¹ Ngakho uma navuswa kanye noKristu, funani okwaphezulu, lapho ekhona uKristu, ehlezi ngakwesokunene sikaNkulunkulu; ² nakani okwaphezulu, ninganaki okusemhlabeni. ³ Ngokuba nafa, ukuphila kwenu kufihliwe noKristu kuNkulunkulu; ⁴ nxa ebonakaliswa uKristu ongukuphila kwethu , khona-ke nani niyakubonakaliswa kanye naye ekukhazimuleni. ⁵ Ngakho-ke bulalani amalungu enu asemhlabeni , ubufebe, nokungcola, nokuhuheka, nokukhanuka, nesangabe, okungukukhonza izithombe, ⁶ okuza ngakho ulaka lukaNkulunkulu, ⁷ ekade nihamba kukho nani, lapho nisahlezi kukho; ⁸ kepha kalokhu nani manilahle konke lokho, ulaka, nokuthukuthela, nobubi, nokuhlambalaza, nokukhuluma amahlazo aphuma emlonyeni wenu; ⁹ ningaqambelani amanga, lokhu nikhumule umuntu omdala kanye nezenzo zakhe, ¹⁰ nembethe omusha, owenziwa musha abe nokwazi ngok omfanekiso walowo owamdalayo, ¹¹ lapho kungekho mGreki namJuda , ukusoka nokungasoki, owezizwe noma umSkithe, isigqila noma okhululekileyo, kepha uKristu uyikho konke , ukubo bonke. ¹² Ngakho-ke njengabakhethiweyo bakaNkulunkulu , abangcwele nabathandekayo, yembathani ububele benhliziyo , nesisa, nokuzithoba, nobumnene, nokubheka kade, ¹³ nibekezelelane, nithethelelane, uma umuntu enensolo komunye ; njengokuba neNkosi yanithethelela, yenzani njalo nani. ¹⁴ Kepha phezu kwakho konke lokho yembathani uthando oluyis ibopho sokuphelela. ¹⁵ Ukuthula kukaKristu makubuse ezinhliziyweni zenu , enabizelwa futhi kukho emzimbeni munye; futhi yibani ngababongayo. ¹⁶ Izwi likaKristu alihlale phakathi kwenu, livame, nifundisane ngokuhlakanipha konke , niyalane ngamahubo , nangezihlabelelo, nangamaculo okomoya , nimhubele uNkulunkulu ezinhliziyweni zenu ngokubonga. ¹⁷ Konke enikwenzayo , noma kungezwi noma kungomsebenzi , kwenzeni konke egameni leNkosi uJesu, nimbonge uNkulunkulu uYise ngaye. Ukuphathana kwabomuzi ¹⁸ Bafazi, thobelani amadoda enu njengokufanele eNkosini. ¹⁹ Madoda, thandani omkenu, ningabacasukeli. ²⁰ Bantwana, lalelani abazali benu ezintweni zonke , ngokuba lokho kuyathandeka eNkosini. ²¹ Boyise, ningabathukuthelisi abantwana benu ukuba bangadangali. ²² Zinceku, lalelani ezintweni zonke labo abangamakhosi enu ngokwenyama , kungengokuthenga amehlo njengabathokozisa abantu kodwa ngobuqotho benhliziyo, niyesabe iNkosi. ²³ Konke enikwenzayo kwenzeni ngenhliziyo, kungathi kwenzelwa iNkosi, qha abantu, ²⁴ nazi ukuthi niyakwamukela umvuzo wefa eNkosini . Khonzani iNkosi uKristu. ²⁵ Ngokuba lowo owenza ukungalungi uyakwamukeliswa ukungalungi akwenzileyo; akukho ukukhetha umuntu.