¹ Ndodana yami, gcina amazwi ami, uzibekelele imiyalo yami. ² Gcina imiyalo yami, uphile, nomthetho wami njengenhlamvu yeso lakho. ³ Yibophe eminweni yakho, uyilobe esibhebheni senhliziyo yakho. ⁴ Yisho kukho ukuhlakanipha : Ungudadewethu, ubize ukuqonda ngokuthi owazana nawe, ⁵ ukuze bakugcine kowesifazane ondindayo , kumfokazi owenza bushelezi amazwi akhe. ⁶ Ngokuba efasiteleni lendlu yami ngalunguza eheleni lami, ⁷ ngabheka phakathi kwabangenalwazi, ngabona phakathi kwabasha insizwa engenakuqonda, ⁸ edlula esitaladini eduze negumbi lakhe. iya endleleni yendlu yakhe, ⁹ sekuhwelela kusihlwa, esigayegayeni sobusuku nobumnyama. ¹⁰ Bheka, isihlangabezwa ngowesifazane ; izingubo zakhe zingezesifebe, enobuqili enhliziyweni. ¹¹ Uyanyakaza engenakuthula; izinyawo zakhe azihlali endlini yakhe; ¹² manje usemigwaqweni, nangu usezigcawini, uqamekela emagumbini onke. ¹³ Useyayibamba, uyayanga; uthwala amehlo, uthi kuyo: ¹⁴ Imihlatshelo yeminikelo yokuthula yayingifanele ; namuhla sengigcwalisile izithembiso zami. ¹⁵ Ngalokho ngiphumile ukukuhlangabez a ukuba ngifunisise ubuso bakho ; sengikutholile. ¹⁶ Ngendlele umbhede wami ngezindwangu zokumboza, nelineni elinemishwe laseGibithe. ¹⁷ Ngifafazile umbhede wami ngemure, nangomhlaba, nangokinamona. ¹⁸ Woza sizanelise ngothando kuze kuse, sijabule ngokuthandana. ¹⁹ Ngokuba indoda yami ayikho ekhaya; ihambile uhambo olude; ²⁰ yaphatha isikhwama se mali ngesandla sayo ; iyakubuyela ekhaya ngosuku lokuhlangana kwenyanga. ²¹ Uyamphambukisa ngamazwi akhe amaningi amahle ; ngokuthopha kwezindebe zakhe uyamyenga. ²² Uyamlandela masinyane njengenkabi iya ekuhlatshwen i nanjengamaketanga ehlela isiboshwa esiyisiwula, ²³ umcibisholo uze uhlabe isibindi sakh e njengenyoni isheshela ogibeni , ingazi ukuthi lubekelwe ukuphila kwayo. ²⁴ Ngalokho, bantwana, ngizweni, nilalele amazwi omlomo wami. ²⁵ Inhliziyo yakho mayingaphambukeli ezindleleni zakhe , ungahambi emikhondweni yakhe. ²⁶ Ngokuba uwisile phansi abaningi abalimeleyo ; ababuleweyo bakhe bayisixuku esikhulu. ²⁷ Indlu yakhe iyindlela eya endawemi yabafileyo , yehlela emakamelweni okufa.