¹ UDavide esedlulile kancane isiqo ngo sentaba , bheka, kwamhlangabeza uSiba inceku kaMefibosheti enezimbongolo ezimbili eziboshelweyo , zithwele izinkwa ezingamakhulu amabili , nezigaxa eziyikhulu zezithelo zomvini ezomileyo, nezigaxa eziyikhulu zamakhiwane, nemvaba yewayini. ² Inkosi yathi ku Siba: Uthini ngalezi zinto na ? Wathi uSiba: Izimbongolo zingezokukhwelwa ngabantu bendlu yenkosi , izinkwa nezithelo zingezokudliwa, newayini lingelokuphuzwa ngabayethileyo ehlane. ³ Yayisithi inkosi : Iphi indodana yenkosi yakho na ? USiba wathi enkosini : Bheka, ihlezi eJerusalema , ngokuba yathi : Namuhla indlu ka -Israyeli iyakubuyisela kimi umbuso kababa. ⁴ Yayisithi-ke inkosi kuSiba : Bheka, kungokwakho konke okwakungokukaMefibosheti. Wathi uSiba: Ngiyakhuleka: mangifumane umusa emehlweni akho, nkosi yami, nkosi. UDavide uthukwa nguShimeyi ⁵ Kwathi lapho inkosi uDavide ifika eBahurimi , bheka, kwaphuma khona umuntu womndeni wendlu kaSawule ogama lakhe linguShimeyi indodana kaGera; waphuma, wahamba ethuka. ⁶ Wamphonsa uDavide ngamatshe kanye nezinceku zonke zenko si uDavide , bonke abantu nawo onke amaqhawe bengasesandleni sakhe sokunene nangakwesokhohlo. ⁷ UShimeyi washo kanje ekuthukeni kwakhe , wathi: Suka, suka wena muntu wegazi, muntu omubi! ⁸ UJehova ubuyisele phezu kwakho lonke igazi lendlu kaSawule okade ubusa esikhundleni sakhe ; uJehova unikele umbuso esandleni sika -Abisalomu indodana yakho ; bheka, usubhajiwe ebubini bakho , ngokuba ungumuntu wegazi. ⁹ U-Abishayi indodana kaSeruya wayesethi enkosini : Le nja efileyo ingayithukelani inkosi yami, inkosi, na? Mangiye ngiyinqume ikhanda. ¹⁰ Yathi inkosi: Nginamsebenzi muni nani madodana kaSeruya . Njengokuba ethuka, lokhu uJehova eshilo futhi kuye ukuthi : Thuka uDavide , ngubani ongasho ukuthi: Ukwenzeleni lokho na? ¹¹ UDavide wayesethi ku -Abishayi nakuzo zonke izinceku zakhe: Bhekani, indodana yami eyaphuma ezibilinini zami ifuna ukuphila kwami ; kakhulu kangakanani lo mBenjamini na ? Myekeni, athuke, ngokuba uJehova ukhulumile kuye. ¹² Mhlawumbe uJehova uyakubheka usizi lwami , angibuyisele okuhle ngokungithuka namuhla. ¹³ UDavide nabantu bakhe bahamba ngendlela ; uShimeyi wahamba eceleni kwentaba malungana naye , wahamba ethuka , wamphonsa ngamatshe , wamthela ngothuli. OHushayi no-Ahithofeli ¹⁴ Inkosi nabo bonke abantu ababenayo bafika beyethile; wahlunyelelwa khona. ¹⁵ U-Abisalomu nabantu bonke , amadoda akwa -Israyeli, bafika eJerusalema, u-Ahithofeli enabo. ¹⁶ Kwathi lapho uHushayi umArki umngane kaDavide esefikile ku -Abisalomu, uHushayi wathi ku-Abisalomu: Mana njalo, nkosi; mana njalo, nkosi. ¹⁷ U-Abisalomu wayesethi kuHushayi : Lokhu kungukuthembeka kwakho kumngane wakho na? Awuhambanga ngani nomngane wakho na? ¹⁸ Wayesethi uHushayi ku-Abisalomu: Qha, lo okhethwe nguJehova, nayilaba bantu, nangabantu bonke bakwa-Israyeli, ngiyakuba ngowakhe , ngihlale naye. ¹⁹ Futhi ngikhonze bani n a? Kungabi phambi kwendodana yakhe na ? Njengalokho ngakhonza phambi kukayihlo , kanjalo ngiyakuba phambi kwakho. ²⁰ Wayesethi u-Abisalomu ku-Ahithofeli: Sipheni isiluleko sokuthi siyakwenze njani. ²¹ Wathi-ke u -Ahithofeli ku -Abisalomu: Ngena kuzo izancinza z ikayihlo azishiyile ukuba zilinde indlu ; u-Israyeli wonke uyakuzwa ukuba unengwa nguyihlo, ziqine izandla zabo bonke abanawe. ²² Bammisela u-Abisalomu itende ophahleni lwendlu; u-Abisalomu wangena kuzo izancinza zikayise emehlweni abo bonke abakwa-Israyeli. ²³ Isiluleko sika-Ahithofeli aluleka ngaso ngalezo zinsuku sasinjengokungathi bekubuzwe kuNkulunkulu; zazinjalo iziluleko zika-Ahithofeli kuDavide naku- Abisalomu.