¹ Isono sakwaJuda silotshiwe ngothi lwensimbi lokuloba ; ngesihloko sedayimani siqoshiwe ezibhebheni zezinhliziyo zabo nasezimpondweni zama- altare enu, ² abantwana babo besakh umbula ama -altare abo nawo -Ashera babo ngasemithini eluhlaza emagqumeni aphakemeyo. ³ Intaba yami yasendle , impahla yakho nengcebo yakho yonke ngiyakukunikela kube yimpango kanye nezindawo zakho eziphakemeyo ngenxa yezono emikhawulweni yakho yonke. ⁴ Uyakuyeka ngokwakho ifa lakho engakunika lona , ngikwenze ukuba ukhonze izitha zakho ezweni ongalaziyo, ngokuba niphembile umlilo olakeni lwami oyakuvutha kuze kube phakade. ⁵ Usho kanje uJehova , uthi: Uqalekisiwe umuntu othemba kubantu , ayenze inyama ibe yingalo yakhe, nonhliziyo yakhe isuka kuJehova. ⁶ Uyakuba njengesihlahla esiyize ehlane , angaboni ukuthi kuyeza okuhle , uyakuhlala ezindaweni ezishileyo ehlane , ezweni likasawoti elingahlalwa muntu. ⁷ Ubusisiwe umuntu othemba kuJehova, nothemba lakhe linguJehova. ⁸ Ngokuba uyakuba njengomuthi otshalwe ngasemanzini , ozenabisa izimpande zawo ngasemfuleni, ongesabi lapho kufika ukushisa, amaqabunga awo abe luhlaza , angabi naluvalo ngomnyaka wesigagadu , anganqamuki ukuthela izithelo. ⁹ Inhliziyo iyakhohlisa ngaphezu kwakho konke, futhi imbi; ngubani ongayazi na? ¹⁰ Mina Jehova ngivivinya inhliziyo , ngihlola izinso ukuba nginike, kube yilowo nalowo njengezindlela zakhe, njengezithelo zezenzo zakhe. ¹¹ Intendele efukamela ingazalanga , unjalo owenza ingcebo ngokungalungi ; iyakumshiya phakathi nezinsuku zakhe, abe yisiwula ngasekugcineni. ¹² Indawo yendlu yethu engcwel e iyisihlalo sobukhosi esinenkazimul o esiphakemeyo. ¹³ O, themba lika -Israyeli, Jehova, bonke abakushiyayo bayakujabha ; abachezuka kimi bayakulotshwa emhlabathini, ngokuba bamshiyile uJehova, umthombo wamanzi aphilayo. ¹⁴ Ngiphulukise, Jehova, ngiphuluke; ngisindise, ngisindiswe, ngokuba uludumo lwami. ¹⁵ Bheka, bathi kimi: Liphi izwi likaJehova na? Malize phela. ¹⁶ Mina-ke angiyekanga ukwalusa ngokukulandela , futhi angilufisanga usuku olwesabekayo; wena uyazi ; okwaphuma emlonyeni wam i kwakuphambi kobuso bakho. ¹⁷ Ungabi luvalo kimi; uyisiphephelo sami ngosuku lobubi. ¹⁸ Mababe namahloni abangizingelayo , kepha mina mangingabi nawo ; baphele amandla bona , mina ngingaphe li wona kodwa ; behlisele usuku lobubi, ubaphule ngokwaphula okuphindiweyo. Isabatha ¹⁹ Usho kanje kimi uJehova, uthi: Hamba ume esangweni lamadodana abantu, angena ngalo amakhosi akwaJuda , aphuma ngalo futhi , nasemasangweni onke aseJerusalema, ²⁰ uthi kuwo : Zwanini izwi likaJehova nina makhosi akwaJuda , noJuda wonke, nani nonke enakhileyo eJerusalema eningena ngalawa masango; ²¹ usho kanje uJehova , uthi: Xwayani ngenxa yemiphefumulo yenu ukuba ningathwali mthwalo ngosuku lwesabatha , ningawungenisi ngamasango aseJerusalema; ²² futhi ningakhiphi mthwalo ezindlini zenu ngosuku lwesabatha , ningasebenzi msebenzi, kepha lungcweliseni usuku lwesabatha njengokuyala kwami oyihlo, ²³ nakuba bengalalelanga , bengabekanga izindlebe , kepha benza lukhuni intamo yabo, ukuze bangezwa, balaywe. ²⁴ Kuyakuthi uma ningilalela nokungilalela , usho uJehova , ukuba ningangenisi mthwalo ngamasango alo muzi ngosuku lwesabatha , nilungcwelise usuku lwesabatha ukuze ningenzi ngalo umsebenzi, ²⁵ kungene ngamasango alo muzi amakhosi nezikhulu a bahlala esihlalweni sobukhosi sikaDavide bekhwele izinqola namahhashi , bona nezikhulu zabo , abantu bakwaJuda nabakhileyo eJerusalema , nalo muzi uyakuhlala kuze kube phakade. ²⁶ Bayakufika bephuma emizini yakwaJuda, nasemaphandleni aseJerusalema, nasezweni lakwaBenjamini, nasehlanzeni, nasezintabeni, naseningizimu, beletha iminikelo yokushiswa , nemihlatshelo, neminikelo yempuphu , nenhlaka, befika neminikelo yokubonga endlini kaJehova. ²⁷ Kepha uma ningalaleli ukuba nilungcwelise usuku lwesabatha, ningathwali mthwalo lapho ningena ngamasango aseJerusalema ngosuku lwesabatha , ngiyakuphemba umlilo emasangweni alo , uqede izindlu zamakhosi zaseJerusalema, ungacinywa.