¹ Kwabikelwa uJowabe ukuthi: Bheka, inkosi iyakhala, imlilela u-Abisalomu. ² Ukunqoba ngalolo suku kwaphenduka isililo kubantu bonke , ngokuba abantu bezwa kwathiwa ngalolo suku: Inkosi idabukile ngendodana yayo. ³ Abantu bangena emzini ngalolo suku ngokunyenya njengabantu abanamahloni benyenya, bebalekela impi. ⁴ Inkosi yamboza ubuso bayo, inkosi yakhala ngezwi elikhulu, yathi: Hhawu, ndodana yami Abisalomu, Abisalomu, ndodana yami, ndodana yami! ⁵ UJowabe wangena endlini enkosini , wathi: Udumazile namuhla ubuso bazo zonke izinceku zakh o ezisindisile ukuphila kwakho namuhla , nokuphila kwamadodana akho namadodakazi akho , nokuphila kwabafazi bakho , nokuphila kwezancinza zakho ⁶ ngokubathanda abakuzondayo nangokubazonda abakuthandayo . Ngokuba umemezele namuhla ukuthi izikhulu nezinceku azilutho kuwe, lokhu ngibona namuhla ukuthi uma ebephilile u -Abisalomu thina sonke besifile namuhla , ngabe kulungile emehlweni akho. ⁷ Ngalokho suka , ukhulume kahle ezincekwini zakho , ngokuba ngifunga uJehova ngithi, uma ungaphumi, akuyikusala muntu kuwe ngalobu busuku; lokhu kuyakuba kubi kuwe kunakho konke okubi okukwehlele kwasebusheni bakho kuze kube namuhla. ⁸ Yayisisuka inkosi , yahlala esangweni . Kwathiwa kubo bonke abantu : Bhekani, inkosi ihlezi esangweni . Base befika abantu bonke phambi kwenkosi. Kepha ab akwa-Israyeli babebalekele , kwaba yilowo nalowo etendeni lakhe. ⁹ Bonke abantu babephikisana ezizweni zonke zakwa -Israyeli, bethi: Inkosi yasophula esandleni sezitha zethu , yasikhulula esandleni samaFilisti ; manje isibalekile ezweni, imbalekele u-Abisalomu. ¹⁰ U-Abisalomu esamgcoba ukuba abe phezu kwethu usefile empini . Manje nithuleleni, ningayibuyisi inkosi na? Ukubuyiswa kukaDavide ¹¹ Inkosi uDavide yathumela kuSadoki naku -Abiyathara abapristi , yathi: Khulumani kumalunga akwaJuda , nithi: Kungani ukuba nibe ngabokugcina ukubuyisela inkosi endlini yayo , lokhu kufinyelele enkosini nasendlini yayo konke ukukhuluma kuka-Israyeli, na? ¹² Ningabafowethu, niyithambo lami nenyama yami; ngalokho kungani ukuba nibe ngabokugcina ukuyibuyisa inkosi na? ¹³ Yishoni ku -Amasa ukuthi : Angithi uyithambo lami nenyama yami na ? Makenze njalo kimi uNkulunkulu , enezele futhi , uma ungayikuba yinduna yempi ngaphambi kwami njalo esikhundleni sikaJowabe. ¹⁴ Wathobisa izinhliziyo zabantu bonke bakwaJuda njengomuntu munye, baze bathuma enkosini, bathi: Buya wena nazo zonke izinceku zakho. ¹⁵ Yayisibuya inkosi , yafika eJordani ; uJuda wafika eGiligali ukuba ayihlangabeze inkosi, ayiwelise inkosi iJordani. ¹⁶ UShimeyi indodana kaGera umBenjamini waseBahurimi washesha wehla nabantu bakwaJuda ukuyihlangabeza inkosi. ¹⁷ Kweza naye abantu abayinkulungwane bakwaBenjamini , noSiba inceku yendlu kaSawule , namadodana akhe ayishumi nanhlanu , nezinceku zakhe ezingamashumi amabili zinaye; bawela iJordani phambi kwenkosi. ¹⁸ Kwawela isikebhe sokuwelisa abendl u yenkosi nokwenza okwakukuhle emehlweni ayo. UShimeyi indodana kaGera wawela phansi phambi kwenkosi isiyakuliwela iJordani. ¹⁹ Wathi enkosini : Inkosi yami mayingangibaleli icala , futhi ungakhumbuli okubi okwenziwa yinceku yakho mhla inkosi yami , inkosi, iphuma eJerusalema, ukuba inkosi ikubeke enhliziyweni yayo. ²⁰ Ngokuba inceku yakho iyazi ukuthi yonile ; bheka, ngifikile namuhla ngingowokuqala wendlu yonke kaJosefa , ngehle ukuhlangabeza inkosi yami , inkosi. ²¹ Kepha u -Abishayi indodana kaSeruya waphendula wathi: UShimeyi akayikubulawa yini ngalokho , njengokuba wathuka ogcotshiweyo kaJehova , na? ²² UDavide wathi : Nginamsebenzi muni nani madodana kaSeruya ukuba nimelane nami namuhla na ? Kuzakubulawa umuntu namuhla kwa -Israyeli na? Angazi yini mina ukuthi namuhla ngiyinkosi phezu kuka-Israyeli na? ²³ Inkosi yayisithi kuShimeyi: Awuyikufa. Inkosi yafunga kuye. Ukuziphendulela kukaMefibosheti ²⁴ Naye uMefibosheti indodana kaSawule wehla ukuhlangabeza inkosi ; wayengalungisanga izinyawo zakhe , engalungisanga nesil evu sakhe , engahlanzanga futhi izingubo zakhe , kwasukela osukwini inkosi eyamuka ngalo kwaze kwaba lusuku owabuya ngalo ngokuthula. ²⁵ Kwathi esefike eJerusalema ukuyihlangabeza inkosi , inkosi yathi kuye : Awuhambanga ngani nami, Mefibosheti, na? ²⁶ Wathi: Nkosi yami , nkosi, inceku yami yangikhohlisa , ngokuba inceku yakho yathi : Ngiyakuzibophelela imbongolo ukuba ngiyikhwele , ngihambe nenkosi, ngokuba inceku yakho ilunyonga. ²⁷ Ihlebile inceku yakho enkosini yami , inkosi, kepha inkosi yami , inkosi, injengengelosi kaNkulunkulu; ngalokho yenza okuhle emehlweni akho. ²⁸ Ngokuba yonke indlu kababa yayinjengabantu abafileyo phambi kwenkosi yami, inkosi; kepha wayibeka inceku yakho phakathi kwabadla etafuleni lakho. Ngisenalungelo lini ukuba ngibuye ngikhale enkosini na? ²⁹ Inkosi yathi kuye : Usakhulumelani ngezindaba zakho na ? Ngithi: Wena noSiba, yahlukaniselani izwe. ³⁰ Wayesethi uMefibosheti enkosini : Makathathe konke , njengokuba inkosi yami, inkosi, isibuyele endlini yayo ngokuthula. UBarizilayi ³¹ UBarizilayi wak waGileyadi wehla eRogelimi ; wawela iJordani kanye nenkosi ukuyiwelisa iJordani. ³² UBarizilayi wayengumuntu omdala kakhulu , eneminyaka engamashumi ayisishiyagalombili; wayekade eyipha inkosi ukudla isahlezi eMahanayimi , ngokuba wayengumuntu omkhulu kakhulu. ³³ Inkosi yathi kuBarizilayi: Wela nami wena , ngikondle kanye nami eJerusalema. ³⁴ Wayesethi uBarizilayi enkosini : Zingaki izinsuku zeminyaka yokuhamba kwami ukuba ngenyukele eJerusalema nenkosi na? ³⁵ Namuhla ngineminyaka engamashumi ayisihiyagalombili ; ngingahlukanisa okuhle nokubi yini ? Inceku yakho ingezwa ekudlayo nekuphuzayo na ? Ngingabe ngisalizwa izwi lamadoda ahlabelelayo nabesifazane abahlabelelayo na ? Inceku yakho isezakuba ngumthwalo wenkosi yami , inkosi, ngani na? ³⁶ Inceku yakho iyakusimze iwele nje iJordani nenkosi ; pho, inkosi iyakungivuzelani ngomvuzo ongaka na? ³⁷ Mayibuyele emuva inceku yakho ukuba ngifele emzini wami ngasethuneni likababa nelikamame . Kepha bheka , inceku yakho uKimihamu mayiwele nenkosi yami, inkosi, wenze kuyo okuhle emehlweni akho. ³⁸ Inkosi yathi : UKimihamu angawela nami , mina ngenze kuye okuhle emehlweni akho; konke okufunayo kimi ngiyakukwenzela khona. ³⁹ Bonke abantu bawela iJordani, nenkosi yawela; inkosi yamanga uBarizilayi, yambusisa; wabuyela endaweni yakhe. Ukuphikisana kuka-Israyeli noJuda ⁴⁰ Yayisiwela inkosi, yaya eGiligali, noKimihamu wawela nayo; bonke abantu bakwaJuda bayiwelisa inkosi kanye nenxenye yabantu bakwa-Israyeli. ⁴¹ Bheka, base befika bonke abantu bakwa-Israyeli enkosini, bathi enkosini: Abafowethu amadoda akwaJuda bakwebeleni, bawelisa inkosi nabendlu yayo iJordani kanye nabo bonke abantu bakwaDavide benaye, na? ⁴² Bonke abantu bakwaJuda baphendula abantu bakwa -Israyeli, bathi: Ngokuba inkosi iyisih lobo sethu impela ; kungani ukuba nithukuthele ngale nto na? Sike sadla ntoni engeyenkosi na? Isixoshisile ngamaxosho na? ⁴³ Abantu bakwa-Israyeli baphendula abantu bakwaJuda, bathi: Sinezinxenye eziyishumi kunani enkosini , yebo, nakuDavide; nisideleleni na ? Izwi lethu lokubuyisa inkosi lalingesilo elokuqala na? Kepha amazwi abantu bakwaJuda ayelukhuni kunamazwi abantu bakwa-Israyeli.