¹ Wayesengibuyisela emnyango wendlu ; bheka, amanzi aphuma phansi kombundu wendlu ngasempumal anga, ngokuba ubuso bendlu babungasempumalanga; amanzi ehla evela phansi , ohlangothini lokunene lwendlu, ngaseningizimu kwe-altare. ² Wayesengiphumisa ngendlela yesango ngasenyakatho , wangizungezisa ngendlela engaphandle esangweni elingaphandle , elibheke en dleleni yasempumalanga; bheka, kwampompoza amanzi ohlangothini lokunene. ³ Lapho umuntu esephuma , eya ngasempumalanga, enomucu wokulinganisa esandleni sakhe , walinganisa izingalo eziyinkulungwane, wangidabulisa emanzini, amanzi efinyelela emaqakaleni. ⁴ Wabuye walinganisa inkulungwane , wangidabulisa emanzini , amanzi efinyelela emadolweni . Walinganisa futhi inkulungwane , wangidabulisa, amanzi efinyelela okhalweni. ⁵ Wayesebuye walinganisa inkulungwane ; kwakungumfula engingenakuwudabula, ngokuba amanzi ayekhulil e, angamanzi okuhlamba , angumfula ongenakudatshulwa. ⁶ Wathi kimi : Ndodana yomuntu , usubonile na ? Wayesengihambisa, wangibuyisela osebeni lomfula. ⁷ Sengibuyile, bheka, kwakukhona imithi eminingi kakhulu osebeni lomfula , ngalapha nangalapha. ⁸ Wayesethi kimi: Lawa manzi aphumela esifundeni sasempumalanga , ehlele e-Araba, aye elwandle, aye elwandle lana aphunyisiweyo, kuphiliswe amanzi alo. ⁹ Kuyakuthi konke okuphilayo okuswebezelayo kuphile ezindaweni zonke lapho ifika khona leyo mifula emibili , kube yizinhlanz i eziningi kakhulu , ngokuba esefike khona lawa manzi , awolwandle ayakuphiliswa , kuphile konke, lapho umfula ufika khona. ¹⁰ Kuyakuthi kume kuwo abadobi kusukela e -Eni Gedi kuze kube se - Enegelayimi, kube ngokokwenekwa kwamanetha; kuyakuba khona izinhlanzi ngezinhlobo zazo njengezinhlanzi zoLwandle Olukhulu, zibe ziningi kakhulu. ¹¹ Kepha amaxhaphozi alo nezimbuku zalo akuyikuphiliswa; kuyakunikelwa kube ngusawoti. ¹² Ngasemfuleni osebeni lwawo ngalapha nangalapha kuyakumila yonke imithi edliwayo emaqabunga ayo angayikubuna, nezithelo zayo zingayikuphela; iyakuthela ezintsha izinyanga zonke , ngokuba amanzi ayo avela endlini engcwele ; izithelo zayo ziyakuba ngukudla , amaqabunga ayo abe ngawokuphilisa. Imikhawulo yezwe elingcwele ¹³ Isho kanje iNkosi uJehova , ithi: Nanku umkhawulo eniyakwahlukanisa ngawo ifa lezwe ngokwezizwe eziyishumi nambili zakwa-Israyeli, uJosefa abe nezabelo ezimbili. ¹⁴ Niyakulidla, kube yilowo nalowo , ngokuba ngasiphakamisa isandla sami ukulinika oyihlo; leli zwe liyakuba yifa lenu. ¹⁵ Nanku umkhawulo wezwe : ohlangothini lwasenyakatho , kusukela eLwandle Olukhulu ngendlela yaseHetiloni kuze kube sekuyeni eSedadi, ¹⁶ naseHamati, naseBerotha, naseSibirayimi eliphakathi komkhawulo waseDamaseku nomkhawulo waseHamati , naseHaseri eliphakathi elingasemkhawulweni waseHawurana. ¹⁷ Umkhawulo osuka elwandle uyakuba yiHasari Enani ngasemkhawulweni waseDamaseku, nasenyakatho ngasenyakatho umkhawulo uyiHamati . Lolu luluhlangothi lwasenyakatho. ¹⁸ Uhlangothi lwasempumalanga , kusukela phakathi kweHawurana neDamaseku, naphakathi kwelakwaGileyadi nezwe lakwa -Israyeli, luyakuba yiJordani; lusukela kulo mkhawulo , luze lube selwandle lwasempumalanga naseTamari. Lolu luluhlangothi lwasempumalanga. ¹⁹ Uhlangothi lwaseningizimu ngaseningizimu luyakusukela eTamari , luze lube semanzini aseMeribati Kadeshi nasemfudlaneni ngaseLwandle Olukhulu. Lolu luluhlangothi lwaseningizimu ngaseningizimu. ²⁰ Uhlangothi lwasentshonalanga luyakuba luLwandle Olukhulu , kusukela emkhawulweni kuze kuqondane nokuya eHamati . Lolu luluhlangothi lwasentshonalanga. ²¹ Niyakuzahlukanisela leli zwe ngokwezizwe zakwa-Israyeli. ²² Kuyakuthi nilahlukanise ngenkatho , libe yifa lenu nelabafokazi abagogobala phakathi kwenu nabazele abantwana phakathi kwenu . Bona bayakuba njengabokuzalwa ekhaya phakathi kwab antwana bakwa -Israyeli, badle kanye nani ifa phakathi kwezizwe zakwa-Israyeli. ²³ Kuyakuthi esizweni lapho umfokazi egogobele khona , nimnike lapho ifa lakhe, isho iNkosi uJehova.