¹ UNkulunkulu wakhuluma onke lawa mazwi, wathi: ² NginguJehova uNkulunkulu wakho owakukhipha ezweni laseGibithe , indlu yobugqila. ³ Ungabi nabanye onkulunkulu ngaphandle kwami. ⁴ Ungazenzeli izithombe ezibaziweyo , namfanekiso wokusezulwini ngaphezulu, nowokusemhlabeni phansi, nowokusemanzini phansi komhlaba; ⁵ ungazikhothameli, ungazikhonzi, ngokuba mina Jehova uNkulunkulu wakho nginguNkulunkulu onomhawu , ngihambela ububi bawoyise kubantwana kuso isizukulwane sesithathu nesesine sabangizondayo, ⁶ kepha ngibenzel a umusa abayizinkulungwane abangithandayo , bagcine imiyalelo yami. ⁷ Ungaliphathi ngeze igama likaJehova uNkulunkulu wakho , ngokuba uJehova akayikumyeka oliphatha ngeze igama lakhe. ⁸ Khumbula usuku lwesabatha, ulungcwelise. ⁹ Izinsuku eziyisithupha uyakusebenza, uwenze wonke umsebenzi wakho; ¹⁰ kepha usuku lwesikhombisa luyisabatha likaJehova uNkulunkulu wakho ; awuyikusebenza msebenzi ngalo , wena nendodana yakho , nendodakazi yakho, nenceku yakho , nencekukazi yakho , nezinkomo zakho , nomfokazi osemzini wakho; ¹¹ ngokuba ngezinsuku eziyisithupha uJehova wenza izulu nomhlaba , nolwandle, nakho konke okukukho , waphumula ngosuku lwesikhombisa ; ngalokho uJehova walubusisa usuku lwesabatha, walungcwelisa. ¹² Yazisa uyihlo nonyoko , ukuze izinsuku zakho zibe zinde ezweni uJehova uNkulunkulu wakho akunika lona. ¹³ Ungabulali. ¹⁴ Ungaphingi. ¹⁵ Ungebi. ¹⁶ Ungafakazi amanga ngomakhelwane wakho. ¹⁷ Ungafisi indlu yomakhelwane wakho ; ungafisi umfazi womakhelwane wakho, nenceku yakhe , nencekukazi yakhe , nenkabi yakhe , nembongolo yakhe, nokunye okomakhelwane wakho. Ukwesaba kwabantu ¹⁸ Bonke abantu babona ukuduma nokunyazima kombani , nezwi lecilongo , nentaba ithunqa; kwathi abantu sebebonile, bathuthumela, bema kude. ¹⁹ Bathi kuMose : Khuluma wena kithi, sizwe; kepha uNkulunkulu makangakhulumi kithi, funa sife. ²⁰ UMose wayesethi kubantu : Ningesabi, ngokuba uNkulunkulu uze ukuba anivivinye, ukumesaba kube semehlweni enu, ukuze ningoni. ²¹ Abantu bema kude ; uMose wasondela ebumnyameni obunzima , lapho ekhona uNkulunkulu. Umthetho we-altare ²² UJehova wayesethi kuMose : Yisho kanje kubantwana bakwa -Israyeli, uthi: Nibonile nani uqobo ukuthi ngikhulumile kini ngisezulwini. ²³ Aniyikwenza lutho olungaphandle kwami ; onkulunkulu besiliva nawonkulunkulu begolide aniyikuzenzela bona. ²⁴ Wongenzela i -altare lomhlabathi , unikele phezu kwalo iminikelo yakho yokushiswa neminikelo yakho yokuthula , izimvu zakho nezinkomo zakho ; ezindaweni zonke lapho ngilenza ukuba likhunjulwe khona igama lami , ngiyakuza kuwe, ngikubusise. ²⁵ Uma ungenzela i -altare nga matshe, awuyikulakha ngamatshe abaziweyo , ngokuba uma uphakamisela kulo ingwedo yakho, ulingcolisile. ²⁶ Awuyikukhwela e -altare lami ngezikhwelo , funa kwambulwe ubunqunu bakho.