¹ Izwi likaJehova lafika kimi, lathi: ² Awuyikuzithathela umfazi, ungabi namadodana namadodakazi kule ndawo. ³ Ngokuba usho kanje uJehova ngamadodana nangamadodakazi azalwa kule ndawo, nangawonina abawabelethayo, nangawoyise abawazalayo kuleli zwe, uthi: ⁴ Bayakuba nokufa okwesabekayo, abayikulilelwa, abayikumbelwa; bayakuba ngumquba emhlabathini, baqedwe ngenkemba nangendlala , izidumbu zabo zibe ngukudla kwezinyoni zezulu nokwezilwane zasemhlabeni. ⁵ Ngokuba usho kanje uJehova , uthi: Ungangeni endlini yesililo , ungayi ukulila, ungabakhaleli, ngokuba ngikususile ukuthula kwami kulaba bantu , usho uJehova, kanye nomusa nobumnene. ⁶ Abakhulu nabancane bayakufela kuleli zwe , abayikumbelwa, abayikulilelwa; abantu abayikuzisika, abayikuziphucula ngenxa yabo; ⁷ abayikubahlephulela isinkwa sokulila ukuba babaduduze ngabafileyo , bangabaphuzisi indebe yokududuza ngoyise nangonina. ⁸ Awuyikungena endlini yedili ukuba uhlale nabo, udle, uphuze. ⁹ Ngokuba usho kanje uJehova Sebawoti , uNkulunkulu ka -Israyeli, uthi: Bheka, ngiyakulenza ukuba liphele kule ndawo phambi kwamehlo enu nasezinsukwini zenu izwi lokujabula nezwi lokuthokoza, izwi lo myeni nezwi lomakoti. ¹⁰ Kuyakuthi lapho ubatshela laba bantu on ke lawa mazwi , basho kuwe ukuthi: UJehova ukhulumeleni phezu kwethu konke lokhu okubi na ? Ububi bethu buyini? Yisiphi isono esone ngaso kuJehova uNkulunkulu wethu na? ¹¹ Usuyakusho kubo ukuthi : Ngenxa yokuba oyihlo bangishiyile , usho uJehova, balandela aba nye onkulunkulu , babakhonza, bakhuleka kubo , bangishiya, abagcinanga umthetho wami, ¹² nani nenza okubi kunawoyihlo, ngokuba bhekani, niyalandela, kube yilowo nalowo inkani yenhliziyo yakhe embi, ningangilaleli, ¹³ ngalokho ngiyakunizwiba nisuke kuleli zwe , niye ezweni eningalaziyo , nina nawoyihlo; niyakukhonza khona abanye onkulunkulu imini nobusuku , ngokuba angiyikuniphatha ngesihe. ¹⁴ Ngalokho bheka , izinsuku ziyeza , lapho kungasayikuthiwa : Kuphila kukaJehova owabakhuphula abantwana bakwa-Israyeli ezweni laseGibithe, ¹⁵ kepha: Kuphila kukaJehova owabakhuphula abantwana bakwa -Israyeli ezweni lasenyakatho nasemazweni onke lapho ebebaxoshele khona ; kepha ngiyakubabuyisela ezweni lakubo engalinika oyise. ¹⁶ Bheka, ngiyakuthumela kubadobi abaningi , usho uJehova , babadobe; besengithumela kubazingeli abaningi , babazingele kuzo zonke izintaba , nakuwo onke amagquma, nakuyo imifantu yeziwa. ¹⁷ Ngokuba amehlo ami akuzo zonke izindlela zabo ; abasithele ebusweni bami, nobubi babo abufihlekile emehlweni ami. ¹⁸ Kuqala ngi yakuphindisela ngokuphindiweyo ububi babo nezono zabo , ngokuba balingcolisile izwe lami ngezidumbu zezinto zabo ezizondekayo , baligcwalisa ifa lami ngezinengiso zabo. ¹⁹ Jehova, mandla ami nenqaba yami , siphephelo sami ngosuku lokuhlupheka, bayakuza kuwe a bezizwe, bevela emajukujukwini omhlaba , bathi: Obaba badlile ifa lamanga kuphela , okuyize, engekho kukho insizakalo. ²⁰ Umuntu angazenzela onkulunkulu na? Labo abasibo onkulunkulu. ²¹ Ngalokho bheka , ngiyakubazisa, ngibazise ngalesi sikhath i isandla sami namandla ami, baze bazi ukuthi igama lami linguJehova.