¹ Isilinganiso esikhohlisayo siyisinengiso kuJehova , kepha isisindo esiyiso siyintokozo yakhe. ² Lapho kufika ukuziqhenya , kufika nehlazo ; kepha k wabathobekileyo kukhona ukuhlakanipha. ³ Ukuphelela kwabaqotho kuyabahola , kepha ukuphambanisa kwabambuluzayo kuyabachitha. ⁴ Ingcebo ayisizi ngosuku lolaka, kepha ukulunga kophula ekufeni. ⁵ Ukulunga kopheleleyo kuqondisa indlela yakhe , kepha omubi uyakuwa ngobubi bakhe. ⁶ Ukulunga kwabaqotho kuyabophula , kepha abambuluzayo babanjwa ezifisweni zabo. ⁷ Akwethembayo umuntu omubi kuyaphela ekufeni kwakhe, nethemba lobubi liyabhubha. ⁸ Olungileyo uyakhululwa osizini, kepha omubi ungena esikhundleni sakhe. ⁹ Ngomlomo umuntu ongenaNkulunkulu ubulala umakhelwane wakhe, kepha abalungileyo bayakhululwa ngokwazi. ¹⁰ Nxa abalungileyo behlezi kahle , umuzi uyathokoza ; lapho bebhubha, kukhona ukwenanela. ¹¹ Ngesibusiso sabaqotho umuzi uyaphakanyiswa , kepha ngomlomo wababi uyachithwa. ¹² Odelela umakhelwane wakhe akanakuhlakanipha , kepha umuntu onengqondo uyazithulela. ¹³ Ohamba encetheza uyambula izimfihlakalo , kepha othembekile emoyeni uyayisibekela indaba. ¹⁴ Lapho kungekho iziluleko, abantu bayawa, kepha lapho kukhona abeluleki abaningi, lapho kukhona ukuphumelela. ¹⁵ Uyahlupheka nokuhlupheka omela umfokazi , kepha ozonda ukunika isibambiso ulondekile. ¹⁶ Owesifazane onomusa uzuza udumo, nezidlwangudlwangu zizuza ingcebo. ¹⁷ Umuntu onesihawu wenzela okuhle umphefumulo wakhe , kepha ononya uhlupha inyama yakhe. ¹⁸ Omubi uthola inzuzo yenkohliso , kepha ohlwanyela ukulunga unomvuzo oqinisekileyo. ¹⁹ Oqinile ekulungeni uyakuphila , kepha olandela okubi , kuyakuba ngukufa kwakhe. ²⁰ Abanhliziyo ephambeney o bayisinengiso kuJehova , kepha a bapheleleyo endleleni yabo bayintokozo kuye. ²¹ Impela omubi akayekwa, kepha inzalo yabalungileyo iyakhululwa. ²² Njengendandatho yegolide empumulweni yengulube , unjalo owesifazane omuhle ongenangqondo. ²³ Isifiso sabalungileyo singokuhle kuphela; ithemba lababi lilulaka. ²⁴ Ukhona ohlakazayo ; nokho uyenezelwa kakhulu ; kepha ogodla kunokufaneleyo ubangelwa ukuswela kuphela. ²⁵ Umphefumulo ophanayo uyakukhuluphaliswa ; ophuzisayo uyakuphuziswa naye. ²⁶ Ogodla amabele, abantu bayamqalekisa, kepha isibusiso siyakuba sekhanda lothengisa ngawo. ²⁷ Ofuna okuhle ufuna okwamukelekayo, kepha ofuna okubi, kuyakumehlela. ²⁸ Owethemba ingcebo yakhe uyakuwa , kepha abalungileyo bayakuhluma njengamaqabunga aluhlaza. ²⁹ Okhathaza indlu yakhe uyakudla ifa lomoya , nesiwula siyakuba yinceku yonenhliziyo ehlakaniphileyo. ³⁰ Isithelo solungileyo singumuthi wokuphila, nohlakaniphileyo uyazuza imiphefumulo. ³¹ Bheka, olungileyo uyavuzwa emhlabeni ; kakhulu kangakanani omubi nesoni.