¹ Wayeseqala ukukhuluma kubo ngemifanekiso , ethi: Umuntu watshala isivini, wasibiyela ngothango, wemba isikhamo , wakha isiqongo sokulinda , wasiqashisa kubalimi, waya kwelinye izwe. ² Ngenkathi efaneleyo wayesethuma inceku kubalimi ukuba ithathe kubalimi ezithelweni zesivini. ³ Bayibamba, bayishaya, bayimukisa ze. ⁴ Waphinda wathuma kubo enye inceku; yona bayilimaza ekhanda, bayithuka. ⁵ Wathuma enye futhi ; yona bayibulala, nezinye ezin ingi: ezinye bazishaya , ezinye bazibulala. ⁶ Kwase kusele umuntu munye , indodana ethandekayo ; yona wayithuma kubo ekugcineni, ethi: Bayakuyazisa indodana yami. ⁷ Kepha labo balimi bakhuluma bodwa , bathi: Lo uyindlalifa ; wozani siyibulale, ifa libe ngelethu. ⁸ Base beyibamba bayibulala, bayiphonsa ngaphandle kwesivini. ⁹ Uzakwenzani umninisivini na ? Uzakuza, ababhubhise labo balimi , isivini asinike abanye. ¹⁰ Aniwufundanga yini lo mbhalo othi : Itshe abalinqabayo abakhi lona laba yinhloko yegumbi; ¹¹ lona lavela eNkosini; liyisimangaliso emehlweni ethu, na? ¹² Base befuna ukumbamba , kepha besaba isixuku ; ngokuba bazi ukuthi ukhulume lo mfanekiso ngabo. Base bemshiya bamuka. Intela kaKesari (Math. 22:15; Luk. 20:19) ¹³ Khona abanye babaFarisi nabakaHerode bathunye lwa kuye ukuba bamhile ngezwi. ¹⁴ Beza bathi kuye : Mfundisi, siyazi ukuthi uqinisile nokuthi awukhathali ngamuntu, ngokuba awubheki ubuso babantu , kodwa indlela kaNkulunkulu uyifundisa ngeqiniso . Kuvunyelwe ukuthela kuKesari noma qha ? Sithele nokuba singatheli na? ¹⁵ Kepha yena ekwazi ukuzenzisa kwabo wathi kubo : Ningilingelani na ? Lethani kimi udenariyu, ngimbone. ¹⁶ Bamletha. Wayesethi kubo: Ngokabani lo mfanekiso nalo mbhalo na ? Bathi kuye: NgokaKesari. ¹⁷ UJesu wathi kubo : Nikani uKesari okukaKesari , noNkulunkulu okukaNkulunkulu. Bamangala ngaye. Ukuvuka kwabafileyo (Math. 22:23; Luk. 20:27) ¹⁸ Khona kwafika kuye abaSadusi abathi akukho ukuvuka kwabafileyo , bambuza bathi: ¹⁹ Mfundisi, uMose wasilobela ukuthi, uma kufa umfowabo womuntu, eshiya umkakhe engashiyi mntwana, umfowabo makamthathe umkakhe , amvusele umfowabo inzalo. ²⁰ Kwakukhona izelamani eziyisikhombisa, owokuqala wathatha umfazi; wafa engashiyanga nzalo. ²¹ Nowesibili wamthatha ; naye wafa engashiyanga nzalo ; kanjalo nowesithathu. ²² Abayisikhombisa kab ashiyanga nzalo . Ekugcineni kwabo bonke kwafa nomfazi. ²³ Ekuvukeni mhla bevukayo uyakuba ngumkabani kubo , lokhu abayisikhombisa babe naye engumkabo, na? ²⁴ UJesu wathi kubo : Angithi nidukile ngenxa yokuba ningayazi imibhalo namandla kaNkulunkulu na? ²⁵ Ngokuba mhla bevuka kwabafileyo abaganwa , abendiswa, kodwa banjengezingelosi ezulwini. ²⁶ Kepha maqondana nabafileyo ukuthi bayavuswa anifundanga yini encwadini kaMose ngesihlahla ukuthi uNkulunkulu wakhuluma kuye , wathi: NginguNkulunkulu ka -Abrahama, noNkulunkulu ka -Isaka, noNkulunkulu kaJakobe, na? ²⁷ Akasiye uNkulunkulu wabafileyo kodwa owabaphilayo. Nidukile kakhulu. Umyalo wokuqala (Math. 22:34) ²⁸ Kwase kusondela omunye wababhali owayebezwile bebuzana , eqonda ukuthi wayebaphendule kahle, wambuza wathi: Ngumuphi umyalo wokuqala kuyo yonke na? ²⁹ UJesu waphendula wathi : Owokuqala ngowokuthi : Yizwa, iNkosi uNkulunkulu wethu, iNkosi, yinye. ³⁰ Woyithanda iNkosi , uNkulunkulu wakho ngayo yonke inhliziyo yakho , nangawo wonke umphefumulo wakho , nangayo yonke ingqondo yakho, nangawo onke amandla akho. ³¹ Owesibili yilo : Womthanda umakhelwame wakho njengalokhu uzithanda wena. Awukho omunye umyalo omkhulu kunale. ³² Umbhali wayesethi kuye : Yebo, Mfundisi, ushilo ngeqiniso ukuthi yinye , ayikho enye ngaphandle kwayo; ³³ futhi ukuyithanda yona ngenhliziyo yonke , nangengqondo yonke , nangamandla onke , nokuthanda umakhelwane njengalokhu umuntu ezithanda yena kudlula yonke iminikelo yokushiswa nemihlatshelo. ³⁴ UJesu embona ukuthi uphendule ngokuqonda , wathi kuye : Awukude nombuso kaNkulunkulu. Akwabe kusabakho onesibindi sokumbuza. UMesiya nemvelo yakhe (Math. 22:41; Luk. 20:41) ³⁵ Khona uJesu efundisa ethempelini wabuza wathi : Basho kanjani ababhali ukuthi uKristu uyindodana kaDavide na? ³⁶ UDavide uqobo lwakhe washo ngoMoya oNgcwele ukuthi : INkosi yathi eNkosini yami : Hlala ngakwesokunene sami , ngize ngibeke izitha zakho phansi kwezinyawo zakho. ³⁷ UDavide uqobo lwakhe umbiza ngokuthi iNkosi . Pho, uyindodana yakhe kanjani na? Ukusolwa kwababhali (Math. 23: 1; Luk. 20: 45) Isixuku esikhulu sasimuzwa ngokujabula. ³⁸ Ekufundiseni kwakhe wathi : Xwayani ababhali abathanda ukuhamba bembethe izingubo ezinde, nokubingelelwa ezigcawini, ³⁹ nezihlalo eziphambili emasinagogeni, nezindawo ezingenhla ekudleni, ⁴⁰ abadla izindlu zabafelokazi, bekhuleka isikhathi eside ngokuzenzisa ; laba bayakwamukeliswa ukulahlwa okukhulu. Umnikelo womfelokazi (Luk. 21:1) ⁴¹ Wayesehlala phansi maqondana nomphongolo womnikelo , wabuka isixuku sibeka umnikelo emphongolweni. Abaningi abacebileyo babeka kakhulu. ⁴² Kwase kufika umfelokazi ompofu wabeka amafadingi amabili okuyisitebela. ⁴³ Wayesebabiza abafundi bakhe , wathi kubo : Ngiqinisile ngithi kini : Lo mfelokazi ompofu ubekile kakhulu kunabo bonke ababeke emphongolweni, ⁴⁴ ngokuba bonke babeka kokuchichimileyo kwabo , kepha yena ebumpofini bakhe ubeke konke anakho, konke abephila ngakho.