¹ Kwabuthana kuye abaFarisi nabanye bababhali bevela eJerusalema. ² Sebebonile ukuthi abanye babafundi bakhe badla izinkwa ngezandla ezimbi okungukuthi ezingahlanjiwe -- ³ ngokuba abaFarisi kanye nabaJuda bonke abadli bengahlambisisanga izandla, bebamba isiko labadala; ⁴ nanxa bevela endalini , abadli bengakahlambi ; kukhona nezinye izinto eziningi abazamukeleyo ukuba bazibambe , njengokuhlanza izinkezo , nezinkamba, nezitsha zethusi -- ⁵ abaFarisi nababhali bambuza bathi : Abafundi bakho abahambi ngani ngesiko labadala, kepha badla isinkwa ngezandla ezimbi na? ⁶ Wayesethi kubo : U-Isaya waprofetha kahle ngani nina bazenzisi njengokulotshiweyo ukuthi : Lesi sizwe singidumisa ngezindebe zomlomo , kepha inhliziyo yaso ikude nami; ⁷ kodwa bangikhonza ngeze befundisa izifundiso eziyimiyalo yabantu. ⁸ Niyeka umyalo kaNkulunkulu, nibambe isiko labantu. ⁹ Wayesethi kubo: Yebo, nichitha umyalo k aNkulunkulu ukuba nigcine isiko lenu. ¹⁰ Ngokuba uMose wathi : Yazisa uyihlo nonyoko , nokuthi: Othuka uyise noma unina makafe nokufa; ¹¹ kepha nina nithi : U ma umuntu ethi kuyise noma kunina : YiKorbana, okungukuthi umnikelo, lokho ongabe usizwa yimi ngakho, ¹² anisamvumeli ukuba enzele uyise noma unina utho. ¹³ Izwi likaNkulunkulu nilenza libe yize ngesiko lenu enilivezileyo ; nokunye okuningi okunjalo niyakwenza. ¹⁴ Khona wabuye wabiza isixuku, wathi kuso: Ngizweni nonke, niqonde. ¹⁵ Alukho utho olungaphandle k omuntu lungene kuye olungamngcolisa ; kepha okuphumayo kuye yilokho okumngcolisayo umuntu. ¹⁶ Uma ekhona onezindlebe zokuzwa, makezwe. ¹⁷ Kuthe esengene endlini , evela esixukwini, abafundi bakhe bambuza ngalowo mfanekiso. ¹⁸ Wayesethi kubo: Kanti nani ningaban gaqondiyo na? Aniqondi yini ukuthi konke okungaphandle okungena kumuntu kungemngcolise na? ¹⁹ Ngokuba akungeni enhliziyweni yakhe , kodwa kungena esiswini , kuphumele ngaphandle, kuhlambulula ukudla konke. ²⁰ Wayesethi: Okuphumayo kumuntu yilokho okumngcolisayo umuntu; ²¹ ngokuba ngaphakathi enhliziyweni yabantu kuphuma imicabango emibi , nobufebe, nokweba, nokubulala, ²² nokuphinga, nokufisa, nokushinga, nenkohliso, nokungabi nanhloni , neso elibi, nokuhlambalaza, nokuzidla, nobuwula. ²³ Zonke lezo zinto ezimbi zivela ngaphakathi, zimngcolise umuntu. Owesifazane waseSirofenike (Math. 15:21) ²⁴ Wayesemuka lapho , waya emikhawulweni yaseTire . Wangena endlini , akathanda ukwaziwa muntu, kodwa wayengenakufihlakala. ²⁵ Kwathi masinyane owesifazane ondodakazi yakhe encane i nomoya ongcolileyo esezwile ngaye, weza waziphonsa phansi ngasezinyaweni zakhe. ²⁶ Kepha owesifazane lo wayengumGreki engumSirofenike ngokuzalwa , wamnxusa ukuba akhiphe idemoni endodakazini yakhe. ²⁷ UJesu wayesethi kuye : Ake kusuthe abantwana kuqala , ngokuba akukuhle ukuthatha isinkwa sabantwana, usiphonse ezinjaneni. ²⁸ Kodwa waphendula , wathi kuye : Yebo, Nkosi; kepha nezinjana zidla imvuthuluka yabantwana phansi kwetafula. ²⁹ Wayesethi kuye : Ngenxa yalelo zwi , hamba-ke; idemoni seliphumile endodakazini yakho. ³⁰ Wayesemuka, waya endlini yakhe , wafumana umntwana elele embhedeni , idemoni liphumile. Isithulu esinamalimi siyaphiliswa (Math. 15:29) ³¹ UJesu waphuma futhi emikhawulweni yaseTire , wadabula iSidoni , weza ngaselwandle lwaseGalile edabula izwe laseDekapholi. ³² Baletha kuye isithulu esinamalimi , bamncenga ukuba abeke isandla phezu kwaso. ³³ Wagudluka naso esixukwini bebodwa , wafaka iminwe yakhe ezindlebeni zaso, wafela amathe, waphatha ulimi lwaso, ³⁴ wabheka ngasezulwini , wabubula, wathi kuso : Efatha! okungukuthi: Vuleka! ³⁵ Zase zivuleka izindlebe zaso , wathukuluka masinyane umthambo wolimi lwaso, sakhuluma kahle. ³⁶ Wabayala ukuba bangatsheli muntu . Kepha kwathi nakuba ebayala kakhulu, kwayikhona bekwandisa kakhulu impela. ³⁷ Bamangala nokumangala , bathi: Wenze kahle konke ; nezithulu uzenza zizwe, nezimungulu zikhulume.