¹ Kwathi emva kwalezo zinto uNkulunkulu wamvinvinya u -Abrahama, wathi kuye: Abrahama! Yena wathi: Ngilapha. ² Wayesethi: Thatha manje indodana yakho eyodwa oyithandayo, u-Isaka, uye ezweni laseMoriya , unikele khona ngaye abe ngumnikelo wokushiswa entabeni ethile engizakukutshela yona. ³ U-Abrahama wavuka ekusen i, wabophela imbongolo yakhe , wathatha ezimbili ezincekwini zakhe , no-Isaka indodana yakhe ; wacanda izinkuni zomnikelo obuzakushiswa, wasuka waya endaweni uNkulunkulu abemtshele yona. ⁴ Ngosuku lwesithathu u -Abrahama waphakamisa amehlo akhe , wayibona indawo isekude. ⁵ U-Abrahama wathi ezincekwini zakhe : Hlalani lapha nembongolo ; mina nomfana sisaya laphaya, sikhuleke, sibuye size kini. ⁶ U-Abrahama wathatha izinkuni zomnikelo obuzakushiswa , wazibeka phezu kuka-Isaka indodana yakhe , waphatha esandleni sakhe uml ilo nomese ; bahamba bobabili kanyekanye. ⁷ U-Isaka wathi ku -Abrahama uyise : Baba. Wathi yena : Ngilapha, ndodana yami. Wayesethi: Bheka, nanku umlilo nezinkuni, kepha iphi imvu yomnikelo ezakushiswa na? ⁸ U-Abrahama wathi : UNkulunkulu uzakuzibonela imvu yomnikelo ezakushiswa, ndodana yami, bahamba bobabili kanyekanye. ⁹ Bafika endaweni uNkulunkulu abemtshele yona ; u-Abrahama wakha khona i-altare, walungisa izinkuni, wambopha u-Isaka indodana yakhe, wambeka e- altare phezu kwezinkuni. ¹⁰ U-Abrahama waselula isandl a sakhe , wathatha umese ukuba ahlabe indodana yakhe. ¹¹ Kwase kumemeza kuye ingelosi kaJehova isezulwini , ithi: Abrahama, Abrahama! Yena wathi: Ngilapha. ¹² Yayisithi: Ungabeki isandla sakho kumfana , ungenzi lutho kuye , ngokuba ngiyazi manje ukuthi uyamesab a uNkulunkulu , lokhu ungagodlanga kimi nandodana eyodwa yakho. ¹³ U-Abrahama waphakamisa amehlo akhe , wabona; bheka, ngemuva yinqama, ibhajiwe esihlahleni ngezimpondo zayo ; u-Abrahama waya wayithatha inqama , wanikela ngayo umnikelo wokushiswa esikhundleni sendodana yakhe. ¹⁴ U-Abrahama waqamba igama laleyo ndawo ngokuthi uJehova uyabonelela , njengalokhu kuthiwa nanamuhla: Entabeni kaJehova kuyakubonelelwa. ¹⁵ Ingelosi kaJehova yayisimemeza ku-Abrahama ngokwesibili isezulwini, ¹⁶ ithi: Ngizifungile, usho uJehov a, ukuthi njengokuba ukwenzile lokhu , ungagodlanga indodana yakho eyodwa, ¹⁷ ngiyakukubusisa nokukubusisa , ngandise nokwandisa inzalo yakho , ibe ngangezinkanyezi zezulu nangangesihlabathi sasogwini lolwandle, inzalo yakho inqobe isango lezitha zayo, ¹⁸ nangenzalo yakho ziyakubusiswa izizwe zonke zomhlaba , ngokuba ulalele izwi lami. ¹⁹ U-Abrahama wayesebuyela ezincekwini zakhe; basuka, baya eBeri Sheba; u- Abrahama wakha eBeri Sheba. Inzalo kaNahori ²⁰ Kwathi emva kwalokho kwabikwa ku -Abrahama ukuthi : Bheka, naye uMilka umzalele uNahori umfowenu abantwana: ²¹ Ngu-Use izibulo lakhe, noBusi umfowabo, noKemuweli uyise ka-Aramu, ²² noKesede, noHazo, noPilidashe, noJidilafe, noBetuweli, ²³ uBetuweli wazala uRebeka ; laba abayisishiyagalombili uMilka wabazalela uNahori umfowabo ka-Abrahama. ²⁴ Nesancinza sakhe esigama laso lalinguRewuma sazala oTheba , noGahamu, noTahashi, noMahakha.