¹ Kwase kusondela kuye bonke abathelisi nezoni ukumuzwa. ² AbaFarisi nababhali base bakhonona bethi : Lo muntu wamukela izoni , adle nazo. ³ Wayesebalandisa lo mfanekiso, ethi: ⁴ Ngumuphi umuntu kini onezimvu eziyikhulu , alahlekelwe ngenye kuzo , angazishiyi ezingamashumi ayisishiyagalolunye nesishiyagalolunye ehlane , aye kwelahlekileyo, aze ayithole, na? ⁵ Athi eseyitholile, ayetshathe ethokoza. ⁶ Esefike ekhaya ameme abahlobo nabakhelwane, athi kubo: Thokozani nami, ngokuba ngiyitholile imvu yami ebilahlekile. ⁷ Ngithi kini : Kanjalo kuyakuba khona ukuthokoza ezulwini ngesoni sisinye esiphendukayo, kunabalungileyo abangamashumi ayisishiyagalolunye nesishiyagalolunye abangasweli ukuphenduka. ⁸ Noma ngumuphi owesifazane othi enezinhlamvu zesiliva eziyishumi , uma elahlekelwe luhlamvu lwaba lunye , angokheli isibani , ashanele indlu , afunisise, aze aluthole? ⁹ Athi ukuba aluthole, abize abahlobo nabakhelwane , athi: Thokozani nami, ngokuba ngilutholile uhlamvu lwami obelungilahlekele. ¹⁰ Ngithi kini : Kanjalo kukhona ukuthokoza phambi kwezingelosi zikaNkulunkulu ngesoni sisinye esiphendukayo. ¹¹ Wayesethi: Umuntu othile wayenamadodana amabili. ¹² Encane yawo yayisithi kuyise : Baba, nginike isabelo sefa esiqondene nami ; wawahlukanisela impahla. ¹³ Kwathi emva kwezinsuku ezingeziningi indodana encane yayisibutha konke, yamuka, yaya ezweni elikude , yachitha khona imfuyo yayo ihamba ngokonakala. ¹⁴ Isisaphaze konke, kwavela indlala enkulu kulelo zwe; yaqala ukuswela. ¹⁵ Yayisiya kukhonza komunye umuntu walelo zwe ; yena wayithuma emadlelweni akhe ukuba yaluse izingulube. ¹⁶ Yafisa ukuzisuthisa ngemidumba edliwa yizingulube; kepha kayiphiwanga muntu. ¹⁷ Kuthe sekusile kuyo , yathi: Bangaki abaqashwa bakab aba abanokudla okuningi, kanti mina ngifa indlala lapha. ¹⁸ Ngiyakusuka, ngiye kubaba , ngithi: Baba, ngonile kulo izulu naphambi kwakho; ¹⁹ angisafanele ukuthiwa indodana yakho ; ngenze ngibe njengomunye wabaqashwa bakho. ²⁰ Yayisisuka, yafika kuyise ; kepha ku the isekude , uyise wayibona , waba nesihe, wagijima, wayisingatha entanyeni, wayanga. ²¹ Indodana yayisithi kuye : Baba, ngonile kulo izulu naphambi kwakho ; angisafanele ukuthiwa indodana yakho. ²² Kepha uyise wathi ezincekwini zakhe : S heshani nikhiphe ingub o enhle kunazo zonke , niyembathise, nifake indandatho esandleni sayo nezicathulo ezinyaweni, ²³ nilethe ithole elikhuluphalisiweyo, nilihlabe, sidle, sijabule; ²⁴ ngokuba le ndodana yami ibifile , yabuye yaphila ; ibilahlekile, seyatholakala; base beqala ukujabula. ²⁵ Kepha indodana yakhe enkulu yayisensimini ; yathi iseza isondela endlini , yezwa ukuhlabelela nokusina. ²⁶ Yabiza omunye wabafana, yabuza ukuthi kwenze njani lokho. ²⁷ Wathi kuyo: Kufike umfowenu; uyihlo wahlaba ithole elikhuluphalisiweyo , ngokuba ubuye wamthola ephilile. ²⁸ Kepha yathukuthela , kayivumanga ukungena ; uyise wayesephuma, wayincenga. ²⁹ Kodwa yaphendula, yathi kuyise: Bheka, iminyaka engaka ngikukhonzile ; angizange ngeqe umyalo wakho , kepha mina awuzange ungiphe nazinyane lembuzi ukuba ngijabule nabahlobo bami, ³⁰ kodwa kuthe ukuba ifike leyo ndodana yakho eqede imfuyo yakho nezifebe, wayihlabisa ithole elikhuluphalisiweyo. ³¹ Wayesethi kuyo : M ntanami, wena uhlala nami njalo ; konke okwami kungokwakho. ³² Kepha simelwe ukujabula , sithokoze, ngokuba umfowenu lo wayefile , wabuye waphila; wayelahlekile, sewatholakala.