¹ Kepha manje usho kanje uJe hova owakudalayo wena Jakobe , nowakubumba wena Israyeli, uthi: Ungesabi ngokuba ngikuhlengile , ngikubizile ngegama lakho; ungowami. ² Lapho udabula emanzini, mina nginawe; nasemifuleni, ayiyikukukhukhula; lapho uhamba emlilweni, awuyikusha, nelangabi aliyikukushisa. ³ Ngokuba nginguJehova uNkulunkulu wakho , oNgcwele ka -Israyeli, uMsindisi wakho ; ngiyanika iGibithe libe yihlawulo lakho , iKushe neSheba esikhundleni sakho. ⁴ Ngenxa yokuba ubuyigugu emehlweni ami , futhi ubudumile , uthandekile kimi, ngiyakunika a bantu esikhundleni sakho , nezizwe esikhundleni sokuphila kwakho. ⁵ Ungesabi, ngokuba nginawe ; ngiyakuyiletha inzalo yakho iphume empumalanga, ngikubuthe nasentshonalanga. ⁶ Ngiyakusho kuyo inyakatho , ngithi: Balethe, nakuyo iningizimu : Ungabagodli. Lethani amadodana ami akude , namadodakazi am i ukuba aphume emikhawulweni yomhlaba, ⁷ onke abizwe ngegama lami , nengiwadalele inkazimulo yami , engiwabumbile nengiwenzile. ⁸ Lethani abantu abayizimpumputhe abanamehlo nezithulu ezinezindlebe. ⁹ Izizwe zonke mazibuth elwe ndawonye, abantu bonke babuthane ; ngubani phakathi kwabo ongamemezela lokhu , asizwise izinto zakuqala ; mabalethe ofakazi babo ukuba balungisiswe, bezwe, bathi: Kuyiqiniso. ¹⁰ Ningofakazi bami , usho uJehova , nenceku yami engiyikhethiley o ukuba nazi, ningethembe, niqonde ukuthi nginguye ; ngaphambi kwami akwenziwanga uNkulunkulu, nangasemva kwami akayikuba khona. ¹¹ Mina, mina nginguJehova, ngaphandle kwami akakho umsindisi. ¹² Ngimemezele, ngisindisile, ngizwisile, kungakabikho unkulunkulu wabezizwe phaka thi kwenu ; yebo, ningofakazi bami , usho uJehova , mina nginguNkulunkulu. ¹³ Yebo, kwasendulo nginguye ; akakho ongophula esandleni sami ; lapho ngisebenza, ngubani ongakuvimbela na? ¹⁴ Usho kanje uJehova , uMhlengi wenu, oNgcwele ka-Israyeli, uthi: Ngenxa yenu ngithumele eBabele, ngiyakwehlisa bonke njengababaleki , namaKaledi ngemikhumbi yokujabula kwawo. ¹⁵ NginguJehova oNgcwele wenu, uMdali ka-Israyeli, iNkosi yenu. ¹⁶ Usho kanje uJehova owenza indlela elwandle , nomkhondo emanzini anamandla, ¹⁷ okhipha izinqola namahhashi, impi namandla ; kuyalala kanyekanye , akusenakuvuka; kucishile, kucinyiwe njengomongo. ¹⁸ Ningakhumbuli izinto zakuqala, ningazindli ngezindaba zasendulo. ¹⁹ Bhekani, ngiyakwenza okusha; kuyakuqhamuka manje, angithi niyakwazi na? Yebo, ngiyakwenza indlela ehlane nemifula kwahlongasibi. ²⁰ Izilwane zasendle ziyakungidumisa, amakhanka nezintshe, ngokuba ngiveza amanzi ehlan e nemifula kwahlongasib i ukuphuzisa abantu bami abakhethiweyo, ²¹ laba bantu engizenzele bona ukuba bashumayele udumo lwami. ²² Kepha awungibizanga, Jakobe, ngokuba wadinwa yimi, Israyeli. ²³ Awulethanga kimi izimvu zakho zomnikelo wokushiswa , awungidumisanga ngemihlatshelo yakho ; angikukhonzisanga ngeminikelo , angikudinisanga ngenhlaka. ²⁴ Awungithengelanga umhlanga othaphukayo ngemal i, awungisuthisanga ngamanoni emihlatshelo yakho , kepha ungisebenzisile ngezono zakho , ungidinisile ngobubi bakho. ²⁵ Mina, mina nginguy e owesula iziphambeko zakho ngenxa yami ; angiyikukhumbula izono zakho. ²⁶ Ngikhumbuze, masahlulelane; yisho wena ukuba ulungisiwe. ²⁷ Uyihlo wokuqala wona, abahumushi bakho bangihlubukile. ²⁸ Ngidumazile izikhulu zendlu engcwele , ngimenzile uJakobe abe yisiqalekiso, no-Israyeli abe yisithuko.