¹ Ngase ngibona; bheka, iWundlu limi entabeni yaseSiyoni , kumi kanye nalo abayizinkulungwane eziyikhulu namashumi amane nane , benegama lalo negama likaYise lilotshwe emabunzini abo. ² Ngase ngizwa izwi livela ezulwini , linjengezwi lamanzi amaningi nanjengezwi lokuduma okuk hulu; nezwi engalizwayo lalinjengelababetha amahabhu, bebetha amahabhu abo. ³ Bahlabelela igama elisha phambi kwesihlalo sobukhosi , naphambi kwezidalwa ezine, namalunga; kepha akubangakho onamandla okufunda lelo gama, kuphela abayizinkulungwane eziyikhulu namashumi amane nane abathengiweyo emhlabeni. ⁴ Labo yibo abangangcoliswanga yisifazane, ngokuba bayizintombi. Labo yibo abalandela iWundlu noma liyaphi . Labo bathengwa ebantwini , babe lulibo kuNkulunkulu nakulo iWundlu, ⁵ nasemlonyeni wabo akufunyaniswanga amanga; kabanasici. Izingelosi ezintathu zimemezela ukwahlulela ⁶ Ngase ngibona enye ingelosi indiza emkhathini wezulu , inevangeli eliphakade ilishumayela kwabahlezi emhlabeni , nakuzo zonke izizwe , nemindeni, nezilimi, nabantu, ⁷ isho ngezwi elikhulu , ithi: Mesabeni uNkulunkulu , nimnike inkazimulo , ngokuba ihora lokwahlulela kwakhe selifikile ; nikhuleke kuye owenza izulu nomhlaba nolwandle nemithombo yamanzi. ⁸ Yayisilandela enye ingelosi, ithi: Liwile, liwile iBabiloni elikhulu, eliphuzise izizwe zonke iwayini lolaka lobufebe balo. ⁹ Yalandela enye ingelosi yesithathu , ithi ngezwi elikhulu : Uma kukhona okhuleka kuso isilo nomfanekiso waso , elwamukela futhi uphawu ebunzini lakhe noma esandleni sakhe, ¹⁰ naye uyakuliphuza iwayini lolaka lukaNkulunkulu elilungisiwe esitsheni solaka lwakhe , lingaxutshiwe, ahlushwe ngomlilo nesibabule phambi kwezingelosi ezingcwele naphambi kweWundlu. ¹¹ Nomusi wokuhlushwa kwabo uyenyuka kuze kube phakade naphakade ; abasenakuphumula imini nobusuku abakhuleka kuso isilo nomfanekiso waso nalowo owamukela uphawu lwegama laso. ¹² Nakhu ukubekezela kwabangcwele abagcina imiyalo kaNkulunkulu nokukholwa nguJesu. ¹³ Ngase ngizwa izwi livela ezulwini, lithi: Loba ukuthi: Babusisiwe abafileyo abafele eNkosini kusukela kulesi sikhathi . Yebo, usho uMoya , ukuze baphumule ekukhandlekeni kwabo; ngokuba imisebenzi yabo iyabalandela. Izingelosi ezimbili zokuvuna ¹⁴ Ngase ngibona; bheka, nanto ifu elimhlophe, naphezu kwefu kuhlezi ofana nendodana yomuntu enomqhele wegolide ekhanda lakhe nasesandleni sakhe enesikela elibukhali. ¹⁵ Enye ingelosi yayisiphuma ethempelini , imemeza ngezwi elikhulu , ithi kohlezi phezu kwefu : Faka isikela lakho , uvune, ngokuba kufikile isikhathi sokuvuna, ngokuba sekomile okuvunwayo komhlaba. ¹⁶ Ohlezi phezu kwefu wayeseliphonsa isikela emhlabeni ; wawusuvunwa umhlaba. ¹⁷ Enye ingelosi yayisiphuma ethempelini elisezulwini , nayo inesikela elibukhali. ¹⁸ Nenye ingelosi futhi yaphuma e-altare, inamandla phezu komlilo , yamemeza n gezwi elikhulu kuyo ebinesikela elibukhali , ithi: Faka isikela lakho elibukhali , ubuthe amahlukuzo omvini womhlaba , ngokuba izithelo zomvini zivuthiwe. ¹⁹ Ingelosi yayisiliphonsa isikela layo emhlabeni , yawuvuna umvini womhlaba, yawuphonsa esikhamweni sewa yini esikhulu solaka lukaNkulunkulu. ²⁰ Isikhamo sanyathelwa ngaphandle komuzi , kwaphuma igazi esikhamweni , laze lafika ematomini amahhashi , liqeda amastadiyu ayinkulungwane namakhulu ayisithupha.