¹ Kepha abantwana bakwa -Israyeli beqa ngokuqalekisiweyo, lokhu u -Akani kaKarmi kaZabidi kaZera , owesizwe sakwaJuda , ethatha kukho okuqalekisiweyo; intukuthelo kaJehova yabavuthela abantwana ba kwa- Israyeli. ² UJoshuwa wathuma amadoda, asuka eJeriko aya e -Ayi eliseceleni kweBeti Aveni ngasempumalanga kwaseBethele , wakhuluma kuwo , wathi: Khuphukani, nilihlole izwe. Amadoda akhuphuka ahlola i-Ayi. ³ Abuyela kuJoshuwa , athi kuye : Mabangakhuphuki bonk e abantu ; makuhambe amadoda kungathi izinkulungwane ezimbili noma ezintathu , alichithe i -Ayi; ungabakhathazi bonke abantu ngokuya khona , ngokuba bayingcosana nje. ⁴ Kwase kukhuphukela khona abantu abayizinkulungwane ezintathu , kepha babaleka phambi kwamadoda ase-Ayi. ⁵ Amadoda ase -Ayi abulala abantu abangamashumi amathathu nesithupha , abaxosha esuka phambi kwesango aze afika eShebarimi , ababulala emthambekeni; izinhliziyo zabantu zaphela amandla, zaba njengamanzi. ⁶ UJoshuwa waziklebhula izingubo zakhe , wawa n gobuso emhlabathini phambi komphongolo kaJehova kwaze kwahlwa , yena namalunga akwa - Israyeli; bathela uthuli emakhanda abo. ⁷ UJoshuwa wathi: Maye, Nkosi Nkulunkulu! Ubaweliseleni iJordani nakanye laba bantu ukuba usinikele esandleni sama -Amori, usibhubhise, na? Sengathi nga saneliswa ukuhlala ngaphesheya kweJordani! ⁸ O Nkosi, ngiyakuthini, lapha abakwa-Israyeli sebefulathele izitha zabo na? ⁹ Ngokuba amaKhanani nabo bonke abakhileyo ezweni bayakukuzwa , basihaqe, banqume igama lethu emhlabeni ; uyakwenzela ntoni igama lakho elikhulu na? ¹⁰ UJehova wathi kuJoshuwa: Sukuma; uweleni kanje ngobuso bakho na? ¹¹ U-Israyeli wonile, yebo, beqile isivumelwano sami engabayala ngaso, yebo, bathathile nakukho okuqalekisiweyo , futhi bebile , baqambile amanga , bakubeka kweyabo impahla. ¹² Ngalokho abantwana bakwa-Israyeli abanakuma phambi kwezitha zabo , bayafulathela izitha zabo , ngokuba sebeqalekisiwe; angisayikuba nani, uma ningachithi okuqalekisiweyo phakathi kwenu. ¹³ Suka ungcwelise abantu, uthi: Zingcweliseleni ingomuso, ngokuba uJehova uNkulunkulu ka-Israyeli usho kanje, uthi: Kukhona okuqalekisiweyo phakathi kwakho, Israyeli; awunakuma phambi kwezitha zakho , ningakakususi okuqalekisiweyo phakathi kwenu. ¹⁴ Kusasa niyakusondezwa ngezizwe zakini ; kuyakuthi isizwe asithathay o uJehova sisondele ngemindeni; umndeni awuthathayo uJehova uyakusondela ngezindlu; indlu ayithathayo uJehova iyakusondela ngabantu. ¹⁵ Kuyakuthi othathwayo enokuqalekisiweyo ashiswe ngomlilo , yena nakho konke anakho, ngokuba eqile isivumelwano sikaJehova nangokuba esebenzile ubuwula kwa-Israyeli. ¹⁶ UJoshuwa wayesevuka ekuseni kakhulu , wasondeza u -Israyeli ngezizwe zakubo; isizwe sakwaJuda sathathwa. ¹⁷ Wayesesondeza imindeni yakwaJuda ; wathatha umndeni wakwaZera , wawusondeza umndeni wakwaZera ngabantu, kwathathwa uZabidi. ¹⁸ Wayisondeza indlu yakhe ngabantu ; u-Akani kaKarmi kaZabidi kaZera , owesizwe sakwaJuda, wathathwa. ¹⁹ UJoshuwa wayesethi ku -Akani: Ndodana yami , ake umnike uJehova uNkulunkulu ka -Israyeli inkazimulo , uvume kuye , ungitshele okwenzileyo , ungangifihleli. ²⁰ U-Akani wamphendula uJoshuwa , wathi: Kuyiqiniso, ngonile kuJehova uNkulunkulu ka-Israyeli, ngenza ukuthi nokuthi. ²¹ Ngabona empangweni ingubo enhle yaseShineyari , namashekeli angamakhulu amabili esiliva, nesigaxa segolide esinesisindo esing amashekeli angamashumi ayisihlanu , ngakufisa, ngakuthatha; bheka, kuthukusiwe emhlabathini phakathi kwetende lami, nesiliva liphansi kwakho. ²² UJoshuwa wayesethuma izithunywa , zagijimela etendeni ; bheka kwakuthukusiwe etendeni lakhe, isiliva liphansi. ²³ Zakukhipha phakathi kwetende , zakuyisa kuJoshuwa nakubo bonke abantwana bakwa-Israyeli, bakubeka phansi phambi kukaJehova. ²⁴ UJoshuwa nabo bonke abakwa -Israyeli benaye bamthatha u -Akani indodana kaZera, nesiliva, nengubo, nesigaxa segolide , namadodana akhe , namadodakazi akhe, nezinkabi zakhe, nezimbongolo zakhe, nezimvu zakhe, netende lakhe, nakho konke anakho, bakukhuphulela esigodini sase-Akori. ²⁵ UJoshuwa wayesethi: Usihlupheleni na? UJehova uzakukuhlupha namuhla. Bonke abakwa -Israyeli bamkhanda ngamatshe ; babashisa ngomlilo , babakhanda ngamatshe. ²⁶ Bamisa phezu kwakhe inqwaba yamatshe ; isekhona nanamuhla; uJehova waphenduka entukuthelweni yake enkulu . Ngalokho igama laleyo ndawo laqanjwa ngokuthi isigodi sase-Akori kuze kube namuhla.