¹ Ningahluleli ukuba ningahlulelwa. ² Ngokuba ngokwahlulela enahlulela ngakho nani niyakwahlulelwa ngakho , nangaleso silinganiso enilinganisa ngaso nani niyakulinganiselwa ngaso. ³ Ubhekelani ucezwana oluse sweni lomfowenu, kepha ugongolo olusesweni lakho awuluboni, na? ⁴ Ungasho kanjani kumfowenu ukuthi : Ake ngikhiphe ucezwana olusesweni lakho; bheka, ugongolo lusesweni lakho. ⁵ Mzenzisi, khipha kuqala ugongolo esweni lakho , khona-ke uzakubonisisa ukukhipha ucezwana esweni lomfowenu. ⁶ Ninganiki izinja okungcwele , ningaphonsi amaparele enu phambi kwezingulube, funa ziwanyathele ngezinyawo zazo , ziphenduke, ziniklebhule. ⁷ Celani, khona nizakuphiwa; funani, khona nizakufumana; ngqongqothani, khona nizakuvulelwa. ⁸ Ngokuba yilowo nalowo ocelayo uyamukeliswa , nofunayo uyafumana , nongqongqothayo uzakuvulelwa. ⁹ Noma ngumuphi umuntu kini ongathi , uma indodana yakhe icela isinkwa , ayinike itshe, ¹⁰ noma icela inhlanzi, ayinike inyoka na? ¹¹ Ngakho-ke uma nina enibabi naz i ukubapha abantwana benu izipho ezinhle, kakhulu uYihlo osezulwini uzakubapha okuhle abacela kuye. ¹² Ngakho-ke konke nokungakanani enifuna ukuba abantu bakwenze kini , kwenzeni nani kanjalo kubo; ngokuba lokhu kungumthetho nabaprofethi. ¹³ Ngenani ngesango elincane; ngokuba isango libanzi nendlela inkulu eyisa ekubhujisweni; baningi abangena khona. ¹⁴ Kepha isango lincane nendlela iyingcingo eyisa ekuphileni ; bayingcosana abayifumanayo. ¹⁵ Xwayani abaprofethi bamanga abeza kini bembathise okwezimvu, kepha ngaphakathi bayizimpisi eziphangayo. ¹⁶ Niyakubazi ngezithelo zabo . Kungakhiwa yini izithelo zomvini emeveni noma amakhiwane ekhakhasini na? ¹⁷ Kanjalo yilowo nalowo muthi omuhle uthela izithelo ezinhle , kepha umuthi omubi uthela izithelo ezimbi. ¹⁸ Umuthi omu hle ungethele izithelo ezimbi , nomuthi omubi ungethele izithelo ezinhle. ¹⁹ Yilowo nalowo muthi ongatheli izithelo ezinhle uyanqunywa , uphonswe emlilweni. ²⁰ Njalo-ke niyakubazi ngezithelo zabo. ²¹ Asibo bonke abashoyo kimi ukuthi : Nkosi, Nkosi, abayakungena embusweni wezulu, kuphela owenza intando kaBaba osezulwini. ²² Abaningi bayakuthi kimi ngalolo suku : Nkosi, Nkosi, asiprofethanga yini ngegama lakho , sakhipha amademoni ngegama lakho , senza imisebenzi eminingi yamandla ngegama lakho, na? ²³ Khona ngiyaku fakaza kubo ukuthi : Angizange nginazi ; sukani kimi nina benzi bokubi. ²⁴ Ngalokho yilowo nalowo owezwa lawa mazwi ami , awenze, uyakufaniswa nendoda ehlakaniphileyo eyakha indlu yayo phezu kwedwala. ²⁵ Layithela imvula , kwafika izikhukhula , kwavunguza imimoy a, yayishaya leyo ndlu; kepha kayiwanga, ngokuba yayisekelwe yidwala. ²⁶ Kodwa yilowo owezwa lawa mazwi ami, angawenzi, uyakufaniswa nendoda eyisiwula eyakha indlu yayo phezu kwesihlabathi. ²⁷ Layithela imvula , kwafika izikhukhula , kwavunguza imimoya , yayishaya leyo ndlu, yawa, kwaba kukhulu ukuwa kwayo! ²⁸ Kwathi uJesu eseqedile lawo mazwi , izixuku zamangala ngokufundisa kwakhe; ²⁹ ngokuba wayebafundisa njengonamandla, kungenjengababhali babo.