¹ Makavuke uNkulunkulu, zihlakazeke izitha zakhe; abamzondayo babaleka phambi kwakhe. ² Bamukiswa njengokumukiswa k omusi; njengokuncibilika kwengcina phambi komlilo ababi bachithwa phambi kukaNkulunkulu. ³ Kepha abalungileyo bayajabula ; bayethaba phambi kukaNkulunkul u bethokoza nokuthokoza. ⁴ Hlabelelani kuNkulunkulu, nidumise igama lakhe; menzeleni umendo lowo odabula amahlane; igama lakhe linguJehova; yethabani phambi kwakhe, ⁵ uyise wezintandane, umahluleli wabafelokazi, uNkulunkulu endlini yakhe engcwele, ⁶ uNkulunkulu ohlalisa imihlalaqha ezindlini, akhiphele iziboshwa ekubuseni; ngabahlubukileyo bodwa abakhe ezweni elomileyo. ⁷ Nkulunkulu, ekuphumeni kwakho phambi kwabantu bakho , ekudabuleni kwakho ihlane, Sela ⁸ umhlaba wazamazama , izulu laconsa phambi kukaNkulunkulu , neSinayi lazamazama phambi kukaNkulunkulu, uNkulunkulu ka-Israyeli. ⁹ Wanisa imvula enkulu, Nkulunkulu; ifa lakho selahlulekile, waliqinisa. ¹⁰ Ibandla lakho lakha kulo ; ngobuhle bakho wabalungisela abahluphekayo , Nkulunkulu. ¹¹ INkosi iphumisa izwi ; abesifazane ababika indaba ejabulisayo bayisixuku esikhulu. ¹² Amakhosi ezimpi ayabaleka ; ayabaleka wona ; isifazane esihlezi ekhaya sabela impango. ¹³ Nxa nilala phakathi kwezibaya , kunjengamaphiko ejuba asibekelwa ngesiliva, izimpaphe zamaphiko alo ngegolide elikhazimulayo. ¹⁴ Nxa uSomandla ehlakaza amakhosi kulo, likhithika iqhwa eSalimoni. ¹⁵ Intaba yaseBas hani iyintaba kaNkulunkulu ; intaba yaseBashani iyintaba eneziqongo. ¹⁶ Nina zintaba ezineziqongo , yini ukuba niyibuke ngomhawu intab a uNkulunkulu athanda ukuhlala kuyo na ? Yebo, uJehova uyakuhlala kuyo kuze kube phakade. ¹⁷ Izinqola zikaNkulunkulu ziyizink ulungwane ezingamashumi amabili , izinkulungwane nezinkulungwane ; iNkosi iphakathi kwazo ; iSinayi lisendaweni engcwele. ¹⁸ Wena wenyukela phezulu , wathumba izithunjwa , wamukela izipho kubantu nakwabahlubukileyo, ukuze uJehova uNkulunkulu ahlale khona. ¹⁹ Mayibongwe iNkosi. Iyasithwala imihla ngemihla; uNkulunkulu uyinsindiso yethu. Sela ²⁰ Kithina uNkulunkulu unguNkulunkulu wezinkululo ; ukukhipha ekufeni kungokukaJehova iNkosi. ²¹ Impela uNkulunkulu uyakuliphohloza ikhanda lezitha zakhe , ukhakhayi olunesihluthu lwalowo osahamba ezonweni zakhe. ²² INkosi yathi: Ngiyakubabuyisa eBashani, ngibabuyise ekujuleni kolwandle ²³ ukuba unyawo lwakho ulucwilise egazini , ulimi lwezinja zakho lube nesabelo salo ezitheni. ²⁴ Bayazibona izindwendwe zakho, Nkulunkulu, izindwendwe zikaNkulunkulu wami, iNkosi yami, ziya endlini engcwele. ²⁵ Ngaphambili kuhamba abahlabeleli , ngasemuva abashaya ugubhu , ngaphakathi izintombi ezishaya izingubhu. ²⁶ Bongani uNkulunkulu emihlanganweni ; bongani iNkosi, nina bomthombo ka-Israyeli. ²⁷ Nango uBenjamini, omncane, umbusi wabo, neviyo lezikhulu zakwaJuda, izikhulu zakwaZebuloni nezikhulu zakwaNafetali. ²⁸ UNkulunkulu wakho ukumisele amandla akho ; qinisa, Nkulunkulu, lokho ozenzela khona. ²⁹ Ngenxa yethempeli lakho eJerusalema amakhosi ayakukulethela izipho. ³⁰ Zikhuze izilwane zasemhlangeni, umhlambi wezinkunzi kanye namankonyane abantu, azithobise phansi ngezinqamu zesiliva ; uyazihlakaza izizwe ezithanda ukulwa. ³¹ Izikhulu ziyakuvela eGibithe; amaKushe ayakwelulela ngokushesha izandla zawo kuNkulunkulu. ³² Nina mibuso yomhlaba mhubeleni uNkulunkulu, nidumise iNkosi, Sela ³³ yona ekhwela phezu kwamazulu ezulu asendulo ; bhekani, iyezwakalisa izwi layo, izwi elinamandla. ³⁴ Nikani uNkulunkulu amandla ; ubukhosi bakhe buphezu kuka -Israyeli; amandla akhe asemafwini. ³⁵ Nkulunkulu, uyesabeka ezindaweni zakho ezingcwele ; uNkulunkulu ka - Israyeli nguyena owenzela abantu amandla nokuqina ; makadunyiswe uNkulunkulu.