¹ Ngokuba ngalezo zinsuku nangaleso sikhathi , lapho ngiyakubuyisa ukuthunjwa kukaJuda neJerusalema, ² ngiyakubutha zonke izizwe , ngizehlisele esigodini sikaJehoshafati , ngahlulelane nazo khona ngenxa yabantu bam i nesabelo sami u -Israyeli, ezibahlakazile phakathi kwezizwe, zabela izwe lami. ³ Zenza inkatho ngabantu bami , zanika umfana ngesifebe, zathengisa ngentombazana ngenxa yewayini, zaliphuza. ⁴ Niyini kimi, nina Tire neSidoni , nayo yonke imikhawulo yaseFilistiya na ? Niyakungibuyisela utho na ? Uma ningibuyisela utho ngiyakushesha ngibuyisele masinyane phezu kwekhanda lenu izenzo zenu, ⁵ njengalokho nithathile isiliva lami negolide lami , nangenisa izinto zami ezinhle emathempelini enu, ⁶ nathengisa ngabantwana bakwaJuda nangabantwana baseJerusalema kumadodana aseJavani ukuba nibadedisele kude nemikhawulo yabo. ⁷ Bhekani, ngiyakubavusa endaweni enithengisile kuyo ngabo , ngibuyisele ekhanda lenu isenzo senu. ⁸ Ngiyakuthengisa ngamadodana enu nangamadodakazi enu esandleni sabantwana bakwaJuda, bona bathengise ngabo kumaSheba , isizwe esikude, ngokuba uJehova ukhulumile. ⁹ Memezelani lokhu phakathi kwabezizwe , ningcwelise impi , niwavuse amaqhawe; mawasondele, enyuke onke amadoda empi. ¹⁰ Khandani amakhuba enu abe yizinkemba , ocelemba benu babe yimikhonto, obuthakathaka asho ukuthi ngiyiqhawe. ¹¹ Sheshani nifike nina bezizwe zonke nxazonke , nibuthane, wehlisele khona amaqhawe akho, Jehova. ¹² Mabazivuse abezizwe , benyukele esigodini sikaJehoshafati , ngokuba ngahlulele bonke abezizwe nxazonke. ¹³ Fakani isikela , ngokuba okuzakuvunwa sekuvuthiwe ; ngokuba isikhamo sewayini sigcwele , nezikhongozelo ziyachichima , ngokuba ububi babo bukhulu. ¹⁴ Yizixuku ngezix uku esigodini sokwahlulela , ngokuba usuku lukaJehova lusondele esigodini sokwahlulela. ¹⁵ Ilanga nenyanga kuba mnyama, izinkanyezi zisusa ukukhanya kwazo. ¹⁶ UJehova uyaduma eseSiyoni , ezwakalise izwi lakhe eseJerusalema ; izulu nomhlaba kuyazamazama , kepha uJehova uyisiphephelo sabantu bakhe , nenqaba yabantwana bakwa-Israyeli. ¹⁷ Bese nikwazi ukuthi nginguJehova uNkulunkulu wen u engihlala eSiyoni, intaba yami engcwele ; iJerusalema liyakuba ngcwele , abafokazi abasayikulidabula. ¹⁸ Kuyakuthi ngalolo suk u izintaba ziconse iwayini elimnandi , amagquma agobhoze ubisi , yonke imifula yakwaJuda igobhoze amanzi ; kuyakuvela umthombo endlini kaJehova oyakunisela isigodi saseShithimi. ¹⁹ IGibithe liyakuba yincithakalo , u-Edomi abe yihlane lencithakal o ngenxa yendluzula e yenziwe kubantwana bakwaJuda , ngokuba bachithile igazi elingenacala ezweni labo. ²⁰ Kepha uJuda uyakuhlala kuze kube phakade, neJerusalema ezizukulwaneni ngezizukulwane. ²¹ Ngiyakuphindisela igazi labo engingakaliphindiseli , ngokuba uJehova wakhile eSiyoni.