¹ Kwathi ukuba basondele eJerusalema , sebefikile eBetfage ngaseNtabeni Yeminqumo, uJesu wathuma abafundi ababili, ² wathi kubo : Hambani niye emzaneni obhekene nani , nizakufumana masinyane imbongolo ikhulekiwe nethole linayo ; zithukululeni, nizilethe kimi. ³ Uma umuntu esho utho kini , anothi: INkosi iyazidinga ; uyakuzithumela masinyane. ⁴ Kepha lokho kwenzeka ukuba kugcwaliseke okwashiwo ngumprofethi othi: ⁵ Yishoni kuyo indodakazi yaseSiyon i ukuthi: Bheka, iNkosi yakho iza kuwe , imnene, ikhwele embongolweni , yebo, etholeni, inkonyane yesilwane esiboshelwayo. ⁶ Abafundi bahamba, benza njengokuba uJesu ebatshelile, ⁷ baletha imbongolo nethole , babeka izingubo zabo phezu kwazo , wahlala phezu kwazo. ⁸ Iningi lesixuku lendlala izingubo zalo endleleni , kepha abanye bagawula amahlamvu emithini, bawendlala endleleni. ⁹ Izixuku ezazihamba pha mbili nezazimlandela zamemeza zathi : Hosiyana kuyo iNdodana kaDavide ! Ubusisiwe ozayo egameni leNkosi . Hosiyana kweliphezulu! ¹⁰ Kwathi esangena eJerusalema , umuzi wonke wanyakaza , wathi: Ngubani lo? ¹¹ Izixuku zathi: Lo ungumprofethi, uJesu waseNazaretha laseGalile. Ukuhlanzwa kwethempeli (Mark. 11:15; Luk. 19:45) ¹² UJesu wayesengena ethempelini , waxosha bonke abathengisayo nabathengayo ethempelini , wagumbuqela amatafula abashintshelana imali nezihlalo zabathengisa ngamajuba. ¹³ Wathi kubo : Kulotshiwe ukut hi: Indlu yami iyakubizwa ngokuthi indlu yokukhuleka, kepha nina niyenza Umhume wabaphangi. ¹⁴ Kwase kufika kuye izimpumputhe nezinyonga ethempelini, waziphulukisa. ¹⁵ Kepha abapristi abakhulu nababhali , bebona izimangaliso azenzayo nabantwana bememeza ethempelini, bethi: Hosiyana kuyo iNdodana kaDavide, bacasuka, ¹⁶ bathi kuye: Uyakuzwa lokhu abakushoyo laba na? UJesu wathi kubo: Yebo, anizange nifunde yini ukuthi : Emlonyeni wezingane nowabancelayo uzilungisele indumiso, na? ¹⁷ Wayesebashiya, waphuma emzini, waya eBethaniya, walala khona. Ukuqalekiswa komkhiwane (Mark. 11:12, 20) ¹⁸ Kepha ekuseni esebuyela emzini walamba. ¹⁹ Wabona umkhiwane owodwa ngasendleleni , weza kuwo ; akafumananga lutho kuwo, amaqabunga odwa. Wayesethi kuwo: Akungabe kusavela sithelo kuwe naphakade. Umkhiwane wabuna khona lapho. ²⁰ Bekubona lokho abafundi bamangala bathi : Umkhiwane ubune kanjani masinyane na? ²¹ UJesu wayesephendula , ethi kubo : Ngiqinisile ngithi kini : Uma ninokukholwa, ningangabazi, aniyikwenza okomkhiwane kuphela , kodwa noma nithi kule ntaba: Nqukuleka, uphonseke elwandle, kuyakwenzeka; ²² nakho konke eningakucela ngokukhuleka nikholwa niyakukwamukeliswa. Igunya likaJesu (Mark. 11:27; Luk. 20:1) ²³ Kuthe engena ethempelini, kweza kuye abapristi abakhulu namalunga esizwe, esafundisa, bathi: Ukwenza lokhu ngagunya lini na ? Futhi ngubani okunike leli gunya na? ²⁴ UJesu waphendula, wathi kubo: Nami ngizakunibuza izwi libe linye ; uma ningitshela lona, nami ngizakunitshela ukuthi ngenza lokhu ngagunya lini. ²⁵ Ukubhapathiza kukaJ ohane kwavelaphi , ezulwini nokuba kubantu , na? Bakhulumisana bodwa , bathi: Uma sithi : Ezulwini, uzakuthi kuthi : Pho, anikholwanga nguye ngani na? ²⁶ Kepha uma sithi : Kubantu, siyasesaba isixuku ; ngokuba bonke bathi uJohane ungumprofethi. ²⁷ Base bemphendul a uJesu , bethi: Asazi. Wayesethi kubo naye : Nami anginitsheli ukuthi ngenza lokhu ngagunya lini. Ukukhuzwa kwabapristi abakhulu nabaFarisi ²⁸ Kepha nithini na? Umuntu wayenamadodana amabili; waya kweyokuqala, wathi: Mntanami, hamba, uyosebenza namuhla esivinini. ²⁹ Yaphendula yathi: Angithandi; kodwa ngasemuva yaguquka, yaya. ³⁰ Wayeseya kwenye, washo kanjalo. Yona yaphendula yathi: Ngiyaya, nkosi; kepha kayiyanga. ³¹ Yiyiphi kulawa amabili eyenza intando kayise na ? Bathi kuye: Eyokuqala. UJesu wathi kubo : Ngiqinisile ngithi kini : Abathelisi nezifebe bangena phambi kwenu embusweni kaNkulunkulu. ³² Ngokuba uJohane weza kini ngendlela yokulunga , anikholwanga nguye ; kepha abathelisi nezifebe bakholwa nguye ; kodwa nina , khona nikubona , aniguqukanga nakamuva, nize nikholwe nguye. Umfanekiso wabalimi besivini (Mark. 12:1; Luk. 20:9) ³³ Yizwani omunye umfanekiso . Kwakukhona umuntu , umninindlu, owatshala isivini , wasibiyela ngothango , wemba khona isikhamo , wakha isiqongo sokulinda, wasiqashisa kubalimi, waya kwelinye izwe. ³⁴ Kwathi sekusondele isikhathi sezithelo , wathuma izinceku zakhe kubalimi ukuba zithathe izithelo zakhe. ³⁵ Abalimi bazibamba izinceku zakhe, enye bayishaya, enye bayibulala, enye bayikhanda ngamatshe. ³⁶ Waphinda wathuma ezinye izinceku eziningi kun ezokuqala; benze njalo nakulezo. ³⁷ Ekugcineni wathuma kubo indodana yakhe , ethi: Bayakuyazisa indodana yami. ³⁸ Kepha kwathi abalimi bebona indodana , bakhuluma bodwa , bathi: Lo uyindlalifa; wozani siyibulale, sidle ifa layo. ³⁹ Base beyibamba, bayiphonsa ngaphandle kwesivini, bayibulala. ⁴⁰ Pho-ke, mhla kufika umninisivini, uzakubenze njani labo balimi na? ⁴¹ Bathi kuye: Uzakubabhubhisa kabi labo ababi, isivini sakhe sinikwe abanye abalimi abayakumnika izithelo ngezikhathi zazo. ⁴² UJesu wathi kubo : Anizange nifunde yini emibhalweni ukuthi : Itshe abalinqabayo abakh i lona laba yinhloko yegumbi ; lona lavela eNkosini ; liyisimangaliso emehlweni ethu, na? ⁴³ Ngalokho ngithi kini : Niyakwamukwa umbuso kaNkulunkulu , uphiwe isizwe esiyakuveza izithelo zawo. ⁴⁴ Owayo ph ezu kwaleli tshe uyakuphohlozwa ; kepha yilowo nalowo eliyakuwela phezu kwakhe liyakumcolisa. ⁴⁵ Abapristi abakhulu nabaFarisi beyizwa imifanekiso yakhe bazi ukuthi ukhuluma ngabo. ⁴⁶ Base befuna ukumbamba ; kepha bazesaba izixuku , ngokuba zazithi ungumprofethi.