¹ Zwanini izwi uJehova alikhuluma kini nina ndlu ka-Israyeli. ² Usho kanje uJehova , uthi: Ningayifundi indlela yabezizwe , ningashaywa luvalo ngezibonakaliso zasezulwini, ngokuba abezizwe bezesaba. ³ Ngokuba imikhuba yabantu iyize , lokhu kugawulwa umuthi ehlathini ; ngumsebenzi wesandla sesisebenzi ngembazo. ⁴ Bawenza ube muhle ngesiliva nangegolide , bawubethela ngezipikili nangezando ukuba ungazamazami. ⁵ Ungumsebenzi okhandiweyo , awukhulumi; uyathwalwa nokuth walwa, ngokuba awuhambi . Ungawesabi, ngokuba awenzi okubi , nokuhle awunakukwenza. ⁶ Akakho onjengawe Jehova; umkhulu, igama lakho likhulu ngobuqhawe. ⁷ Ngubani ongekwesabe, Nkosi yezizwe, ngokuba uyimfanelo yakho, ngokuba phakathi kwabo bonk e abahlakaniphileyo bezizw e nakuyo yonke imibuso yabo akakho onjengawe. ⁸ Bayiziphukuphuku, bayiziwula bonke ; ngukulaya kwezithombe ; kungumuthi nje, ⁹ nezingcwecwe zesiliv a ezilethwe zivela eTharishish i negolide lase -Ofiri, umsebenzi wesisebenzi nowezandla zomkhandi , kugqokiswe okuluhlaza nokububende, kungumsebenzi wabahlakaniphileyo konke. ¹⁰ Kepha uJehova unguNkulunkulu weqiniso , unguNkulunkulu ophilileyo neNkosi yaphakade ; ngentukuthelo yakhe umhlaba uyazamazama , izizwe azinakuma ngokufutheka kwakhe. ¹¹ Niyakusho kanje kubo, nithi: Onkulunkulu abangenzanga izulu nomhlaba, labo bayakubhubha emhlabeni nangaphansi kwezulu. ¹² Wawenza umhlaba ngamandla akhe , walimisa izwe ngokuhlakanipha kwakhe, ngokuqonda kwakhe waleneka izulu. ¹³ Lapho elizwakalisa izwi lakhe , kungukuhlokoma kwamanzi ezulwini; uzikhuphula izinkungu emikhawulweni yomhlaba , enzele imvula unyazi , awukhiphe umoya endlini yengcebo. ¹⁴ Bonke abantu bayiziphukuphuku , abanakwazi; bonke abakhandi bajabhiswa nezithombe zabo ezibaziweyo , ngokuba izithombe zabo ezibunjiweyo zingamanga, nomoya awukho kuzo. ¹⁵ Ziyize, umsebenzi wenkohliso ; ngesikhathi sokuhanjelwa kwabo ziyakubhubha. ¹⁶ Oyisabelo sikaJakobe akanjengalezo , ngokuba nguye obumbile konke ; u- Israyeli uyisizwe sefa lakhe, nguJehova Sebawoti igama lakhe. Ukumenyezelwa kokuthunjwa ¹⁷ Qoqa umshuqulo wakho ezweni wena ohlezi ekuvinjezelweni. ¹⁸ Ngokuba usho kanje uJehova , uthi: Bheka, ngiyakubazwiba abakhiley o ezweni ngalo mzuzwana, ngibacindezele ukuze bakuzwe. ¹⁹ Maye kimina ngenxa yokulimala kwami ! Ukushaywa kwami kunzima. Kepha ngithi mina: Nempela lokhu kulusizi lwami, ngiyakuluthwala. ²⁰ Itende lami lichithakele , zonke izintambo zami zigqabukile ; abantwana bami basukile kimi , kabasekho; kasekho owokwelula itende lam i nowokumisa izilenge zami. ²¹ Ngokuba abelusi b ayiziphukuphuku, abamfunanga uJehova ; ngalokho abaphumelelanga, nomhlambi wabo wonke uhlakazekile. ²² Bheka, kusondela izwi lombiko , nokuzamazama okukhulu okuvela ezweni lasenyakatho, ukuba kwenze imizi yakwaJuda ibe yincithakalo, indawo yokuhlala kwamakhanka. ²³ Ngiyazi, Jehova, ukuthi indlela yomuntu ayikuye uqobo ; akukuyo indoda ukuba ihambe, iqondise izinyathelo zayo. ²⁴ Ngilaye, Jehova, kepha ngokwahlulela, kungabi ngentukuthelo yakho, funa ungenze into engelutho. ²⁵ Thulula ukufutheka kwakho phez u kwabezizwe abangakwaziy o naphezu kwemindeni engalibizi igama lakho , ngokuba bamdlile uJakobe ; yebo, bamdlile bamqeda, balichitha ikhaya lakhe.