¹ Abantwana bakwa -Israyeli babuye benza okubi emehlweni kaJehova ; uJehova wabanikela esandleni samaFilisti iminyaka engamashumi amane. ² Kwakukhona umuntu othile waseSora womndeni wakwaDani ogama lakhe lalinguManowa; umkakhe wayeyinyumba engazali. ³ Ingelosi kaJehova yabonakala kowesifazane , yathi kuye : Bheka-ke, uyinyumba, awuzali, kepha uyakukhulelwa, uzale indodana. ⁴ Ngalokho ake uxwaye ungaph uzi wayini naluphuzo olunamandla , ungadli lutho olungcolileyo, ⁵ ngokuba bheka , uyakukhulelwa, uzale indodana , impuco ayiyikuthinta ekhanda layo , ngokuba umntwana uyakuba ngumNaziri kaNkulunkulu kwasesizalweni; uyakuqala ukusindisa u-Israyeli esandleni samaFilisti. ⁶ Owesifazane wayeseya ukubika endodeni yakhe , ethi: Kufikile kimi umuntu kaNkulunkulu, isimo sakhe sasinjengesimo sengelosi kaNkulunkulu, sesabeka kakhulu; angimbuzanga ukuthi uvelaphi, naye akangitshelanga igama lakhe. ⁷ Kepha wathi kimi : Bheka, uyakukhulelwa, uzale indodana ; ngakho ungaphuzi wayini naluphuzo olunamandla , ungadli lutho olungcolileyo , ngokuba umntwana uyakuba ngumNaziri kaNkulunkulu kwasesizalweni kuze kube sosukwini lokufa kwakhe. ⁸ UManowa wayesemncenga uJehova, wathi: O Nkosi, umuntu kaNkulunkulu owamthumayo ake abuyele kithi, asifundise ukuthi siyakwenzani kumntwana ozakuzalwa. ⁹ UNkulunkulu walalela izwi likaManowa ; ingelosi kaNkulunkulu yabuyela kowesifazane ehlezi endle; kepha uManowa indoda yakhe wayengenaye. ¹⁰ Owesifazane was hesha, wagijima, wayitshela indoda yakhe , wathi kuyo : Bheka, ubonakele kimi lowo muntu owafika kimi ngolunye usuku. ¹¹ UManowa wasukuma wamlandela umkakhe , wafika kulowo muntu , wathi kuye: Wena ungumuntu lowo owakhuluma kowesifazane na ? Wathi: Nginguye. ¹² Wayesethi uManowa : Nxa esenzekile amazwi akho , iyakuba yini indlela yomntwana, kuyakwenziwani na? ¹³ Ingelosi kaJehova yathi kuManowa : Konke engakushoyo kowesifazane makakuxwaye. ¹⁴ Kangadli lutho oluvela ezithelweni zomvini , kangaphuzi wayini naluphuzo olunamandla, kangadli lutho olungcolileyo ; konke engamyaleza ngakho kakugcine. ¹⁵ UManowa wayesethi engelosini kaJehova: Ake sikulibazise , sikulungisele izinyane lembuzi. ¹⁶ Ingelosi kaJehova yathi kuManowa: Noma ungilibazisa, angiyikudla ukudla kwakho; uma ulungisa umnikelo wokushiswa, uyakunikela ngawo kuJehova. Ngokuba uManowa wayengazi ukuthi uyingelosi kaJehova. ¹⁷ UManowa wathi engelosini kaJehova : Ngubani igama lakho ukuba , lapho esenzekile amazwi akho, sikudumise? ¹⁸ Ingelosi kaJehova yathi kuye : Ubuzelani igama lami, lokhu liyimfihlakalo, na? ¹⁹ UManowa walithatha izinyane lembuzi kanye nomnikelo wempuphu , wanikela ngakho kuJehova edwaleni. Yase yenza okumangalisayo, uManowa nomkakhe bebukela. ²⁰ Kwathi ilangabi lisaphuma e -altare lenyukela ngasezulwini , ingelosi kaJehova yenyuka elangabini le -altare; uManowa nomkakhe babukela; bawa ngobuso emhlabathini. ²¹ Kepha ingelosi kaJehova ayiphindanga ukubonakala kuManowa nomkakhe. Khona uManowa waqonda ukuthi yingelosi kaJehova. ²² UManowa wathi kumkakhe : Siyakufa nokufa, ngokuba simbonile uNkulunkulu. ²³ Kepha umkakhe wathi kuye: Uma uNkulunkulu ebethanda ukusibulala, nga engamukelanga esandleni sethu umnikelo wokushiswa nomnikelo wempuphu, futhi nga engasibonisanga konke lokho , nga engasitshelanga izinto njengalezi. ²⁴ Owesifazane wazala indodana , waqamba igama layo ngokuthi uSamsoni ; umntwana wakhula, uJehova wambusisa. ²⁵ UMoya kaJehova waqala ukumqhuba eMahane Dani phakathi kweSora ne - Eshitawoli.