¹ Sengathi ningangibekezelela ebuwuleni obuyingcosana , yebo, ngibekezeleleni. ² Ngokuba ngiyanishisekela ngokushisekela kukaNkulunkulu , ngokuba nganendisela endodeni eyodwa ukuba nginiyise kuKristu niyintombi emhlophe. ³ Kepha nginovalo lokuthi njengalokho inyok a yamkhohlisa u -Eva ngobuqili bayo, kanjalo izingqondo zenu mhlawumbe zingadukiswa , ziyeke ubuqotho nobumhlophe ngakuKristu. ⁴ Ngokuba uma kufika umuntu eshumayela omunye uJesu esingamshumayelanga, noma namukela omunye umoya eningawamukelanga, noma elinye ivangeli eningalamukelanga, nikubekezelela kakhulu. ⁵ Ngokuba ngithi angisilele ngalutho kubaphostoli abaqhamileyo kakhulu. ⁶ Noma ngiyibhimbi lokukhuluma , nokho angisilo ngokwazi ; lokhu sikubonakalisile kinina ngezindlela zonke ezintweni zonke. ⁷ Kumbe ng onile yini ngokuzithoba ukuba niphakanyiswe nina , lokhu nganishumayeza ngesihle ivangeli likaNkulunkulu na? ⁸ Ngaphanga amanye amabandla , ngithatha iholo kuwo , ukuba ngikhonze nina; ⁹ nalapho ngikhona kini ngiswele , angibanga mthwalo kumuntu , ngokuba abazalwane abavela eMakedoniya bakuqeda ukuswela kwami ; ezintweni zonke ngazilinda ukuba nginganisindi, futhi ngisezakuzilinda. ¹⁰ Njengalokhu iqiniso likaKristu likim i, angiyikwaphucwa lolo dumo ezigodini zase-Akhaya. ¹¹ Ngani na? Ngokuba nginganithandi na? UNkulunkulu uyazi. ¹² Kepha engikwenzayo ngizakukwenza futhi , ukuze ngibaphuce ithuba abafuna ithuba lokuba bafunyanwe benjengathi kulokho abazibonga ngakho. ¹³ Ngokuba abanjalo bangabaphostoli bamanga , izisebenzi ezikhohlisayo , beziguqula abaphostoli bakaKristu. ¹⁴ Akumangalisi, ngokuba uSathane uqobo uziguqula ingelosi yokukhanya. ¹⁵ Ngakho akuyinto enkulu , uma nezikhonzi zakhe ziziguqula izikhonzi zokulunga ezikuphela kwazo kuyakuba njengokwemisebenzi yazo. ¹⁶ Ngiyaphinda ngithi: Makungasho muntu ngami ukuthi n giyisiwula; kepha noma kungaba njalo , nokho ngamukeleni njengesiwula , ukuze nami ngizibonge kancane. ¹⁷ Lokho engikushoyo ngalesi sibindi sokuzibonga , angikusho ngokweNkosi , kodwa ngikusho kungathi ngobuwula. ¹⁸ Lokhu abaningi bezibonga ngokwenyama, nami ngiyakuzibonga. ¹⁹ Ngokuba abayiziwula nibabekezelela ngenjabulo , lokhu ningabahlakaniphileyo, ²⁰ ngokuba niyabekezela , uma umuntu enenza izigqila , uma enidla , uma enibamba, uma ezikhukhumeza, uma enishaya ebusweni. ²¹ Ngisho ngamahloni ukuthi kade sibuthakathak a. Kepha kulokho umuntu anesibindi ngakho -- ngikhuluma ngobuwula -- nami nginesibindi ngakho. ²² BangamaHeberu na ? Nami. Bangaba-Israyeli na ? Nami. Bayinzalo ka - Abrahama na? Nami. ²³ Bayizikhonzi zikaKristu na ? Ngikhulumisa okohlanya -- ngiyiso kakhulu kunabo; ekukhandlekeni kakhulu kunabo , nasekuboshweni kaningi kunabo , nasekushayweni okukhulu impela, nasezingozini zokufa ngezikhathi eziningi. ²⁴ KubaJuda ngathola kahlanu imivimbo , kushiywa munye emashumini amane; ²⁵ ngashaywa kathathu ngezinduku, ngakhandwa kanye ngamatshe, kathathu ngalinyalelwa umkhumbi, ngaba semanzini olwandle ubusuku bunye nemini; ²⁶ ngangisekuhambeni kaningi , nasezingozini zemifula , nasezingozini zabaphangi, nasezingozini kwabakithi , nasezingozini kwabezizwe , nasezingozini emzini , nasezingozini ehlane , nasezingozini elwandle , nasezingozini kubazalwane bamanga, ²⁷ ngokukhandleka nangokukhathazeka , kaningi ngokuqwasha ebusuku , ngokulamba nangokoma , kaningi ngokuzila ukudla , nasemakhazeni nangokuhambaze; ²⁸ ngaphandle kwezinye izinto ku khona okungicindezelayo imihla yonke : ukukhathalela onke amabandla. ²⁹ Ngubani obuthakathaka ngingebuthakathaka nami na ? Ngubani okhubekiswayo kungavuthi kimi na? ³⁰ Uma ngimelwe ukuzibonga, ngiyakuzibonga ngobuthakathaka bami. ³¹ UNkulunkulu noYise weNkos i uJesu , obongekayo phakade naphakade, uyazi ukuthi angiqambi amanga. ³² EDamaseku induna yenkosi u-Aretha yalinda umuzi wamaDamaseku ukuba ingibambe; ³³ ngehliswa efasiteleni ngesilulu ogangeni, ngaphepha ezandleni zayo.