¹ Wabuye wangena eKapernawume emva kwezins uku ezithile ; kwezwakala ukuthi usendlini. ² Kwase kubuthana abaningi , akwabe kusabakho ndawo nangasemnyango ; wakhuluma izwi kubo. ³ Beza kuye bethwele umuntu ofe uhlangothi, ephethwe ngabantu abane. ⁴ Bengenakusondela kuye ngenxa yesixuku baqaqa uphahla laph o ekhona , bathi sebebhobozile behlisa uhlaka alele kulo ofe uhlangothi. ⁵ UJesu ebona ukukholwa kwabo wathi kofe uhlangothi : Ndodana, uthethelelwe izono zakho. ⁶ Kepha kwakukhona ababhali abathile behlezi khona, bezindla ezinhliziyweni zabo ngokuthi: ⁷ Lo ukhulumelani kanje na? Uyahlambalaza. Ngubani ongathethelela izono, kungeyena uNkulunkulu yedwa na? ⁸ UJesu ekwazi masinyane emoyeni wakhe ukuthi bazindla kanjalo phakathi kwabo, wathi kubo: Nizindlelani ngalokhu ezinhliziyweni zenu na? ⁹ Yikuphi okulula ukuth i kofe uhlangothi : U thethelelwe izono zakho , noma ukuthi: Vuka, uthathe uhlaka lwakho, uhambe, na? ¹⁰ Kepha ukuze nazi ukuthi iNdodana yomuntu inamandla emhlabeni okuthethelela izono -- wathi kofe uhlangothi -- ¹¹ ngithi kuwe: Vuka, uthathe uhlaka lwakho, uye endlini yakho. ¹² Wayesevuka, wathatha masinyane uhlaka lwakhe, waphuma phambi kwabo bonke, baze bamangala bonke, bamdumisa uNkulunkulu , bathi: Asizange sikubone okunje. ¹³ Waphuma futhi , waya ngaselwandle ; isixuku sonke sabantu seza kuye , wabafundisa. ¹⁴ Wathi edlula, wambona uLevi ka-Alfewu ehlezi endaweni yokuthela, wathi kuye: Ngilandele. Wasuka-ke, wamlandela. ¹⁵ Kwathi ehlezi ekudleni endlini yakhe , abathelisi abaningi nezoni bahlala noJesu nabafundi bakhe; ngokuba babe baningi, bamlandela. ¹⁶ Khona aba bhali babaFarisi bembona edla nezoni nabathelisi bathi kubafundi bakhe: Yini ukuba adle nabathelisi nezoni na? ¹⁷ UJesu ekuzwa lokho wathi kubo : Abaphilileyo abadingi inyanga , ngabagulayo bodwa; kangizelanga ukubiza abalungileyo kodwa izoni. Ukuzila ukudla (Math. 9:14; 12:1; Luk. 5:33) ¹⁸ Abafundi bakaJohane nabaFarisi babezila ukudla ; beza bathi kuye : Yini ukuba abafundi bakaJohane nabafundi babaFarisi bazile ukudla , kodwa abafundi bakho bangazili na? ¹⁹ UJesu wathi kubo : Abayeni bangazila yini, umyeni esenabo na? Bese naye umyeni bangezile. ²⁰ Kodwa zizakufika izinsuku , lapho umyeni ezakususwa kubo ; yikhona-ke bezakuzila ngalolo suku. ²¹ Akakho othungela isiziba esingakashukeki engutsheni endala , funa okusha okubekelwayo kuklebhule kwendala, kwande ukuklebhuka. ²² Futhi akakho othela iwayini elisha ezimvabeni ezindala , funa iwayini liqhumise izimvaba, lichitheke iwayini, nezimvaba zonakale; kodwa iwayini elisha lithelwa ezimvabeni ezintsha. UJesu uchachisa umyalelo wesabatha (Math. 12:1; Luk. 6:1) ²³ Kwathi edabu la amasimu ngesabatha , abafundi bakhe baqala ukukha izikhwebu behamba. ²⁴ Base bethi kuye abaFarisi : Bheka, bakwenzelani ngesabatha okungavunyelwe na? ²⁵ Wathi kubo : Anizange nifunde yini akwenzayo uDavide mhla eswele , elambile yena nababe naye ²⁶ ukuthi w angena endlini kaNkulunkulu enkathini ka-Abiyathara umpristi omkhulu, wadla izinkwa zokubukwa ezingavunyelwe ukudliwa muntu , ngabapristi bodwa, wanika nababe naye, na? ²⁷ Wayesethi kubo : Isabatha lenzelwa umuntu , umuntu akenzelwanga isabatha. ²⁸ Ngokunjalo iNdodana yomuntu iyinkosi neyesabatha.