¹ Izwi likaJehova elafika kuJoweli indodana kaPhethuweli. ² Yizwani lokhu nina badala , nibeke indlebe nina nonke enihlezi ezweni . Kwake kwaba khona emihleni yenu noma emihleni yawobaba na? ³ Kutsheleni abantwana benu , nabantwana benu abantwana babo, nabantwana babo esinye isizukulwane. ⁴ Okushiywe yisibotho kudliwe yisikhonyane , nokushiywe yisikhonyane kudliwe yizinkumbi, nokushiywe yizinkumbi kudliwe yinkasa. ⁵ Phaphamani, zidakwa, nikhale, nihhewule nonke eniphuza iwayin i ukuthi iwayini linqanyulelwe emlonyeni wenu. ⁶ Ngokuba kwenyukele ezweni lam i isizwe esinamandla nesingenakubalwa ; amazinyo aso angamazinyo engonyama , namazinyo aso emihlathi angawengonyamakazi. ⁷ Sichithile umvini wami , saxebula umkhiwane wami ; siwuxhozile nokuwuxhoza, sawulahla, amagatsha awo sawenza aba mhlophe. ⁸ Khala njengentombi ebhince indwangu yamasaka ngomyeni wobusha bayo. ⁹ Iminikelo yempuphu neminikelo yokuphuzwa inqamukile endlini kaJehova; abapristi, izikhonzi zikaJehova, bayalila. ¹⁰ Amasimu achithekile , umhlabathi u yalila, ngokuba amabele achithiwe ; iwayini elisha lishile, amafutha ayawuma. ¹¹ Jabhani, balimi, nihhewule nina baphathi bezivini ngokolweni nangebhali, ngokuba isivuno samasimu sichithakele. ¹² Umvini ubunile, imikhiwane iwumile; imipomegranati, namasundu, nemi- apula, nemithi yonke yasendle kubunile , ngokuba intokozo ibunile phakathi kwamadodana abantu. ¹³ Bhincani, nikhale, bapristi, nihhewule, nina zikhonzi ze -altare; wozani nilale bonke ubusuku ezindwangwini zamasaka , zikhonzi zikaNkulunkulu wami, ngokuba iminikelo yempuphu neminikelo yokuphuzw a kugodliwe endlini kaNkulunkulu wenu. ¹⁴ Ngcwelisani ukuzila ukudla , nibize umhlangano; buthani amalunga, yebo, bonke abakhe ezweni , endlini kaJehova uNkulunkulu wenu , nikhale kuJehova. ¹⁵ Hawu lolo suku ! Ngokuba us uku lukaJehova lusondele , lufika njengokuchitha kuvela kuSomandla. ¹⁶ Akunqunywanga ukudla kwethu phambi kwamehlo ethu , intokozo nenjabulo endlini kaNkulunkulu wethu, na? ¹⁷ Imbewu iyabola phansi kwamagade ayo ; izingobo zichithakele , izinqolobane zidiliziwe, ngokuba amabele omile. ¹⁸ Yeka, ukububula kwezilwane ! Imihlambi yezinkomo ikhungathekile , ngokuba ayinadlelo, yebo, nemihlambi yezimvu izithwese icala. ¹⁹ Ngikhala kuwe Jehova , ngokuba amadlelo asehlane adliwe ngumlilo , nelangabi lishisile yonke imithi yasendle. ²⁰ Yebo, nezilwane zasendle ziyakulangazelela , ngokuba imifula yamanzi ishile, nomlilo udlile amadlelo asehlane.