¹ Duduzani, nibaduduze abantu bami, usho uNkulunkulu wenu. ² Qungani iJerusalema isibindi , nimemeze kulo ukuthi ukulwa kwalo sekuphelile nokuthi buhlanguliwe ububi balo , ngokuba lamukeliswe esandleni sikaJehova ngokuphindiweyo ngazo zonke izono zalo. ³ Izwi liyamemeza lithi : Lungisani ehlane indlela kaJehova , nihlelembe oqwathuleni umgwaqo kaNkulunkulu wethu. ⁴ Zonke izigodi ziyakuphakanyiswa , zonke izintaba namagquma kuyakwehliswa; amagebhugebhu ayakuhlelenjwa , nemigoxigoxi iyakuba yithafa. ⁵ Inkazimulo kaJehova iyakubonakaliswa, yonke inyama ikubone kanyekanye, ngokuba umlomo kaJehova ukhulumile. ⁶ Izwi liyakhuluma lithi : Memeza! Ngathi: Ngiyakumemezani na ? Inyama yonke ingutshani, bonke ubuhle bayo bunjengembali yasendle. ⁷ Utshani buyabuna , imbali iyavuthuluka, ngokuba umoya kaJehova uyaphephetha kukho. Impela abantu bangutshani. ⁸ Utshani buyabuna, imbali iyavuthuluka, kepha izwi likaNkulunkulu weth u limi kuze kube phakade. ⁹ Khuphukela entabeni ende , wena, Siyoni, obika okujabulisayo, uphakamise ngamandla izwi lakho , wena Jerusalema obika okujabulisayo , uliphakamise ungesabi, usho emizini yakwaJuda ukuthi : Bhekani, nangu uNkulunkulu wenu. ¹⁰ Bhekani, iNkosi uJehova iyeza ngamandla ; ingalo yayo iyakumbusela ; bhekani, umvuzo wayo inawo, inkokhelo yayo iphambi kwayo. ¹¹ Iyakwalusa umhlambi wayo njengomalusi, ibuthe amawundlu ngemikhono yayo, iwagone esifubeni sayo, ihole kahle izindlezane. Ngubani onjengoNkulunkulu na? ¹² Ngubani olinganise amanzi ngentende yesandla sakhe , walinganisa izulu ngeminwe eyeluliweyo , wahlanganisa uthuli esilinganisweni , walinganisa izintaba ngezikalo namagquma ngezisindo, na? ¹³ Ngubani oqondisile uMoya kaJehova, wamfundisa engumluleki wakhe, na? ¹⁴ Walulekana nobani waze wamqondisa , wamfundisa ind lela yokwahlulela , wamnika ukwazi, wamazisa indlela yokuqonda, na? ¹⁵ Bheka, izizwe zinjengethonsi kwasesitsheni , zibalwa njengothuli lwesilinganiso; bheka, iziqhingi uyaziphakamisa njengothuli olucolekileyo. ¹⁶ ILebanoni alanele ukubaswa, nezilwane zalo az anele ukuba zibe ngumnikelo wokushiswa. ¹⁷ Zonke izizwe zinjengento engeluth o phambi kwakhe , zibalwa njengokungelutho nokuyize kuye. ¹⁸ Niyakumfanisa uNkulunkulu nobani , nimlinganise namuphi umfanekiso , na? ¹⁹ Yisithombe yini esibunjiwe yisisebenzi, sanamekwa ngegolide ngumkhandi, sancibilikiselwa amaketanga esiliva, na? ²⁰ Ompofu kunokuba anikele ngomnikelo onjal o uyakhetha umuthi ongaboliyo, azifunele isisebenzi esihlakaniphiley o ukuba simise isithombe esibaziweyo esingenakuzanyazanyiswa. ²¹ Anazi yini? Anizwa yini? Anitshelwanga yini kwasekuqaleni , aniqondanga kwasekusekelweni komhlaba, na? ²² Nguye ohlezi esiyingelezini somhlaba -- abakhile kuwo banjengezintethe -- noweneka izulu njengendwangu, alelule njengetende ukuba kuhlalwe kulo, ²³ nowenza izikhulu zibe yinto engelutho, nabahluleli ukuba babe yize. ²⁴ Yebo, banele ukutshalwa nje, yebo, banele ukuhlwanyelwa nje, yebo, isiqu sanele ukugxila emhlabathini, abesephephetha kubo, babune, isivunguvungu sibasuse njengamabibi. ²⁵ Niyakungifanisa nobani ukuba ngifane naye? usho oNgcwele. ²⁶ Phakamiselani amehlo enu phezulu, nibone. Ngubani odalile lezo zinto na? Nguye okhipha ibandla lazo ngezibalo , abize zonke ngamagama; ngobuningi bamandla akhe nangobukhulu bezikhwepha zakhe ayisilali neyodwa. ²⁷ Usholoni wena Jako be, ukhulumelani wena Israyeli , ukuthi: Indlela yami isithekile kuJehova, ilungelo lami lidlulile kuNkulunkulu wami, na? ²⁸ Awazi yini ? Awuzwanga na ? UJehova unguNkulunkulu ongunaphakade; udalile imikhawulo yomhlaba ; akapheli amandla , akakhathali, nokuqonda kwakhe akunakuphenywa. ²⁹ Nguye omupha oyethileyo amandla , nakongenamandla uyandisa izikhwepha. ³⁰ Izinsizwa ziyaphela amandla, zikhathale, nabasha bawa nokuwa, ³¹ kepha abamethembayo uJehov a bayathola amandla amasha , bayakhuphuka ngamaphiko njengezinkozi, bagijime bengakhathali, bahambe bengapheli amandla.