¹ Emva kwalokho iNkosi yamisa abanye abangamashumi ayisikhombisa , yabathumela ngababili phambi kwayo emizini nasezindaweni zonke ebizakuya kuzo yona. ² Yathi kubo : Ukuvuna kukhulu , kepha izisebenzi ziying cosana; ngakho-ke nxusani inkosi yokuvuna ukuba ithumele izisebenzi ekuvuneni kwayo. ³ Hambani; bhekani, ngiyanithuma ninjengezimvu phakathi kwezimpisi. ⁴ Ningaphathi sikhwama, nayika, nazicathulo, ningabingeleli muntu endleleni. ⁵ Nakuyiphi indlu eningena kuyo, qalani nithi: Ukuthula makube kule ndlu. ⁶ Kuyakuthi uma kukhona lapho indodana yokuthula, ukuthula kwenu kohlala phezu kwayo; kepha uma kungenjalo, kuzakubuyela kini. ⁷ Hlalani kuleyo ndlu , nidle, niphuze abanipha khona ; ngokuba isisebenzi sifanele inkokhelo yaso. Ningangenisi ezindlini ngezindlu. ⁸ Nakumuphi umuzi eningena kuwo , benamukele, yidlani okubekwa phambi kwenu, ⁹ niphulukise abagulayo abakuwo , nithi kubo : U mbuso kaNkulunkulu usondele kini. ¹⁰ Kepha nakumuphi umuzi eningena kuwo , benganamukeli, phumelani ezitaladini zawo, nithi: ¹¹ Nothuli lomuzi wenu olunamathele ezinyaweni zethu siyaluhlangulela kini; nokho-ke yazini lokhu ukuthi umbuso kaNkulunkulu usondele. ¹² Ngithi kini : Kuyakuba ngcono kwabaseSodoma ngalolo suku kunakulowo muzi. Ukusolwa kwemizi engaphendukanga (Math. 11:20) ¹³ Maye kuwe Korazini ! Maye kuwe Betsayida ! Ngokuba uma kwakwenziwe eTire naseSidoni imisebenzi yamandla eyenziwe kini , ngakube kade yaphenduka, ihlala ngesaka nangomlotha. ¹⁴ Kepha kuyakuba ngcono kulo iTire neSidoni ekwahlulelweni kunakini. ¹⁵ Nawe Kapernawume uyakuphakanyiselwa ezulwini na ? Uyakwehliselwa eHayidese. ¹⁶ Onizwayo nina uyangizwa mina ; onalayo nina uyangala mina ; ongalayo mina uyamala ongithumileyo. ¹⁷ Babuya-ke abangamashumi ayisikhombisa ngokujabula , bathi: Nkosi, namademoni ayasithobela ngegama lakho. ¹⁸ Wathi kubo: Ngabona uSathane ewa ezulwini njengonyazi. ¹⁹ Bhekani, ngininikile igunya lokunyathela izinyoka nawofezela naphezu kwamandla onke esitha; anisoze noniwa lutho. ²⁰ Nokho ningathokozi ngalokhu kokut hi omoya bayanithobela , kepha thokozani ngokuthi amagama enu alotshiwe ezulwini. UJesu uyamdumisa uYise (Math. 11:25) ²¹ Ngasona leso sikhathi wathokoza ngoMoya oNgcwele , wathi: Ngiyakubonga, Baba, Nkosi yezulu nomhlaba , ngokuba ukufihlile lokho kwabahlakaniphileyo nabanokuqonda, wakwambulela izingane; yebo, Baba, ngokuba kwaba kuhle phambi kwakho ukuba kube njalo. ²² Konke ngikunikelwe nguBaba ; akakho owazi ukuthi iNdodana ingubani , kuphela uYise, nokuthi uYise ungubani, kuphela iNdodana nalowo iNdodana ethanda ukumambulela yena. ²³ Waphendukela kubafundi bebodwa , wathi: Abusisiwe amehlo abona enikubonayo. ²⁴ Ngokuba ngithi kini: Baningi abaprofethi namakhosi ababethanda ukubona enikubonayo, abakubonanga, nokuzwa enikuzwayo, abakuzwanga. Umfanekiso womSamariya onesihawu (Math. 22:34; Mark. 12:28) ²⁵ Bheka, kwase kusukuma isazimthetho esithile , samlinga sathi : Mfundisi, ngizakwenzani ukuba ngidle ifa lokuphila okuphakade na? ²⁶ Wathi kuso: Kulotshweni emthethweni? Ufunda kanjani? ²⁷ Saphendula sathi : Woyithanda iNko si uNkulunkulu wakho ngayo yonke inhliziyo yakho , nangawo wonke umphefumulo wakho , nangawo onke amandla akho , nangayo yonke ingqondo yakho , nomakhelwane wakho njengalokhu uzithanda wena. ²⁸ Wayesethi kuso: Uphendule kahle; yenza lokho, uzakuphila. ²⁹ Kepha sona sithanda ukuzithetha sathi kuJesu : Umakhelwane wami ngubani na? ³⁰ UJesu waphendula wathi : Umuntu othile wehla eJerusalema eya eJeriko ; watheleka phakathi kwezigcwelegcwele , zamhlubula izingubo , zamshaya, zamuka zimshiya umndondo nje. ³¹ Kwaqabuka kwehla umpristi othile ngaleyo ndlela ; wathi embona , wamgwemela. ³² Kanjalo nomLevi, efika kuleyo ndawo embona, wamgwemela. ³³ Kepha umSamariya othile owayesendleleni wafika kuye ; wathi ukuba ambone, wamhawukela; ³⁴ waya kuye , wabopha amanxeba akhe ewathela ngamafu tha newayini , wamkhwelisa esilwaneni sakhe, wamusa endlini yezihambi, wamgcina. ³⁵ Ngangomuso wakhipha odenariyu ababili , wabanika umninindlu , wathi kuye: M gcine, nalokho okwelekelayo ngiyakukubuyisela kuwe ekubuyeni kwami. ³⁶ Ngumuphi ngokubona kwakho kula ba abathathu owaba ngumakhelwane wakhe owatheleka phakathi kwezigcwelegcwele na? ³⁷ Sathi: Yilowo owamenzela isihawu . Wayesethi uJesu kuso : Hamba wenze njalo nawe. OMarta noMariya ³⁸ Kwathi ekuhambeni kwabo wangena emzini othile ; owesifazane othile , igama lakhe nguMarta, wamamukela endlini yakhe. ³⁹ Wayenodadewabo othiwa nguMariya , owahlala ngasezinyaweni zeNkosi , walizwa izwi layo. ⁴⁰ Kepha uMarta ekhathazekile ukusebenza okuningi waya kuye, wathi: Nkosi, awukhathaleli ukuthi udadewethu ungishiyile , ngisebenze ngedwa, na? Ngakho yisho kuye ukuba angisize. ⁴¹ Kepha iNkosi yamphendula yathi : Marta, Marta, unakekela, ukhathazeka ngezinto eziningi. ⁴² Kodwa inye into edingekile ; uMariya ukhethile isabelo esihle angayikwaphucwa sona.