¹ Bathandekayo, maningakholwa yibo bonke omoya , kepha hlolani omoya ukuthi bangabakaNkulunkulu yini ; ngokuba baningi abaprofethi bamanga abaphumele ezweni. ² Yazini uMoya kaNkulunkulu ngalokhu: bonke omoya abavuma ukuthi uJesu Kristu ufikile enyameni bangabakaNkulunkulu; ³ lowo moya ongamvu mi uJesu akasiye okaNkulunkulu; lowo ungowomphikukristu enizwe ngaye ukuthi uyeza , nakalokhu usefikile ezweni. ⁴ NingabakaNkulunkulu nina bantwanyana , nibahlulile, ngokuba lowo okini mkhulu kunaye osezweni. ⁵ Bona bangabezwe; ngalokho bakhuluma okwezwe, nezwe liyabezwa. ⁶ Thina singabakaNkulunkulu ; omaziyo uNkulunkulu uyasizwa , ongesiye okaNkulunkulu akasizwa . Ngalokho siyamazi umoya weqiniso nomoya wokuduka. Ukuthanda uNkulunkulu nokuthanda abantu ⁷ Bathandekayo, masithandane, ngokuba uthando luvela kuNkulunkulu, nabo bonke abathandayo bazelwe nguNkulunkulu, bayamazi uNkulunkulu. ⁸ Ongathandiyo akamazi uNkulunkulu, ngokuba uNkulunkulu uluthando. ⁹ Uthando lukaNkulunkulu lwabonakaliswa kithi ngalokho ukuthi uNkulunkulu wathumela ezweni iNdodana yakhe ezelwe y odwa ukuba siphile ngayo. ¹⁰ Uthando lukulokhu , kungesikho ukuthi thina samthanda uNkulunkulu , kepha ukuthi yena wasithanda thina , wathuma iNdodana yakhe ibe yinhlawulo ngezono zethu. ¹¹ Bathandekayo, uma uNkulunkulu wasithanda kanjalo , nathi simelwe ukuthandana. ¹² UNkulunkulu akazange abonwe muntu ; uma sithandana , uNkulunkulu uhlala kithi, nothando lwakhe luphelele kithi. ¹³ Ngalokho siyazi ukuthi sihlala kuye , naye kithi , ngokuba usiphile okukaMoya wakhe. ¹⁴ Thina sibonile , siyafakaza ukuthi uYise wayithu ma iNdodana ibe nguMsindisi wezwe. ¹⁵ Lowo ovuma ukuthi uJesu uyiNdodana kaNkulunkulu, uNkulunkulu uhlala kuye, naye kuNkulunkulu. ¹⁶ Thina siyalwazi , sikholwa yilo lolu thando uNkulunkulu analo kithina . UNkulunkulu uluthando , nohlala othandweni uhlala kuN kulunkulu, noNkulunkulu uhlala kuye. ¹⁷ Ngalokho uthando luphelelisiwe kithi , ukuze sibe nesibindi ngosuku lokwahlulelwa, ngokuba njengalokhu enjalo yena, sinjalo nathi kuleli zwe. ¹⁸ Akukho ukwesaba othandweni , kepha uthando olupheleleyo luyaxosha ukwesaba, ngokuba ukwesaba kunesijeziso , nowesabayo akaphelele othandweni. ¹⁹ Thina siyathanda, ngokuba yena wasithanda kuqala. ²⁰ Uma umuntu esho ukuthi : Ngiyamthanda uNkulunkulu , kepha ezonda umzalwane wakhe , ungumqambimanga; ngokuba ongathandi umzalwane wakhe ambonileyo angemthande uNkulunkulu angambonanga. ²¹ Yebo, lo myalo sinawo, uvela kuNkulunkulu, wokuthi othanda uNkulunkulu makathande nomzalwane wakhe.