¹ Ngakho kuseyizinsuku eziyisithupha ngaphambi kwePhasika , uJesu wafika eBethaniya, lapho wayekhona uLazaru uJesu amvusa kwabafileyo. ² Base bemenzela ukudla khona ; uMarta wayephaka , kepha uLazaru wayengomunye wababehlezi ekudleni naye. ³ UMariya wayesethatha ilitra lamafutha enadi lodwa elinenani elikhulu , wagcoba izinyawo zikaJesu, wesula izinyawo zakhe ngezinwele zakhe ; indlu yagcwala iphunga lamafutha. ⁴ Kepha uJuda Iskariyothe , omunye wabafundi bakhe obezakumkhaphela , wathi: ⁵ Yini ukuba lawa mafutha engathengiswanga ngawodenariyu abangamakhulu amathathu, kwaphiwa abampofu, na? ⁶ Washo lokho kungengokuba ekhathalele abampofu, kepha ngokuba eyisela, ephethe isikhwama, eba okufakwa kuso. ⁷ Ngakho uJesu wathi : Myeke ukuba awalondolozele usuku lokumbelwa kwami. ⁸ Ngokuba abampofu ninabo njalo, kepha mina aninami njalo. ⁹ Ngakho isixuku esikhulu sabaJuda sezwa ukuthi ulapho . Beza-ke kungengenxa kaJesu kuphela , kepha nokuba babone uLazaru abemvusile kwabafileyo. ¹⁰ Kepha abapristi abakhulu benza icebo lokuba babulale noLazaru, ¹¹ ngokuba ngenxa yakhe abaningi babaJuda bamuka bakholwa nguJesu. UJesu ungena eJerusalema (Math. 21:1; Mark. 11:1; Luk. 19:29) ¹² Ngangomuso abantu abaningi abafike emkhosini sebezwile ukuthi uJesu uyeza eJerusalema, ¹³ bathatha amahlamvu esundu, baphuma ukumhlangabeza. Bamemeza bathi: Hosiyana! Ubusisiwe ozayo egameni leNkosi, yebo, iNkosi ka-Israyeli. ¹⁴ UJesu esefumene i mbongolo entsha wakhwela kuyo njengokulotshiwe ukuthi: ¹⁵ Ungesabi, ndodakazi yaseSiyoni; bheka, iNkosi yakho iza, ikhwele etholeni lembongolo. ¹⁶ Lokho abafundi bakhe abakuqondanga ekuqaleni; kodwa esekhazimulisiwe uJesu, base bekhumbula ukuthi kulotshiwe lokho ngaye nokuthi babekwenzile lokho kuye. ¹⁷ Ngakho safakaza isixuku esasinaye , lapho ebiza uLazaru aphume ethuneni , emvusa kwabafileyo. ¹⁸ Ngenxa yalokho isixuku saya samhlangabeza , ngokuba sase sizwile ukuthi wayesenzile leso sibonakaliso. ¹⁹ Ngakho abaFarisi bakhuluma bodwa, bathi: Niyabona ukuthi anisizi lutho ; bheka, izwe lonke liyamlandela. UJesu ukhuluma ngokufa kwakhe ²⁰ Kwakukhona amaGreki athile phakathi kwababenyuka ukuba bakhuleke emkhosini. ²¹ Lawo-ke aya kuFiliphu waseBetsayida laseGalile , acela kuye, athi: Nkosi, sithanda ukubona uJesu. ²² UFiliphu weza wamtshela u -Andreya. Weza u -Andreya noFiliphu , basho kuJesu. ²³ UJesu waphendula, wathi kubo: Sesifikile isikhathi sokuba ikhazimuliswe iNdodana yomuntu. ²⁴ Ngiqinisile, ngiqinisile ngithi kini : Uma inhlamvu kakolweni iwela emhlabathini ingafi, ihlala yodwa; kepha uma ifa, ithela izithelo eziningi. ²⁵ Lowo othanda ukuphila kwakhe ulahlekelwa yikho , nozonda ukuphila kwakhe kuleli zwe uyakukulondela ukuphila okuphakade. ²⁶ Uma umuntu engikhonza , akangilandele; nalapha ngikhona mina , soba khona nesikhonzi sami. Uma umuntu engikhonza, uBaba uyakumazisa lowo. ²⁷ Kalokhu umphefumulo wami ulusizi , ngizakuthini na ? Baba, ngisindise kulo mzuzu. Kodwa ngenxa yalokhu ngize kulo mzuzu. ²⁸ Baba, khazimulisa igam a lakho . Kwase kufika izwi livela ezulwini , lithi: Ngilikhazimulisile, ngobuye ngilikhazimulise. ²⁹ Ngakho abantu ababemi bezwa bathi : Beliduma; abanye bathi : Ingelosi ikhulume kuye. ³⁰ UJesu waphendula wathi : Leli zwi alizanga ngenxa yami kepha ngenxa yenu. ³¹ Kalokhu kungukwahlulelwa kwaleli zwe ; kalokhu umbusi waleli zwe uzakuxoshwa. ³² Mina, nxa ngiphakanyiswa emhlabeni, ngiyakubadonsela kimi bonke. ³³ Lokho-ke wakusho efanekisa ukufa okumfanele afe ngakho. ³⁴ Ngakho isixuku samphendula sathi : Sizwile emt hethweni ukuthi uKristu uyakuma phakade ; usho kanjani wena ukuthi iNdodana yomuntu imelwe ukuphakanyiswa na? Ingubani le Ndodana yomuntu na? ³⁵ Wayesethi kubo uJesu : Kuseyisikhashana ukukhanya kukhona kini . Hambani nise nokukhanya , ukuze ubumnyama bunganeh leli. Ohamba ebumnyameni akazi ukuthi uya ngaphi. ³⁶ Nise nokukhanya kholwani ngukukhanya , ukuze nibe ngabantwana bokukhanya. Washo lokho uJesu, wamuka, wasithela kubo. Ukwahlulelwa kwabaJuda ngokungakholwa kwabo ³⁷ Kepha noma ebezenzile izibonakaliso ezinga ka phambi kwabo , abakholwanga nguye ³⁸ ukuba izwi lika -Isaya umprofethi ligcwaliseke , alikhuluma lokuthi: Nkosi, ngubani owakholwa ngukushumayela kwethu na ? Ingalo yeNkosi yambulelwa bani na? ³⁹ Ngalokho babengekholwe, ngokuba u-Isaya washo futhi ukuthi: ⁴⁰ Uphuphuthekisile amehlo abo , wayenza lukhuni inhliziyo yabo , funa babone ngamehlo, baqonde ngenhliziyo, baphenduke, ngibaphulukise. ⁴¹ U-Isaya wakusho lokho , ngokuba ebona inkazimulo yakhe , ekhuluma ngaye. ⁴² Nokho abaningi nasezikhulwini bakholwa nguye, kodwa ngenxa yabaFarisi abakuvumanga, funa bakhishwe esinagogeni; ⁴³ ngokuba babethanda udumo lwabantu kunodumo lukaNkulunkulu. ⁴⁴ Khona uJesu wamemeza wathi : Okholwa yimi kakholwa yimi kepha ngongithumileyo. ⁴⁵ Obona mina ubona ongithumileyo. ⁴⁶ Ngize ezwe ni ngingukukhanya ukuba yilowo nalowo okholwa yimi angahlali ebumnyameni. ⁴⁷ Uma umuntu ezwa amazwi ami engawalondi , lowo angimahluleli mina , ngokuba angizanga ukuba ngahlulele izwe, kepha ukuba ngisindise izwe. ⁴⁸ Ongalayo engawamukeli amazwi ami unomahlu lelayo; izwi engalikhulumayo yilona eliyakumahlulela ngosuku lokugcina. ⁴⁹ Ngokuba mina angikhulumanga ngokwami , kodwa uBaba ongithumileyo nguye onginike umyalo wokuba ngizakuthini, ngikhulumeni. ⁵⁰ Ngiyazi ukuthi umyalo wakhe ungukuphila okuphakade . Ngakho-ke lokho engikukhulumayo ngikukhuluma njengalokho uBaba angitshela khona.