¹ UJehova wakhuluma kuMose, wathi: ² Yala abantwana bakwa-Israyeli ukuba bakhiphe ekamu bonke abanochoko , nabo bonke abacucayo, nabo bonke abangcoliswe ngabafileyo, ³ nikhiphe abesilisa nabesifazane , nibakhiphele ngaphandle kwekamu ukuba bangangcolisi ikamu engihlala phakathi kwalo. ⁴ Abantwana bakwa-Israyeli benze njalo, babakhiphela ngaphandle kwekamu; njengalokho uJehova ekhulume kuMose , benze njalo -ke abantwana bakwa - Israyeli. Isijeziso sokuphambana noJehova ⁵ UJehova wakhuluma kuMose, wathi: ⁶ Yisho kubantwana bakwa -Israyeli, uthi: Nxa owesilisa noma owesifazane enza isono esenziwa ngabantu ukuphambeka kuJehova , lowo muntu abeseba necala, ⁷ uyakuvuma isono sakhe asenzileyo , alikhokhe icala lakhe ngokupheleleyo , athasisele kukho okwesihlanu, akunike lowo abenecala kuye. ⁸ Kepha uma umuntu engenasihlobo elingakhokhelwa kuso icala , inkokhelo yecala eyenzelwa uJehova iyakuba ngeyompristi , ngaphandle kwenqama yokubuyisana ayakwenzelwa ukubuyisana ngayo. ⁹ Yonke iminikelo yokuphakanyiswa yezinto ezingcwele zabantwana bakwa- Israyeli abanikela ngayo kumpristi iyakuba ngeyakhe. ¹⁰ Izinto ezingcwele zalowo nalowo ziyakuba ngezakhe ; noma kungaba yini umuntu akunika umpristi, kuyakuba ngokwakhe. Imithetho yomfazi ophingayo ¹¹ UJehova wakhuluma kuMose, wathi: ¹² Yisho kubantwana bakwa-Israyeli, uthi kubo: Uma umfazi womuntu eduka, aphambuke kuye, ¹³ alale nenye indoda kusithekile emehlweni endoda yakhe , kufihlwe, angcoliswe, kungekho fakazi nokho ngaye, futhi engabanjwanga, ¹⁴ afikelwe ngumoya wesikhwele , abenesikhwele ngomkakhe , yena engcolisiwe, noma efikelwe ngumoya wesikhwele, abenesikhwele ngomkakhe kodwa yena engangcoliswanga, ¹⁵ indoda iyakuletha umkayo kumpristi , imlethele umnikelo wakhe , ube ngokweshumi kwe-efa lempuphu yebhali , angatheli mafutha kuyo, angabeki nanhlaka kuyo , ngokuba kungumnikelo w empuphu wesikhwele , umnikelo wempuphu wesikhumbuzo sokukhumbuza ngobubi. ¹⁶ Umpristi uyakumsondeza, ambeke phambi kukaJehova, ¹⁷ umpristi athathe amanzi angcwele esitsheni sebumba , athathe kulo uthuli oluphansi etabernakele, alufake emanzini, ¹⁸ umpristi amb eke owesifazane phambi kukaJehova , athukulule izinwele zekhanda lowesifazane, afake umnikelo wempuphu wesikhumbuzo ezandleni zakhe, ongumnikelo wempuphu wesikhwele ; umpristi abe namanzi ababayo esandleni sakhe aveza isiqalekiso. ¹⁹ Umpristi amfungise , athi kowesifazane: Uma kungalalanga ndoda nawe , ungadukelanga ekungcoleni usephansi kwendoda yakho , mawukhululeke kulawa manzi ababayo aveza isiqalekiso; ²⁰ kepha uma udukile usephansi kwendoda yakho , futhi ungcolisiwe, kulale nawe enye indoda ngaphandle kwendoda yakho, ²¹ umpristi uyakufungisa owesifazane ngesifungo sesiqalekiso , umpristi athi kowesifazane: UJehova makakwenze isiqalekiso nesifungo phakathi kwabantu bakini, lapho uJehova eshwabanisa ithanga lakho , avuvukalise isisu sakho. ²² Lawa manzi aveza isiqalekiso ayakungena ezibilini zakho, avuvukalise isisu sakho, ashwabanise ithanga lakho. Owesifazane uyakuthi: Amen! Amen! ²³ Umpristi uyakubala lezi ziqalekiso encwadini, azesule ngamanzi ababayo, ²⁴ aphuzise owesifazane amanzi ababayo aveza isiqalekiso ; amanzi aveza isiqalekiso ayakungena kuye, ababe. ²⁵ Umpristi uyakuthatha umnikelo wempuphu wesikhwele esandleni sowesifazane, azulise umnikelo wempuphu phambi kukaJehova, awulethe e- altare; ²⁶ umpristi uyakucaphuna ukhweshe womnikelo wempuphu , ube yisikhumbuzo sawo, awushise e -altare, andukuba amphuzise owesifazane amanzi. ²⁷ Nxa esemphuzisile amanzi , kuyakuthi uma engcolisiwe waphambuka endodeni yakhe , amanzi aveza isiqalekiso angene kuye , ababe, isisu sakhe sivuvukale, ithanga lakhe lishwabane , owesifazane aqa lekiswe phakathi kwabantu bakubo. ²⁸ Kepha uma owesifazane engangcolisiwe kodwa ehlambulukile , uyakukhululeka, athole inzalo. ²⁹ Lowo ungumthetho wesikhwele, lapho umfazi esephansi kwendoda yakhe eduka, angcoliswe, ³⁰ noma lapho indoda ifikelwa ngumoya wesik hwele, ibe nesikhwele ngomkayo; khona iyakumbeka owesifazane phambi kukaJehova , umpristi agcine wonke lo mthetho kuye. ³¹ Indoda iyakukhululeka ebubini , kepha owesifazane uyakubuthwala ububi bakhe.