¹ Izwi likaJehova elafika kuJeremiya ngesigagadu. ² UJuda uyalila , amasango akhe ad angele, ahlezi emhlabathini edabukile , nokukhala kweJerusalema kwenyukile. ³ Abakhulu babo bathuma abancane babo emanzini ; bafika emigodini, kepha abafumani manzi, babuya, izitsha zabo zingenalutho; banamahloni, bajabhile, bamboza amakhanda abo. ⁴ Ngenxa yomhlabathi odabukileyo , ngokuba akubangakho mvula ezweni , abalimi banamahloni, bamboza amakhanda abo. ⁵ Yebo, nendluzele izalela endle, ilishiye izinyane, ngokuba utshani abukho. ⁶ Izimbongolo zasendle ziyema emadulini angenalutho , zihogela umoya njengamakhanka; amehlo azo ayaphela, ngokuba kungekho tshani. ⁷ Noma izono zethu zifakaza ngathi , sebenza, Jehova, ngenxa yegama lakho ; ngokuba ukuhlehla kwethu kuningi, sonile kuwe. ⁸ Themba lika-Israyeli, msindisi wakhe ngesikhathi sokuhlupheka , yini ukuba ube njengo mfokazi ezwen i nanjengesihambi esingenisay o ukuba silale ubusuku nje na? ⁹ Yini ukuba ube ngumuntu odidekileyo , njengeqhawe elingenakusindisa, na? Nokho uphakathi kwethu, Jehova, sibiziwe ngegama lakho; ungasishiyi. ¹⁰ Usho kanje uJehova ngalaba bantu , uthi: Bathanda ukuzula kanjalo , abazibambi izinyawo zabo ; uJehova akathokozi ngabo ; manje uyakubukhumbula ububi babo, azihambele izono zabo. ¹¹ UJehova wathi kimi: Ungabakhulekeli laba bantu ukuba baphiwe okuhle. ¹² Noma bezila ukudla, angiyikuzwa ukumemeza kw abo; noma benikela ngomnikelo wokushiswa nangowempuphu , angiyikuthokoza ngabo , kepha ngiyakubaqeda ngenkemba, nangendlala, nangesifo. ¹³ Ngase ngithi: E, Nkosi Jehova, bheka, abaprofethi bathi kubo: Aniyikubona inkemba, nendlala ayiyikunehlela , kepha ngiya kuninika ukuthula okuqinisileyo kule ndawo. ¹⁴ Wayesethi uJehova kimi : Abaprofethi baprofetha amanga egameni lami ; angibathumanga, angibayalanga, angikhulumanga kubo; baprofetha imibono yamanga, nokubhula, nokuyize, nenkohliso yenhliziyo yabo. ¹⁵ Ngalokho usho kanje uJehova ngabaprofethi abaprofetha ngegama lami , ngingabathumanga, bathi: Akuyikubakho inkemba nendlala kuleli zwe , uthi: Ngenkemba nangendlala bayakuphela laba baprofethi. ¹⁶ Abantu abaprofetha kubo bayakuphonswa ezitaladini zaseJerusalema ngenxa yendlala nenkemba ; abayikuba namuntu wokubembela , bona nawomkabo, namadodana abo , namadodakazi abo ; ngiyakuthela okubi kwabo phezu kwabo. ¹⁷ Kepha uyakusho leli zwi kubo lokuthi : Amehlo ami mahlengezele izinyembezi imini nobusuku , zinganqamuki, ngokuba i ntombi, indodakazi yabantu bami , ilimele ngokulimala okukhulu , ngokushaywa okunzima kakhulu. ¹⁸ Uma ngiphumela endle , bheka, nampo ababuleweyo ngenkemba , nalapho ngingena emzini , bheka, nampo abaphethwe yindlala , ngokuba umprofethi nompristi bahamba izwe bengazi lutho. ¹⁹ Umlahlile nokumlahla uJuda na ? Umphefumulo wakho unengiwe yiSiyoni na? Usishayeleni, singabi nakuphulukiswa , na? Sihlalela ukuthula , kepha okuhle akukho; nesikhathi sokuphulukiswa, kepha luvalo. ²⁰ Jehova, siyazi ububi bethu nokona kwawobaba, ngokuba sonile kuwe. ²¹ Ungasideleli ngenxa yegama lakho , ungaseyisi isihlalo sobukhosi sodumo lwakho; sikhumbule, ungasaphuli isivumelwano sakho nathi. ²² Kukhona yini phakathi kwawonkulunkul u babezizwe abayize onganisa imvula? Amazulu angaletha izihlambi na? Akusuwe Jehova esiyakukuhlalela na? Ngokuba wena wenzile konke lokhu.