¹ Wena ndodana yomuntu , profetha ngoGogi , uthi: Isho kanje iNkosi uJehova, ithi: Bheka, ngimelene nawe Gogi, isikhulu sakwaRoshe noMesheke noThubali. ² Ngiyakukuguqula, ngikuhole, ngikwenyuse ekugcineni komhlaba , ngikuyise ezintabeni zakwa-Israyeli, ³ ngishaye phansi umnsalo esandleni sakho sokhohlo, ngiwise imicibisholo yakho esandleni sakho sokunene. ⁴ Uyakuwa ezintabeni zakwa -Israyeli, wena namaviyo akho onke , nabantu abanawe, ngikunikele ezinyonini eziyoculayo zezinhlobo zonke nasezilwaneni zasendle ukuba udliwe. ⁵ Uyakuwa ebusweni bomhlaba, ngokuba mina ngikhulumile , isho iNkosi uJehova. ⁶ Ngiyakuthuma umlilo kuMagogi nakwabahlala belondekile eziqhingini , bazi ukuthi nginguJehova. ⁷ Ngiyakwenza ukuba laziwe igam a lami elingcwele phakathi kwabantu bami u -Israyeli, ngingabe ngisavuma ukuba igama lami elingcwele lingcoliswe, izizwe zazi ukuthi nginguJehova, oNgcwele wakwa-Israyeli. ⁸ Bheka, kuyeza, kuyakwenzeka, isho iNkosi uJehova ; yilolo suku engikhulume ngalo. ⁹ Abahlala emizini yakwa -Israyeli bayakuphuma , baphembe umlilo ngezikhali, bazishise, izihlangu namahawu , iminsalo nemicibisholo , nezinduku, nemikhonto, benze umlilo ngakho iminyaka eyisikhombisa. ¹⁰ Abayikuthatha muthi endle , bangagawuli emahlathini , ngokuba bayakuphemba umlilo ngezikhali , baphange ababaphangay o, bamuke ababamukileyo, isho iNkosi uJehova. ¹¹ Kuyakuthi ngalolo suku ngimnike uGogi lapho indawo yethuna , kwa- Israyeli, isiGodi Sabadlulayo ngasempumalanga kolwandle , ivimbe abadlulayo, bembele khon a uGogi naso sonke isixuku sakhe , bayibize ngokuthi isiGodi saseHamoni Gogi. ¹² Indlu yakwa -Israyeli iyakubembela izinyanga eziyisikhombisa , ukuze ihlambulule izwe. ¹³ Bonke abantu bezwe bayakubembela , kube ludumo lwabo ngosuku engiyakukhazimuliswa ngalo, isho iNkosi uJehova. ¹⁴ Bayakwahlukanisa njalo abantu abayakudabula izwe , bembele ababedabula besasele ebusweni bomhlaba, baze balihlambulule; bayakucinga ngasekugcineni kwezinyanga eziyisikhombisa. ¹⁵ Lapho abadlula ezweni bedlula babone ithambo lomuntu , bayakumisa isiboniso eceleni kwalo , abembelayo baze balimbele esiGodini saseHamoni Gogi. ¹⁶ Kuyakuba khona futhi nomuzi ogama lawo liyakuba yiHamoni . Bayakuhlambulula kanjalo izwe. ¹⁷ Wena ndodana yomuntu, isho kanje iNkosi uJehova, ithi: Yisho ezinyonini zezinhlobo zonke nasezilwaneni zasendle, uthi: Buthani, nifike, nihlanganyele umhlatshelo wami nxazonke engiwuhlaba ngenxa yenu , umhlatshelo omkhulu ezintabeni zakwa-Israyeli, ukuba nidle inyama, niphuze igazi. ¹⁸ Niyakudla inyama yamaqhawe , niphuze igazi lez ikhulu zomhlaba , elezinqama, nelamawundlu, nelezimbuzi, nelezinkunzi, ezikhulupheleyo zaseBashani zonke. ¹⁹ Niyakudla amanoni nize nisuthe , niphuze igazi nize nidakwe emhlatshelweni wami engiwuhlaba ngenxa yenu. ²⁰ Niyakusutha etafuleni lami ngamahhashi, nangezinqola, nangamaqhawe, nangawo onke amadoda empi, isho iNkosi uJehova. ²¹ Ngiyakubeka inkazimulo yami phakathi kwezizwe , zonke izizwe zibone isahlulelo sami engisenzileyo, nesandla sami engisibeke kuzo. ²² Isiyakwazi indlu yakwa-Israyeli ukuthi nginguJeho va uNkulunkulu wabo , kusukela kulolo suku kuya phambili. ²³ Izizwe ziyakwazi ukuthi indlu yakwa -Israyeli yathunjwa ngenxa yobubi bayo, ngokuba baphambuka kimi, ngasitheza ubuso bami kubo ; ngabanikela esandleni sezitha zabo, bawa bonke ngenkemba. ²⁴ Ngenza kubo njengokungcola kwabo nanjengezeqo zabo , ngasitheza ubuso bami kubo. ²⁵ Ngalokho isho kanje iNkosi uJehova , ithi: Ngiyakubuyisa ukuthunjwa kukaJakobe, ngihawukele yonke indlu yakwa -Israyeli, ngibe nomhawu ngegama lami elingcwele. ²⁶ Bayakuthwala ihlazo l abo nazo zonke izeqo zabo abeqe ngazo kimi , lapho beyakuhlala belondekile ezweni lakubo, kungabikho obesabisayo, ²⁷ lapho ngibabuyisile kubantu , ngibabuthile emazweni ezitha zabo , ngingcwelisiwe emehlweni ezizwe eziningi. ²⁸ Bayakwazi ukuthi nginguJehova uNk ulunkulu wabo ngokubathumba kwami phakathi kwezizwe , nangokuba ngababutha ezweni lakubo ; angisayikushiya muntu wabo khona; ²⁹ angisayikusitheza ubuso bami kubo, ngokuba ngiyakuthulula uMoya wami phezu kwendlu yakwa-Israyeli, isho iNkosi uJehova.