¹ Amazwi ka-Aguri, indodana kaJakhe waseMasa. Yathi indoda ku-Ithiyeli, ko- Ithiyeli no-Ukhali: ² Impela ngiyisiwula kunabanye abantu, anginakuqonda komuntu. ³ Angifundanga ukuhlakanipha, ukuze ngazi oNgcwele. ⁴ Ngubani owenyukele ezulwini, wabuye wehla na? Ngubani oqoqele umoya ezandleni zakhe na? Ngubani obophile amanzi engutsheni yakhe na? Ngubani omisile yonke imikhawulo yomhlaba na ? Ngubani igama lakhe , ngubani igama lendodana yakhe, uma ulazi, na? ⁵ Onke amazwi kaNkulunkulu acwebile; uyisihlangu kwabaphephela kuye. ⁶ Ungenezeli emazwini akhe, funa akusole, ufunyanwe ungumqambimanga. ⁷ Yizinto ezimbili engizicela kuwe: unganginqabeli nazo, ngingakafi. ⁸ Dedisela kude nami okuyize namanga , unganginiki ubumpofu nengcebo , kepha ngiphe isinkwa engisimiselweyo, ⁹ funa ngisuthe, ngikuphike ngithi: UJehova ungubani na funa ngibe mpofu , ngebe, ngilone igama likaNkulunkulu wami. ¹⁰ Ungahlebi inceku enkosini yayo, funa ikuthuke, ube necala. ¹¹ Kukhona isizukulwane esithuka uyise, esingabusisi unina. ¹² Kukhona isizukulwane esimhlophe emehlweni aso , esingahlanzwanga ensileni yaso. ¹³ Kukhona isizukulwane yeka ukuz idla kwaso ! Nezinkophe zaso ziphakanyisiwe. ¹⁴ Kukhona isizukulwane esimazinyo aso ayizinkemb a namazinyo emihlathi angomese bokuqeda abampofu emhlabeni, nabaswelayo phakathi kwabantu. ¹⁵ Umnyundu unamadodakazi amabili athi : S iphe, siphe. Kukhona izinto ezintathu ezingasuthi, nezine ezingasho ukuthi: Kwanele! : ¹⁶ indawo yabafileyo, nesizalo esiyinyumba, nomhlaba ongasuthi ngamanzi , nomlilo ongasho ukuthi: Kwanele! ¹⁷ Iso eliklolodela uyis e nelidelela ukulalela unin a liyakukhishwa ngamagwababa angasemfuleni, lidliwe ngamazinyane okhozi. ¹⁸ Kukhona izinto ezintathu ezingahlula ngokumangalisa , yebo, ezine engingazaziyo: ¹⁹ indlela yokhozi emoyeni, nendlela yenyoka edwaleni, nendlela yomkhumbi phakathi kolwandle, nendlela yendoda entombini. ²⁰ Inje indlela yowesif azane ophingayo : uyadla, abesesula umlomo wakhe , athi: Angenzanga isono. ²¹ Phansi kwezinto ezintathu umhlaba uyazamazama , yebo, phansi kwezine ongezithwale: ²² phansi kwenceku ekubekweni kwayo inkosi , nesiwula uma sisuthile ngokudla, ²³ naphansi kwesaliwak azi ekuganeni kwaso , nencekukazi ekulidleni ifa lenkosikazi yayo. ²⁴ Kukhona izinto ezine ezincane emhlabeni, kepha zihlakaniphile kakhulu: ²⁵ izintuthwane ziyisizwe esingenamandla , kanti ziyalungisa ukudla kwazo ehlobo; ²⁶ izimbila ziyisizwe esibuthakathaka, kanti ziyakha izindlu zazo edwaleni; ²⁷ izinkumbi azinankosi, kanti ziyaphuma zonke ngamaviyo; ²⁸ isibankwa ungasibamba ngezandla zombili, kanti sisendlini yenkosi. ²⁹ Kukhona izinto ezintathu ezinyathela ngesizotha , yebo, ezine ezihamba ngesithunzi: ³⁰ ingonyama, iqhawe ezilwaneni; ayihlehli nakusiphi; ³¹ nehhashi lempi kanye nempongo, nenkosi phambi kwempi yayo. ³² Uma wenzile ubuwula ngokuziphakamisa. wacabanga okubi, beka isandla emlonyeni wakho. ³³ Ngokuba ukuphehla ubisi kuveza iphehlwa , nokucindezelwa kwempumulo kuveza igazi; kanjalo ukucindezela ulaka kuveza ukuxabana.