¹ Wangena eJeriko, wadabula khona. ² Bheka, kwakukhona indoda , igama layo linguZakewu , ingumthelisi omkhulu, icebile. ³ Yayifuna ukumbona uJesu ukuthi ungubani ; yahluleka ngenxa yesixuku , ngokuba yayimfushane. ⁴ Yagijimela phambili , yakhwela emthombeni ukuba imbone , ngokuba ebezakudlula ngakhona. ⁵ Esefikile uJesu kuleyo ndawo wabheka phezulu, wathi kuyo: Zakewu, shesha wehle, ngokuba namuhla ngimelwe ukuhlala endlini yakho. ⁶ Washesha wehla, wamamukela ngokuthokoza. ⁷ Kuthe bekubona, bakhonona bonke, bathi: Uye kungenisa kwandoda eyisoni. ⁸ Kodwa uZakewu wa sukuma, wathi eNkosini : Bheka, Nkosi, ngipha abampofu inxenye yempahla yami ; kuthi uma ngimaphucile umuntu into ngamacebo, ngiyibuyisa iphindwe kane. ⁹ UJesu wathi kuye : Namuhla insindiso ifikile kule ndlu , lokhu naye eyindodana ka-Abrahama. ¹⁰ Ngokuba iNdodana yomuntu ize ukufuna nokusindisa okulahlekileyo. Omina* abayishumi (Math. 25:14) ¹¹ Kuthe ukuba bakuzwe lokho , weleka walandisa umfanekiso , ngokuba ebeseduze neJerusalema nangokuba bebethi umbuso kaNkulunkulu uzakubonakala masinyane. ¹² Wathi-ke: Umuntu othile wohlanga olukhulu waya ezweni elikude eyozithathela umbuso, abuye. ¹³ Wayesebiza izinceku zakhe eziyishumi , wazinika omina abayishumi, wathi kuzo: Hwebani ngabo, ngize ngibuye. ¹⁴ Kepha abantu bomuzi wakhe babemzonda , bathuma amanxusa emva kwakhe, bethi: Asithandi ukuba lo abuse phezu kwethu. ¹⁵ Kwathi esebuyile ekuthatheni umbuso, wathi azibizelwe kuye lezo zinceku abezinike imali ukuba azi ukuthi yileyo naleyo izuzeni ngokuhweba. ¹⁶ Yavela-ke eyokuqala, yathi: Nkosi, umina wakho uzuze omina abayishumi. ¹⁷ Wathi kuyo : Kuhle-ke, nceku enhle ; lokhu ufunyanwe uthembekile kokuncinyane, uzakubusa phezu kwemizi eyishumi. ¹⁸ Yafika neyesibili, yathi: Umina wakho, Nkosi, uzuze omina abayisihlanu. ¹⁹ Wathi nakuleyo: Nawe yiba phezu kwemizi eyisihlanu. ²⁰ Kwafika nenye , yathi: Nkosi, nangu umina wakho ebengimkhwezile esongwe endwangwini. ²¹ Ngokuba bengikwesaba , lokhu ungumuntu olukhuni ; uthabatha ongakubekanga, uvuna ongakuhlwanyelanga. ²² Wathi kuyo : Ngizakukwahlulela ngomlomo wakho wena nceku embi . Ubuwazi u kuba ngingumumtu olukhuni , ngithabatha engingakubekanga , ngivuna engingakuhlwanyelanga; ²³ awufakanga ngani imali yami ebhange , mina-ke ekufikeni kwami ngabe ngiyibizile kanye nenzalo, na? ²⁴ Wayesethi kwababemi khona : M aphuceni umina , nimnike onawomina abayishumi. ²⁵ Kepha bathi kuye: Nkosi, unawomina abayishumi. ²⁶ Ngithi kini : Yilowo nalowo onakho uyakuphiwa , kepha ongenakho uyakwaphucwa nalokho anakho. ²⁷ Kodwa lezo zitha zami ezazingathandi ukuba ngibuse phezu kwazo , ziletheni lapha, nizibulale phambi kwami. ²⁸ Eseshilo lokho waqhubekela phambili, wakhuphukela eJerusalema. UJesu ungena eJerusalema (Math. 21:1; Mark. 11:1; Joh. 12:12) ²⁹ Kwathi esondele eBetfage naseBethaniya ngasentabeni ethiwa eYeminqumo, wathuma ababili kubafundi bakhe, ³⁰ ethi: Hambani niye emzaneni obhekene nani , nothi ukuba ningene kuwo , nizakufumana ithole lembongolo likhulekiwe , okungazange kuhlale muntu kulo; lithukululeni, nililethe. ³¹ Uma umuntu enibuza ethi: Nilithukululelani na? anothi: INkosi iyalidinga. ³² Ababethunyiwe bahamba-ke, bafumana kunjengokusho kwakhe kubo. ³³ Kuthe besalithukulula ithole, abaninilo bathi kubo: Nilithukululelani ithole na? ³⁴ Bathi: INkosi iyalidinga. ³⁵ Base beliletha kuJesu; babeka izingubo zabo phezu kwethole , bamkhwelisa uJesu. ³⁶ Esahamba, babendlala izingubo zabo endleleni. ³⁷ Esesondela ekwehleleni kweNtaba Yeminqumo , isixuku sonke sabafundi saqala ukuthokoza nokumdumisa uNkulunkulu ngezwi elikhulu ngemisebenzi yonke yamandla esiyibonileyo, ³⁸ sithi: Ubusisiwe uMbusi ozayo egameni leNkosi , ukuthula ezu lwini nenkazimulo kweliphezulu! ³⁹ Abanye babaFarisi besesixukwini bathi kuye : Mfundisi, bakhuze abafundi bakho. ⁴⁰ Waphendula wathi: Ngithi kini: Uma bethula laba, amatshe azakumemeza. ⁴¹ Kwathi esondela, ewubona umuzi, wawukhalela. ⁴² Wathi: Sengathi nga wa zi nawe ngalolu suku okokuthula . Kepha kalokhu kufihlakele emehlweni akho. ⁴³ Ngokuba uyakufikelwa yizinsuku, lapho izitha ziyakukukaka ngodonga lwempi, zikuhaqe, zikuvimbezele nxazonke, ⁴⁴ zikuwise phansi , wena nabantwana abakuwe , zingashiyi itshe phezu kwetshe phakathi kwakho , ngokuba ungasazanga isikhathi sokuhanjelwa kwakho. Ukuhlanzwa kwethempeli (Math. 21:12; Mark. 11:15) ⁴⁵ Wangena ethempelini, waqala ukuxosha abathengisayo, ⁴⁶ wathi kubo : Kulotshiwe ukuthi: Indlu yami iyakuba yindlu yokukhuleka , kepha nina niyenze Umhume wabaphangi . ⁴⁷ Wayefundisa ethempelini imihla ngemihla . Kepha abapristi abakhulu , nababhali, nezikhulu zabantu bafuna ukumbulala. ⁴⁸ Kodwa babengatholi ukuthi bangenzani , ngokuba abantu bonke babebambelela kuye bemuzwa.