¹ Khona uJesu waya eNtabeni Yeminqumo. ² Ekuseni kakhulu wabuye weza ethempelini ; abantu bonke beza kuye ; wayesehlala phansi, wabafundisa. ³ Kepha ababhali nabaFarisi baletha kuye owesifazane ebanjwe ephinga ; sebemmise phakathi kwabo, ⁴ bathi kuye: Mfundisi, lo wesifazane ubanjwe esoqotsheni lokuphinga. ⁵ Emthethweni uMose wasiyala ngabanje ukuba bakhandwe ngamatshe . Pho, wena uthini na? ⁶ Bakusho lokho bemlinga , ukuze babe nokummangalela . Kepha uJesu wakhothama, waloba ngomunwe emhlabathini. ⁷ Wathi besambuza njalo , walulama, wathi kubo : Ongenasono pha kathi kwenu kaqale amphonse ngetshe. ⁸ Waphinda wakhothama, waloba emhlabathini. ⁹ Bathi ukuzwa lokho , belahlwa yizinhliziyo zabo baphuma ngabanye , beqalela kwabadala kwaze kwaba ngabokugcina , uJesu wasala yedwa ; nowesifazane wayemi khona. ¹⁰ UJesu wayeselul ama; engaboni muntu ngaphandle kowesifazane wathi kuye: Sifazane, baphi labo bamangaleli bakho na? Akakho okulahlayo na? ¹¹ Wayesethi: Akakho, Nkosi. Wathi-ke uJesu kuye: Nami angikulahli; hamba, ungabe usona. Ukukhanya kwezwe ¹² Ngakho uJesu waphinda wakhu luma kubo , wathi: Mina ngingukukhanya kwezwe; ongilandelayo kasoze ahamba ebumnyameni , kodwa woba nokukhanya kokuphila. ¹³ Khona bathi kuye abaFarisi : Uyazifakazela wena ; ubufakazi bakho ubuqinisile. ¹⁴ UJesu waphendula, wathi kubo: Noma ngizifakazela mina, ubufakazi bami buqinisile, ngokuba ngiyazi ukuthi ngavelaphi nokuthi ngiyaphi ; kepha nina anazi ukuthi ngivelaphi nokuthi ngiyaphi. ¹⁵ Nina nahlulela ngokwenyama, kepha mina angahluleli muntu. ¹⁶ Nakuba ngahlulela , ukwahlulela kwami kungokuqinisileyo , ngokuba ngingengedwa, kodwa yimina nongithumileyo. ¹⁷ Yebo, kulotshiwe nasemthethweni wakini ukuthi ubufakazi babantu ababili bungobuqinisileyo. ¹⁸ Mina ngingozifakazelayo; noBaba ongithumileyo ufakaza ngami. ¹⁹ Base bethi kuye: Uphi uyihlo na? UJesu waphendula ngokuthi: Anazi nami naBaba; uma beningazi mina, nga nimazi noBaba. ²⁰ Lawo mazwi wawakhuluma ngasemphongolweni weminikelo efundisa ethempelini; akubangakho ombambayo , ngokuba isikhathi sakhe sasingakafiki. ²¹ Khona waphinda wathi kubo : Ngiyamuka mina , niyakungifuna, nifele ezonweni zenu; lapho ngiya khona mina, ningeze nina. ²² Base bethi abaJuda : Imbala uzakuzibulala yini , lokhu ethi : Lapho ngiya khona mina, ningeze nina, na? ²³ Wathi kubo: Nina ningabaphansi, mina ngingowaphezulu; nina ningabaleli zwe, mina angingowaleli zwe. ²⁴ Ngakho-ke ngathi kini nizakufela ezonweni zenu ; ngokuba uma ningakholwa ukuthi nginguye, nizakufela ezonweni zenu. ²⁵ Base bethi kuye: Wena ungubani na? Wathi kubo uJesu: Lokho enganitshela khona kwasekuqaleni. ²⁶ Nginezinto ezini ngi enginokuzikhuluma nokwahlulela ngani , kepha ongithumileyo uqinisile, nami engakuzwa kuye ngikukhuluma ezweni. ²⁷ Kabazanga ukuthi ukhuluma kubo ngoYise. ²⁸ Wayesethi uJesu : Nxa seniyiphakamisile iNdodana yomuntu , khona-ke nizakwazi ukuthi nginguye nokut hi angenzi lutho ngokwami , kodwa ngikhuluma lokhu njengokuba uBaba engifundisile. ²⁹ Ongithumileyo unami , kangishiyanga ngedwa , ngokuba ngenza njalo okuthandeka kuye. UJesu uphendulana nabaJuda ngo-Abrahama ³⁰ Esakhuluma lokho, abaningi bakholwa nguye. ³¹ Khona uJesu wathi kubaJuda abase bekholiwe nguye : Uma nimi ezwini lami, ningabafundi bami isibili; ³² niyakulazi iqiniso, neqiniso liyakunikhulula. ³³ Bamphendula bathi : Siyinzalo ka-Abrahama thina , asibonange sibe yizigqila zamuntu; wena usho kanjani ukuth i: Nizakuba ngabakhululekileyo na? ³⁴ UJesu wabaphendula wathi : Ngiqinisile, ngiqinisile ngithi kini : Yilowo nalowo owenza isono uyisigqila sesono. ³⁵ Isigqila kambe asihlali phakade endlini; kepha indodana ihlala phakade. ³⁶ Ngakho-ke uma iNdodana inikhulula, niyakuba ngabakhululekileyo impela. ³⁷ Ngiyazi ukuthi niyinzalo ka -Abrahama; kepha nifuna ukungibulala , ngokuba izwi lami lingenandawo kini. ³⁸ Ngikhuluma lokho engikubonile mina kuBaba ; nani-ke nenza lokho enikuzwile kuyihlo. ³⁹ Baphendula, bathi kuye : Ubaba ngu -Abrahama. UJesu wathi kubo : Uma beningabantwana baka-Abrahama; beniyakwenza imisebenzi ka-Abrahama. ⁴⁰ Kodwa kalokhu nifuna ukungibulala mina muntu onitshele iqiniso , engilizwe kuNkulunkulu; u-Abrahama kakwenzanga lokho. ⁴¹ Nina nenza imisebenzi ka yihlo. Bathi kuye : Thina asizalwanga ngokuphinga; sinobaba munye, uNkulunkulu. ⁴² Wathi kubo uJesu : Uma uNkulunkulu ebenguyihlo , beniyakungithanda mina, ngokuba ngafika ngivela kuNkulunkulu ; ngokuba angizizelanga ngokwami, kepha yena ungithumile. ⁴³ Yini ukuba ningayizwisisi inkulumo yami na? Kungokuba aninakuzwa izwi lami. ⁴⁴ Nina ningabakayihlo uSathane , nithanda ukwenza izinkanuko zikayihlo . Yena wayengumbulali wabantu kwasekuqaleni , akemi eqinisweni , ngokuba iqiniso lingekho kuye . Nxa ekhuluma amanga , ukhuluma okungokwakhe , lokhu engumqambimanga noyise wawo. ⁴⁵ Kepha mina, ngokuba ngikhuluma iqiniso, anikholwa yimi. ⁴⁶ Ngumuphi kini ongangilahla ngesono na ? Uma ngikhuluma iqiniso , anikholwa yimi ngani na? ⁴⁷ OngokaNkulunkulu uzwa amazwi kaNkulunkulu; kungakho ningezwe nina, ngokuba anisibo abakaNkulunkulu. ⁴⁸ Baphendula abaJuda, bathi kuye: Asisho kahle yini ukuthi ungumSamariya nokuthi unedemoni na? ⁴⁹ UJesu waphendula wathi: Anginademoni, kepha ngidumisa uBaba; nina-ke niyangidumaza. ⁵⁰ Mina-ke angifuni olwami udumo; ukhona ofunayo nowahlulelayo. ⁵¹ Ngiqinisile, ngiqinisile ngithi kini: Uma umuntu egcina izwi lami, akasoze akubona ukufa naphakade. ⁵² Bathi kuye abaJuda : Manje sesiyazi ukuthi unedemoni ; u-Abrahama wafa, nabaprofethi; wena-ke uthi : U ma umuntu e gcina izwi lami , kasoze akuzwa ukufa naphakade. ⁵³ Wena umkhulu yini kunobaba u -Abrahama osewafa na ? Nabaprofethi sebafa. Uzenza bani na? ⁵⁴ UJesu waphendula wathi : Uma ngizidumisa mina , udumo lwami luyize ; nguBaba ongidumisayo, enisho ngaye ukuthi unguNkulunkulu wenu. ⁵⁵ Kanti animazanga, kepha mina ngiyamazi. Uma ngithi angimazi, ngingaba ngumqambimanga njengani. Kepha ngiyamazi, ngigcina izwi lakhe. ⁵⁶ U-Abrahama uyihlo wathokozela ukubona usuku lwami , walubona, wajabula. ⁵⁷ Base bethi kuye abaJuda : Awukabi naminyaka engamashumi ayisihlanu , kanti u-Abrahama usuke wambona na? ⁵⁸ UJesu wathi kubo : Ngiqinisile, ngiqinisile ngithi kini : Engakabikho u - Abrahama, ngangikhona mina. ⁵⁹ Base bethatha amatshe ukuba bamkhande . Kepha uJesu wasithela , waphuma ethempelini.