¹ Sengathi ikhanda lami nga lingamanzi , namehlo ami umthombo wezinyembezi ukuba ngikhalele ababuleweyo bendodakazi yabantu bam i imini nobusuku. ² Sengathi nga nginendawo yokulal a kwezihambi ehlan e ukuba ngishiye abantu bami , ngisuke kubo , ngokuba bangabaphingi bonke , umhlangano wabakhohlisi. ³ Bagobela umnsalo wolimi lwabo amanga , abaqinelanga iqiniso ezweni ; kepha basuka kokubi, baya kokubi; mina-ke abangazi, usho uJehova. ⁴ Yilowo nalowo makaxwaye umakhelwane wakhe , ningethembi nakumfowenu, ngokuba abafowenu bonke bayaqinela , nabo bonke abakhelwane bayahambahamba behleba. ⁵ Yilowo nalowo uyakh ohlisa umakhelwane wakhe , abakhulumi iqiniso ; bazifundisile izilimi zabo ukukhuluma amanga , bazikhathaza ngokwenza okubi. ⁶ Uhlala phakathi kwenkohliso; ngenkohliso bayala ukungazi, usho uJehova. ⁷ Ngalokho uJehova Sebawoti usho kanje , uthi: Ngiyakubancibilikisa, ngibavivinye, ngokuba ngingenze njan i ngenxa yendodakazi yabantu bami na? ⁸ Ulimi lwabo lungumcibisholo obulalayo , lukhuluma inkohliso; bakhuluma kahle ngomlomo wabo kumakhelwane wabo , kepha ezinhliziyweni bayamqamekela. ⁹ Angiyikubahambela ngalokhu na? usho uJehova . Umphefumulo wam i awuyikuphindisa esizweni esinjengalesi na? ¹⁰ Ngiyakuphakamisela izintaba ukukhala nokulila , namadlelo asehlane ukulilisela, ngokuba ashisiwe kungekho muntu odlula kuwo , kungezwakali ukukhonya kwezinkomo; izinyoni zezulu nezilwane zibalekile, zahamba. ¹¹ Ngiyakulenza iJerusalema libe yizinqwab a nekhaya lamakhanka, ngenze imizi yakwaJuda incithakalo, lapho kungahlali muntu khona. ¹² Ngubani umuntu ohlakaniphileyo ongakuqonda lokhu , okhulumile kuye umlomo kaJehova, akumemezele, na? Izwe lichithelweni, lasha njengehlane, kungekho odabulayo, na? ¹³ UJehova wathi: Ngokuba bewushiyile umthetho wami engawubeka phambi kwabo, bengalilalelanga izwi lami, bengahambanga ngalo, ¹⁴ kepha belandela inkani yezinhliziyo zabo nawoBali abakufundiswa ngoyise. ¹⁵ Ngalokho usho kanje uJehova Sebawoti , uNkulunkulu ka -Israyeli, uthi: Bheka, ngiyakubanika laba bantu ukuba badle umhlonyane , baphuze amanzi enyongo. ¹⁶ Ngiyakubahlakazela ezizweni abangazazanga bona nawoyise , ngithume emva kwabo inkemba, ngize ngibaqede. ¹⁷ Usho kanje uJehova Sebawoti , uthi: Qaphelani, nibize abesifazane besililo ukuba bafike, nithumele kwabesifazane abahlakaniphileyo ukuba bafike, ¹⁸ basheshe basikhihlele isililo , ukuze amehlo ethu amululeke izinyembezi , nezinkophe zethu ziphophoze amanzi. ¹⁹ Ngokuba izwi lokukhala lizwakal a livela eSiyoni, lithi: Yeka ukuphangwa kwethu! Sijabhile kakhulu , ngokuba silishiyile izwe , ngokuba badilizile izindlu zethu. ²⁰ Yebo, zwanini izwi likaJehov a nina besifazane, izindlebe zenu zilamukele izwi lomlomo wakhe , nifundise amadodakazi enu ukukhala , kube yilowo nalowo umakhelwane wakhe ukulila. ²¹ Ngokuba ukufa kwenyukele emafasiteleni ethu , kungene ezindlini zethu zamakhosi ukunquma abantwana ezitaladini, nezinsizwa ezigcawini. ²² Khuluma! Usho k anje uJehova , uthi: Izidumbu zabantu ziyakuwa njengomquba endle, nanjengesithonto emva komvuni, kungekho okubuthayo. ²³ Usho kanje uJehova , uthi: Ohlakaniphileyo makangazibong i ngokuhlakanipha kwakhe , neqhawe malingazibong i ngobuqhawe balo , nocebileyo makangazibongi ngengcebo yakhe, ²⁴ kepha ozibongayo makazibong e ngalokhu ukuthi uyangiqonda , angazi ukuthi nginguJehov a owenza umusa nokwahlulela nokulunga emhlabeni , ngokuba ngiyathokoza ngokunjalo, usho uJehova. ²⁵ Bheka, izinsuku ziyeza , usho uJehova , lapho ngiyakuhambela bonke abasokileyo ekungasokini kwabo, ²⁶ iGibithe, noJuda, no-Edomi, nabantwana bakwa-Amoni, noMowabi, nabo bonke abadilingiwe emaceleni amakhanda abo abakhe ehlane , ngokuba zonke izizwe azisokile, nendlu yonke yakwa-Israyeli ayisokile enhliziyweni.