¹ Isandla sikaJehova sasiphezu kwami , sangikhipha ngoMoya kaJehova , sangibeka phakathi kwesigodi; sasigcwele amathambo. ² Wangidlulisa kuwo , ngawazungeza; bheka, ayemaningi kakhulu ebusweni besigodi, futhi bheka, ayomile kakhulu. ³ Wayesethi kimi: Ndodana yomuntu, lawa mathambo angaphila na ? Ngathi: Nkosi Jehova, wena uyazi. ⁴ Wayesethi kimi : Profetha phezu kwalawa mathambo , uthi kuwo : Nina mathambo omileyo, zwanini izwi likaJehova. ⁵ Isho kanje iNkosi uJehova kulawa mathambo, ithi: Bhekani, ngiyakungenisa kini umoya, niphile. ⁶ Ngiyakubeka imisipha phezu kwenu , ngihlumise inyama phezu kwenu , nginimboze ngesikhumba, nginike umoya, niphile, nazi ukuthi nginguJehova. ⁷ Ngaprofetha njengalokho ngiyaliwe , nalapho ngiprofetha kwaba khona umsindo nokugunquza; amathambo asondelana, ithambo kulo ithambo. ⁸ Ngase ngibona; bheka, kwakukhona imisipha phezu kwawo , kwahluma nenyama, nesikhumba sawasibekela ngaphezulu, kepha umoya wawungekho kuwo. ⁹ Wayesethi kimi : Profetha kuwo umoya , profetha, ndodana yomuntu , uthi kuwo umoya: Isho kanje iNkosi uJehova, ithi: Woza, moya, uvele emimoyeni yomine, uphefumulele laba ababuleweyo ukuba baphile. ¹⁰ Ngaprofetha njengalokho ngiyaliwe ; umoya wangena kuwo , aphila, ema ngezinyawo zawo, impi enkulu kakhulu impela. ¹¹ Wayesethi kimi: Ndodana yomuntu, lawa mathambo ayindlu yonke yakwa- Israyeli; bathi: Bheka, amathambo ethu omile , ithemba lethu liphelile , sinqunyiwe. ¹² Ngalokho profetha , uthi kubo : Isho kanje iNkosi uJehova , ithi: Bheka, ngiyakuvula amathuna enu, nginikhuphule emathuneni enu nina bantu bami, nginiyise ezweni lakwa-Israyeli. ¹³ Niyakwazi ukuthi nginguJehova , lapho sengiwavulile amathuna enu , nganikhuphula emathuneni enu nina bantu bami. ¹⁴ Ngiyakuwufaka uMoya wami kini , nize niphile , nginibeke ezweni lakini , nazi ukuthi mina Jehova ngikhulumile, ngakwenza, usho uJehova. Izinti ezimbili ¹⁵ Izwi likaJehova lafika kimi, lathi: ¹⁶ Wena ndodana yomuntu, zithathele induku, ulobe kuyo ngokuthi: EkaJuda neyabantwana bakwa-Israyeli, abangane bakhe . Thatha enye induku , ulobe kuyo ngokuthi: EkaJosefa, induku ka -Efrayimi neyendlu yonke yakwa - Israyeli, abangane bakhe, ¹⁷ uzisondeze enye kwenye, zibe yinduku inye, zibe nye esandleni sakho. ¹⁸ Lapho abantu bakho bekhuluma kuwe , bathi: U ngesitshele ukuthi lezi ziyini kuwe na? ¹⁹ khuluma kubo , uthi: Isho kan je iNkosi uJehova , ithi: Bheka, ngiyakuyithatha induku kaJosefa esesandleni sika -Efrayimi nezizwe zakwa - Israyeli, abangane bakhe , ngiyibeke endukwini kaJuda , ngizenze zibe yinduku inye, babe munye esandleni sami. ²⁰ Izinduku oloba kuzo ziyakuba sesandleni sakho phambi kwamehlo abo. ²¹ Khuluma kubo , uthi: Isho kanje iNkosi uJehova , ithi: Bheka, ngiyakuthabatha abantwana bakwa -Israyeli ezizweni lapho baya khona , ngibabuthe nxazonke, ngibayise ezweni lakubo, ²² ngibenze isizwe sinye ezweni, ezintabeni zakwa-Israyeli, kube yinkosi inye kubo bonke , bangabe besaba yizizwe ezimbili , bangabe besahlukaniselwa imibuso emibili. ²³ Abasayikuzingcolisa ngezithombe zabo , nangokuzondekayo kwabo , nangesisodwa seziphambeko zabo , kepha ngiyakubasindisa kukho konke ukuhlehla kwabo abone ngakho, ngibahlambulule, baze babe ngabantu bami, mina ngibe nguNkulunkulu wabo. ²⁴ Inceku yami uDavide iyakuba yinkosi phezu kwabo , kube ngumalusi munye kubo bonke; bayakuhamba ezahlulelweni zami, bagcine izimiso zami, bazenze. ²⁵ Bayakuhlala ez weni engilinike inceku yami uJakobe , ababehlala kulo oyihlo; bayakuhlala kulo, bona nabantwana babo , nabantwana babantwana babo kuze kube phakade, uDavide inceku yami abe yisikhulu sabo kuze kube phakade. ²⁶ Ngiyakwenza isivumelwano sokuthula nabo , sibe yi sivumelwano esiphakade nabo; ngiyakubamisa, ngibandise, ngibeke indlu yami engcwele phakathi kwabo kuze kube phakade. ²⁷ Itabernakele lami liyakuba phezu kwabo; ngiyakuba nguNkulunkulu wabo, bona babe ngabantu bami. ²⁸ Izizwe ziyakwazi ukuthi mina Jehova ngiyangcwelisa u-Israyeli, lapho indlu yami engcwele ikhona phakathi kwabo kuze kube phakade.