¹ UJehova wakhuluma kuMose, wathi: Hamba wenyuke lapha, wena nabantu obakhuphulile ezweni laseGibithe , uye ezweni engalifungela ku -Abrahama, naku-Isaka, nakuJakobe, ngathi: Ngiyakulinika inzalo yakho. ² Ngiyakuthuma ingelosi phambi kwakho , ngiwaxoshe amaKhanani , nama- Amori, namaHeti, namaPherizi, namaHivi, namaJebusi, ³ uye ez weni elichichima ubisi nezinyosi . Angiyikukhuphuka ngiphakathi kwenu, lokhu ningabantu abantamo ilukhuni, funa nginiqede endleleni. ⁴ Abantu beyizwa le ndaba embi badabuka , akwabakho muntu owafaka izivunulo zakhe. ⁵ UJehova wayesethi kuMose : Yisho kubantwana bakwa-Israyeli, uthi: Ningabantu abantamo ilukhuni ; uma ngikhuphuka ngiphakathi kwenu nangokuphazima kweso nje , ngizakuniqeda. Ngalokho khumulani manje izivunulo zenu, ukuze ngazi ukuthi ngiyakwenzani kini. ⁶ Abantwana bakwa -Israyeli bazihlubula izivunulo zabo, kusukela entabeni yaseHorebe. Insika yefu ⁷ UMose wayevama ukulithatha itende , walimisa ngaphandle kwekamu , libe kude nekamu , walibiza ngokuthi itende lokuhlangana . Kwathi bonke abamfunayo uJehova baphuma, baya etendeni lokuhlangana elalingaphandle kwekamu. ⁸ Kwathi uMose ephuma eya etendeni , bonke abantu basukuma bema , kwaba yilowo nalowo ngasemnyango wetende lakhe , bambuka uMose waze wangena etendeni. ⁹ Kwathi uMose engena etendeni , insika yefu yehla, yema ngasemnyango wetende; uJehova wakhuluma noMose. ¹⁰ Bonke abantu bayibona insika yefu imi ngasemnyango wetende ; bonke abantu basukuma, bakhuleka, kwaba yilowo nalowo ngasemnyango wetende lakhe. ¹¹ UJehova wakhuluma kuMose ubuso nobuso , njengalokhu umuntu ekhuluma nomhlobo wakhe . Wabuyela ekamu , kepha i nceku yakhe uJoshuwa indodana kaNuni, insizwa, ayiphumanga etendeni. UMose ucela ukubona inkazimulo kaJehova ¹² UMose wathi kuJehova : Bheka, uthi kimi : Khuphula laba bantu , kepha awungazisanga yena oyakumthuma nami . Nokho ushilo ukuthi : Ngiyakwazi ngegama, ufumene umusa emehlweni ami. ¹³ Ngalokho uma ngifumene umusa emehlweni akho, ake ungibonise izindlela zakho ukuba ngikwazi, ukuze ngifumane umusa emehlweni akho , ubhekisise ukuthi lesi sizwe singabantu bakho. ¹⁴ Wayesethi: Ngiyakuhamba mina uqobo, ngikuphumuze, na? ¹⁵ Wathi kuye: Uma ungahambi wena uqobo, ungasikhuphuli lapha. ¹⁶ Ngokuba kuyakwaziwa ngani ukuthi ngifumene umusa emehlweni akho , mina nabantu bakho , na? Akungalokhu yini ukuthi uhamba nathi , ukuze sahlukaniswe, mina nabantu bakho, nabanye abantu abasebusweni bomhlaba na? ¹⁷ UJehova wathi kuMose : Ngiyakwenza nalokho okushiloyo , ngokuba ufumene umusa emehlweni ami; ngiyakwazi ngegama. ¹⁸ Wayesethi: Ake ngibone inkazimulo yakho. ¹⁹ Wathi: Ngiyakudlulisa phambi kwakho ubuhle bami , ngilimemezele igama likaJehova phambi kwakho, ngibe nomusa kuyena engithanda ukuba nomusa kuye, ngibe nesihe kuyena engithanda ukuba nesihe kuye. ²⁰ Wathi: Awunakubona ubuso bami , ngokuba akukho muntu ongangibona , aphile. ²¹ UJehova wathi: Bheka, nansi indawo kimi; uyakuma edwaleni. ²² Kuyakuthi isadlula inkazimulo yami , ngiyakukufaka ofantwini lwedwala , ngikumboze ngesandla sami, ngize ngidlule. ²³ Besengisusa isandla sami , ubone umhlane wami , kepha ubuso bami abuyikubonwa.