bheka, ekuhluphekeni kwami ngilungisele indlu kaJehova amatalenta ayizinkulungwane eziyikhulu egolide , namatalenta ayizinkulungwane eziyinkulungwane esiliva, nethusi nensimbi okungenakulinganiswa, ngokuba kuningi; ngilungisile nemithi namatshe; uyakwenezela kukho. ¹⁵ Kukhona kuwe izisebenzi eziningi , ababazi, nezisebenzi zamatshe nezemithi, nabo bonke abayizingcweti emisebenzini yonke: ¹⁶ eyegolide, neyesiliva, neyethusi, neyensimbi, kungenakubalwa; suka usebenze; uJehova makabe nawe. ¹⁷ UDavide wayala zonke izikhulu zakwa-Israyeli ukusiza uSolomoni, wathi: ¹⁸ UJehova uNkulunkulu wenu akanani na ? Akaniphanga ukuphumula nxazonke na ? Ngokuba unikele esandleni sami aba khileyo ezweni ; izwe linyatheliwe phambi kukaJehova naphambi kwabantu bakhe. ¹⁹ Kalokhu nikelani inhliziyo yenu nomphefumulo wenu ekufuneni uJehova uNkulunkulu wenu ; sukani nakhe indlu en gcwele kaJehova uNkulunkulu ukuba kungeniswe umphongolo wesivumelwano sikaJehova nezinto ezingcwele zikaNkulunkulu endlini eyakwakhelwa igama likaJehova.