¹ Usho kanje uJehova , uthi: Ngiyakuvusela iBabel e nabakhileyo eLebi Khamayi umoya womchithi. ² Ngiyakuthuma abelayo eBabele, balele, balithulule, ngokuba ngosuku lobubi bayakuba kulo nxazonke. ³ Ocibishelayo uyakunsala umnsal o kogoba umnsalo khona , nakuye oziphakamisa ngebhantshi lakhe lensimbi; ningasindisi izinsizwa zalo, niqede nya impi yalo yonke. ⁴ Bayakuwa bebulewe ezweni lamaKaledi, begwaziwe ezitaladini zalo. ⁵ Ngokuba o -Israyeli noJud a abashiywanga nguNkulunkulu wabo , uJehova Sebawoti, noma izwe labo ligcwele icala koNgcwele ka-Israyeli. ⁶ Balekani eBabele, yilowo nalowo akhulule ukuphila kwakhe, ninganqunywa ngokona kwalo , ngokuba kuyisikhathi sempindiselo kaJehova , uyakuliphindisela. ⁷ IBabele beliyindebe yegolide esandleni sikaJehov a eyadakisa umhlaba wonke; izizwe zaliphuza iwayini lalo, ngalokho izizwe ziyahlanya. ⁸ IBabele seliwile ngokuzumayo , lachithwa; hhewulani ngalo , nithathele ubuhlungu balo ibhalisamu; mhlawumbe lingaphiliswa. ⁹ Besiyakuliphilisa iBabele, kepha aliphiliswanga; lishiyeni, masihambe siye, kube yilowo nalowo ez weni lakubo , ngokuba ukwahlulelwa kwalo kufinyelela ezulwini, kuphakanyisiwe nasemafwini. ¹⁰ UJehova uvezile imfanelo yethu ; wozani silande eSiyoni umsebenz i kaJehova uNkulunkulu wethu. ¹¹ Lolani imicibisholo , nibambe izihlangu . UJehova uvusile umoya wamakhosi aseMediya, ngokuba icebo lakhe ngeBabele lingukuba alichithe , ngokuba lokhu kuyimpindiselo kaJehova, impindiselo ngethempeli lakhe. ¹² Misani ibhanela ngasezingangeni zaseBabele , niqinise umlindo , nimise abalindi, nihlele abaqamekeli, ngokuba uJehova u kuhlosile, futhi wakwenza lokho owakukhuluma kwabakhileyo eBabele. ¹³ Wena ohlala ngasemanzini amakhulu , nonengcebo eningi , sekufikile ukugcina kwakho, isilinganiso sokuhaha kwakho. ¹⁴ UJehova Sebawoti uzifungile wathi : Noma ngikugcwalisile ngabantu njengangezinkumbi, bayakuhalalisa nokho ngawe. ¹⁵ Wawenza umhlaba ngamandla akhe , walimisa izwe ngokuhlakanipha kwakhe, ngokuqonda kwakhe waleneka izulu. ¹⁶ Lapho elizwakalisa izwi lakhe , kungukuhlokoma kwamanzi ezulwini ; uzikhuphula izinkungu emikhawulweni yomhla ba, enzele imvula unyazi , awukhiphe umoya endlini yengcebo. ¹⁷ Bonke abantu bayiziphukuphuku , abanakwazi, bonke abakhandi bajabhiswa nezithombe zabo ezibaziweyo , ngokuba izithombe zabo ezibunjiweyo zingamanga, nomoya awukho kuzo. ¹⁸ Ziyize, zingumsebenzi we nkohliso; ngesikhathi sokuhanjelwa kwabo ziyakubhubha. ¹⁹ Oyisabelo sikaJakobe akanjengalezo, ngokuba nguye obumbile konke, yebo, nesizwe sefa lakhe; nguJehova Sebawoti igama lakhe. ²⁰ Uyizembe lami nezikhali zokulwa ; ngiyaphahlaza izizwe ngawe , ngawe ngiyachitha imibuso, ²¹ ngiphahlaze ngawe ihhashi nenkweli yalo , ngiphahlaze ngawe inqola nohamba ngayo; ²² ngiphahlaze ngawe abesilisa nabesifazane , ngiphahlaze ngawe abadala nabasha, ngiphahlaze ngawe izinsizwa nezintombi; ²³ ngiphahlaze ngawe umalusi nomhlambi wakhe, ngiphahlaze ngawe umlimi namabhanga akhe, ngiphahlaze ngawe izinduna nababusi. ²⁴ Ngiyakuphindisela iBabele nabo bonke abakhileyo eKalideya konke okubi kwabo abakwenzile eSiyoni emehlweni enu, usho uJehova. ²⁵ Bheka, ngimelene nawe ntaba echithayo , usho uJehova , wena ochitha wonke umhlaba ; ngiyakwelulela isandla sami kuwe , ngikugingqe emadwaleni, ngikwenze intaba eshisiweyo. ²⁶ Abayikuthatha kuw e itshe legumbi netshe lesisekelo , ngokuba uyakuba yincithakalo kuze kube phakade, usho uJehova. ²⁷ Misani i bhanela ezweni , nibethe amacilongo phakathi kwezizwe , ningcwelise izizwe ukuba zilwe nalo , nilibizele imibuso yase -Ararati, naseMini, nase-Ashikenaze, nibeke phezu kwalo umphathi wempi , nikhuphuke namahhashi anjengezinkumbi ezimahaye. ²⁸ Lingcweliseleni izi zwe, amakhosi aseMediya , nezinduna zalo , nababusi balo, nalo lonke izwe elibuswa yibo. ²⁹ Umhlaba uyathuthumela , uqhaqhazele, ngokuba amacebo kaJehova ngeBabele em i okuba enze izwe laseBabele libe yincithakalo , kuze kungabikho ohlala khona. ³⁰ Amaqhawe aseB abele ayekile ukulwa , ahlala ezinqabeni zawo ; amandla awo aphelile , anjengabesifazane; izindlu zalo zishisiwe , imigoqo yalo yaphuliwe. ³¹ Isigijimi siyagijma , sihlangane nesinye, umbiki uhlangana nombik i ukutshela inkosi yaseBabele ukuthi umuzi wayo unqotshiwe nxazonke. ³² Amazibuko avinjiwe, umhlanga ushisiwe ngomlilo, amadoda empi ayesaba. ³³ Ngokuba usho kanje uJehova Sebawoti , uNkulunkulu ka -Israyeli, uthi: Indodakazi yaseBabele injengesibuya ngesikhathi sokunyathelwa kwaso; kuse yisikhashana, sizakufika kuyo isikhathi sokuvuna. ³⁴ UNebukadinesari, inkosi yaseBabel e ungidlile wangiqeda ; ungenze isitsha esingenalutho, wangigwinya njengodrako ; ugcwalisile isisu sakhe ngokumnandi kwami, wangixosha. ³⁵ Ubudlova engenzelwe bona mina nabayinyama yam i mabube phezu kweBabele, makasho njalo owakhileyo eSiyoni . Igazi lami malibe phezu kwabakhileyo eKalideya; malisho njalo iJerusalema. ³⁶ Ngalokho usho kanje uJehova , uthi: Bheka, ngiyakumela indaba yakho , ngikuphindisele, ngishise ulwandle lwalo, ngomise umthombo walo. ³⁷ IBabele liyakuba yizinqwaba , nendawo yokuhlala kwamakhanka , nencithakalo, nento encimfelwayo, kungabikho ohlala khona. ³⁸ Bayabhonga kanyekanye njengezingonyama , bakhale njengamabhongo ezingonyama. ³⁹ Sebevuthile, ngiyakubenzela idili , ngibadakise ukuze baq uleke, balale ubuthongo obuphakade, bangavuki, usho uJehova. ⁴⁰ Ngiyakubehlisela ekuhlatshweni njengamawundlu, njengezinqama nezimpongo. ⁴¹ Yeka ukunqotshwa kweSheshaki nokubanjwa kwelaliludumo lwawo wonke umhlaba! Yeka ukwenziwa kweBabele isimangaliso phakathi kwezizwe! ⁴² Ulwandle lukhuphukele iBabele, lisibekelwe ngamaza alo ahlokomayo. ⁴³ Imizi yalo ichithekile; yizwe elomileyo, nehlane, izwe elingahlalwa muntu, kungadluli kulo indodana yomuntu. ⁴⁴ Ngiyakuhambela uBeli eBabele , ngikhiphe emlonyeni wakhe l okhu akugwinyileyo; izizwe azisayikugobhozela kuye , ugange lwaseBabele luyakuwa. ⁴⁵ Phumani phakathi kwalo , bantu bami , nizikhulule, kube yilowo nalow o ekufuthekeni kwentukuthelo kaJehova. ⁴⁶ Izinhliziyo zenu mazingadangali , ningesabi imibiko ezwakalayo ezw eni, lapho kufika umbiko othile ngomunye umnyaka , bese kufika emva kwawo omunye ngomnyaka olandelayo , kube ngubudlova ezweni , umbusi avukele umbusi. ⁴⁷ Ngalokho bheka , izinsuku ziyeza , lapho ngiyakujezisa izithombe ezibaziweyo zaseBabele , izwe lonke lalo li jabhe, bonke ababuleweyo balo bawe phakathi kwalo. ⁴⁸ Bese kuqhumuka izulu nomhlaba, nakho konke okukukho, ngokuhlabelela ngeBabele, ngokuba abachithi bayakumfikel a bevela enyakatho , usho uJehova. ⁴⁹ Yebo, neBabele limelwe ukuwa , nina babuleweyo bakwa -Israyeli, njengalokho iBabele laliwelwa ngababuleweyo bomhlaba wonke. ⁵⁰ Nina eniphunyukile enkembeni hambani , ningemi; khumbulani uJehova nisekude, iJerusalema lingene ezinhliziyweni zenu. ⁵¹ Sijabhile, ngokuba sizwe inhlamba ; amahloni asibekela ubuso bethu , ngokuba abafokazi bangenile ezindaweni ezingcwele endlini kaJehova. ⁵² Ngalokho bheka, izinsuku ziyeza, usho uJehova, lapho ngiyakuzihambela izithombe zalo ezibaziweyo, ababulawayo babubule ezweni lonke lalo. ⁵³ Noma iBabele likhuphukela ezulwini , yebo, noma liqinisa inqaba yalo enamandla, kuyakuvela nokho kimi abachithi, balehlele, usho uJehova. ⁵⁴ Ngumsindo wokukhala ovela eBabele , nowencithakalo enkulu ophuma ezweni lamaKaledi, ⁵⁵ ngokuba uJehova uyalichitha iBabele , aqede phakathi kwalo umsindo omkhulu; amaza alo ayahlokoma njengamanzi amakhulu , nomsindo wokuhlokoma kwawo uyezwakala, ⁵⁶ ngokuba umchithi uyalehlela , alehlele iBabele, amaqhawe alo ayabanjwa , neminsalo yawo iyaphulwa , ngokuba uJehova unguNkulunkulu wemivuzo , uyakhokha nokukhokha. ⁵⁷ Ngiyakudakisa izikhulu zalo nezihlakaniphi zalo, nezinduna zalo, nababusi balo, namaqhawe alo ; bayakulala ubuthongo obuphakade , bangavuki, isho iNkosi egama layo linguJehova Sebawoti. ⁵⁸ Usho kanje uJehova Sebawoti , uthi: Ugange olubanzi lwaseBabel e luyakubhidlizwa nokubhidlizwa, namasango alo aphakemeyo ayakushiswa ngomlilo; abantu bakhandlekela ize nezizwe okomlilo, zikhathale. Izwi kuSeraya ⁵⁹ Izwi uJeremiya umprofethi ayala ngalo uSeraya indodana kaNeriya kaMakhaseya ekuhambeni kwakhe noSedekiya inkosi yakwaJuda eya eBabele ngomnyaka wesine wokubusa kwakhe . USeraya wayeyisikhulu sezindawo zokuphumula. ⁶⁰ UJeremiya waloba encwadini konke okubi obekuyakwehlela iBabele , onke lawa mazwi alotshiwe ngeBabele. ⁶¹ UJeremiya wathi kuSeraya : Ekufikeni kwakho eBabele bhekisisa ukuba ufunde onke lawa mazwi, ⁶² uthi: Jehova, wena ukhulumile ngale ndawo ukuba uyinqume ukuze kungabikho muntu ohlala kuyo, umuntu nasilwane, ngokuba iyakuba yihlane kuze kube phakade. ⁶³ Lapho usuqedile ukuyifunda le ncwadi , uyakubopha itshe kuyo, uyiphonse e-Ewufrathe, ⁶⁴ uthi: Kanjalo iBabele liyakushona , lingabe lisavuka ngenxa yokubi engiyakulehlisela khona, lidangale. Kuphela lapha amazwi kaJeremiya.