¹ Kuyakuthi ekwahlukanisweni kwezwe ngenkatho libe ngamafa, ninikele kuJehova ngomnikelo , okungcwele kwezwe , ubude bube ngubude bezinhlanga eziyizinkulungwane ezingamashumi amabili nanhlanu, ububanzi bube yizinkulungwane eziyishumi , kube ngcwele emikhawulweni yonke nxazonke. ² Kulokhu kuyakuba ngokwendlu engcwele okubude bakho bungezamakhulu ayisihlanu nokobubanzi bakho bungamakhulu ayisihlanu , kunezinhlangothi ezine nxazonke, nezingalo ezingamashumi ayisihlanu zibe ngezamadlelo akho nxazonke. ³ Kuso lesi silinganiso uyakulinganisa ubude obuyizin kulungwane ezingamashumi amabili nanhlanu nobubanzi obuyizinkulungwane eziyishumi, kube yindawo engcwele kakhulu. ⁴ Kungokungcwele kwezwe , kungokwabapristi, izikhonzi zendlu engcwele ezisondela ukumkhonza uJehova , kube yindawo yezindlu zabo nendawo engcwele yendlu engcwele. ⁵ Izinkulungwane ezingamashumi amabili nanhlanu ubude nezinkulungwane eziyishumi ububanzi ziyakuba ngezamaLevi, izikhonzi zendlu, zibe yifa lawo lemizi ukuhlala kuyo. ⁶ Niyakunika umuzi ifa lezinkulungwane eziyisihlanu ububanzi nezinkulungwane ezingamashumi amabili nanhlanu ubude eceleni komnikelo wokungcwele, libe ngelendlu yonke yakwa-Israyeli. ⁷ Okungokwesikhulu kuyakuba ngalapha nangalapha komnikelo wokungcwele nefa lomuzi, phambi komnikelo wokungcwele naphambi kwefa lomuzi, ngasohlangothini lwasentshon alanga kubheke entshonalanga , nangasohlangothini lwasempumalanga kubheke empumalanga , ngobude kulingane nesinye sezabelo zezizwe , kusukela emkhawulweni wasentshonalanga kuze kube semkhawulweni wasempumalanga. ⁸ Kuyakuba yifa laso ezweni lakwa -Israyeli, izikhulu zami zingasacindezeli abantu bami, kepha zinike indlu yakwa-Israyeli njengezizwe zayo. ⁹ Isho kanje iNkosi uJehova , ithi: Makwanele kini nina zikhulu zakwa - Israyeli; susani ubudlova nokuphanga, nenze ukwahlulela nokulunga, niyeke ukuxosha abantu bami, isho iNkosi uJehova. ¹⁰ Niyakuba nezilinganiso ezilungileyo , ne-efa elilungileyo , nebhati elilungileyo. ¹¹ I-efa nebhati kuyakuba yisilinganiso sinye , ukuze ibhati lifumbathe okweshumi kwehomere, ne-efa okweshumi kwehomere, isilinganiso salo sibe ngokwehomere. ¹² Ishekeli liyakuba ngamagera angamashumi amabili ; amashekeli angamashumi amabili , namashekeli angamashumi amabili nanhlanu , namashekeli ayishumi nanhlanu ayakuba yimane kini. ¹³ Lokhu kungumnikelo eniyakunikela ngawo : inxenye yesithupha ye -efa lehomere likakolweni nenxenye yesithupha ye-efa lehomere lebhali, ¹⁴ namafutha anqunyiweyo , ibhati lamafutha : inxenye yeshumi yebhati lekhori elingamabhati ayishumi njengehomere , ngokuba amabhati ayishumi ayihomere, ¹⁵ newundlu linye ezimvini ezingamakhulu amabili zasemadlelweni anamanzi akwa-Israyeli, libe ngumnikelo wempuphu , nomnikelo wokushiswa , nomnikelo wokuthula ukubenzela ukubuyisana, isho iNkosi uJehova. ¹⁶ Bonke abantu bezwe bayakuba kulo mnikelo wesikhulu sakwa-Israyeli. ¹⁷ Kuyakuba phezu kwesikhulu ukuni kela ngeminikelo yokushiswa , nangeminikelo yempuphu , nangeminikelo yokuphuzwa emikhosini , nasekwethwaseni kwenyanga, nangamasabatha emikhosini yonke emisiweyo yendlu yakwa -Israyeli, silungise umnikelo wesono , nomnikelo wempuphu , nomnikelo wokushiswa , neminikelo yokuthula ukwenzela indlu yakwa - Israyeli ukubuyisana. ¹⁸ Isho kanje iNkosi uJehova , ithi: Ngenyanga yokuqala , ngolokuqala lwenyanga, uyakuthatha inkunzi , iduna elingenasici, uhlambulule indlu engcwele. ¹⁹ Umpristi uyakuthatha kulo igazi lomnikelo wes ono, alibhece ezinsikeni zendlu, nasemagumbini omane onqenqema lwe -altare, nasezinsikeni zesango legceke elingaphakathi. ²⁰ Uyakwenze njalo ngolwesikhombisa lwenyanga ngaye wonke umuntu odukayo nongenalwazi, nenzele indlu ukubuyisana. ²¹ Ngenyanga yokuqala , ngosuku lweshumi nane lwenyanga , niyakuba nephasika, umkhosi wezinsuku eziyisikhombisa , kudliwe isinkwa esingenamvubelo. ²² Ngalolo suku isikhulu siyakuzilungisela sona nabantu bonke bezwe inkunzi ibe ngumnikelo wesono. ²³ Izinsuku eziyisikhombisa zomkhos i siyakulungisela uJehova umnikelo wokushiswa, izinkunzi eziyisikhombisa nezinqama eziyisikhombisa ezingenasici imihla ngemihl a ngalezo zinsuku eziyisikhombisa , kanye nempongo imihla ngemihla ibe ngumnikelo wesono. ²⁴ Siyakulungisela inkunzi umnikelo wempup hu, i-efa, ne-efa ngenqama , nehini lamafutha nge-efa. ²⁵ Ngenyanga yesikhombisa ngosuku lweshumi nanhlanu lwenyanga emkhosini siyakwenza okunjengalezo zinsuku eziyisikhombisa , kunjengomnikelo wesono , nomnikelo wokushiswa , nomnikelo wempuphu , namafutha.