¹ Ngaleso sikhathi , usho uJehova , ngiyakuba nguNkulunkulu wemindeni yonke yakwa-Israyeli, yona ibe ngabantu bami. ² Usho kanje uJehova , uthi: Abantu abasele enkembeni bafumana umusa ehlane, lapho u-Israyeli eya khona ukuthola ukuphumula kwakhe. ³ UJehova wabonakala kimi ekude , wathi: Ngikuthandile ngothando oluphakade; ngalokho ngikudonsile ngomusa. ⁴ Ngiyakubuye ngikwakhe , wakheke wena ntombi ka -Israyeli; uyakubuye uvunuliswe ngezigubhu zakho, uphumele ekusineni kwabathokozayo. ⁵ Uyakubuye utshale izivin i ezintabeni zaseSamariya; abatshali bayakuzitshala, badle izithelo zazo. ⁶ Ngokuba kuyakuba khona usuk u abayakumemeza ngalo abalind i entabeni yakwa-Efrayimi ukuthi: Sukani, sikhuphukele eSiyoni kuJehova uNkulunkulu wethu. ⁷ Ngokuba usho kanje uJehova , uthi: Hlabelelani kuJakobe ngokujabula , nimemezele inhloko yezizwe , nizwakalise, nidumise nithi : Jehova, sindisa abantu bakho, insali yakwa-Israyeli. ⁸ Bheka, ngiyakubabuyisa ezweni lasenyakatho , ngibabuthe emikhawulweni yomhlaba, okuphakathi kwabo kuyizimpumputhe nezinyonga , abakhulelweyo nababelethayo kanyekanye , babuyele lapha beyibandla elikhulu. ⁹ Bayakufika bekhala, ngibahambise bekhuleka, ngibayise emifuleni yamanzi ngendlela eqondileyo abangayikukhubeka kuyo , ngokuba nginguyise ka - Israyeli, no-Efrayimi uyizibulo lami. ¹⁰ Zwanini izwi likaJehova nina zizwe, nilimemeze eziqhingini ezikude, nithi: Owamhlakaza u-Israyeli uyakumbutha amlondoloze njengomalusi umhla mbi wakhe. ¹¹ Ngokuba uJehova umhlawulele uJakobe, wamhlenga esandleni sonamandla kunaye. ¹² Bayakufika, bahlabelele ngokujabul a ekuphakameni kwaseSiyoni , bagobhozele kukho okuhle kukaJehova , yebo, emabeleni, nasewayinini, nasemafutheni, nakuwo amazinyane e zimvu nawezinkomo , umphefumulo wabo ube njengensimu eniselweyo, bangabe besaba nosizi futhi. ¹³ Khona intombi iyakuthokoza ekusineni , nezinsizwa nabadala kanyekanye; ngiyakuphendula ukukhala kwab o kube ngukujabula , ngibaduduze, ngibathokozise, bangabe besaba nosizi. ¹⁴ Ngiyakudelisa umphefumulo wabapristi ngamanoni, abantu bami basuthe ngokuhle kwami, usho uJehova. ¹⁵ Usho kanje uJehova , uthi: Izwi liyezwakala eRama , ukulila nokukhala okumunyu, uRaheli ekhalela abantwana bakhe ; uyala ukududuzwa ngabantwana bakhe, ngokuba abasekho. ¹⁶ Usho kanje uJehova , uthi: Bamba izwi lakho , ungakhali, amehlo akho angabi nazinyembezi , ngokuba umsebenzi wakho uyakuba nomvuzo , usho uJehova, babuye ezweni lesitha. ¹⁷ Kukhona ithemba lokugcina kwakho , usho uJehova ; abantwana bayakubuyela emikhawulweni yabo. ¹⁸ Ngimzwile nokumuzwa u -Efrayimi ezidabukela , ethi: U ngishayile, ngashaywa njengethole elingajwayele ijoka ; ngibuyise ukuba ngibuye , ngokuba wena unguJehova uNkulunkulu wami. ¹⁹ Impela lapho sengibuyisiwe , ngazisola, nalapho ngifundisiwe, ngashaya ithanga lami, ngaba namahloni, yebo, ngajabha, ngokuba ngathwala ihlazo lobusha bami. ²⁰ U-Efrayimi uyindodana yami yini eyigugu kimi, ungumntwana othandekayo na? Ngokuba njalo lapho ngikhuluma okubi ngaye , ngisamkhumbula nokumkhumbula; ngalokho izibilini zami ziyamhawukela ; ngiyakuba nesihe impela kuye, usho uJehova. ²¹ Zibekele amatshe , zimisele iziqondiso zendlela ; yibeke inhliziyo yakho emendweni, indlela owahamba ngayo; buya, ntombi yakwa-Israyeli, ubuyele kule mizi yakho. ²² Koze k ube nini uhambahamb a wena ndodakazi ehlubukayo na ? Ngokuba uJehova udalile into entsha emhlabeni: owesifazane uyakuyihaqa indoda. ²³ Usho kanje uJehova Sebawoti , uNkulunkulu ka-Israyeli, uthi: Bayakubuye basho leli zwi ezweni lakwaJuda nasemizini yalo , lapho ngibuyisa ukuthunjwa kwabo, lokuthi: UJehova makakubuyise wena khaya lokulunga , ntaba yobungcwele. ²⁴ UJuda nayo yonke imizi yakhe bayakuhlala kulo ndawonye , abalimi nabahamba nemihlambi. ²⁵ Ngokuba nganelisile imiphefumulo eyethileyo, ngigcwalisile yonke imiphefumulo enosizi. ²⁶ Kulokhu ngase ngivuka, ngabheka; ubuthongo bami babumnandi kimi. ²⁷ Bheka, izinsuku ziyeza, usho uJehova, lapho ngiyakuhlwanyela indlu ka - Israyeli nendlu kaJuda ngembewu yabantu nangembewu yezinkomo. ²⁸ Kuyakuthi njengalokhu ngibal indile ukuba ngibasiphule , ngibadilize, ngibabhidlize, ngibachithe, ngibahluphe, kanjalo ngiyakubalinda ukuba ngibakhe, ngibatshale, usho uJehova. ²⁹ Ngalezo zinsuku abasayikusho ukuthi : Oyise badlile izithelo zomvini ezimuncu, amazinyo abantwana aba bushelezi. ³⁰ Ngokuba yilowo nalowo uyakufa ngobubi bakhe ; bonke abantu abazidla izithelo zomvini ezimuncu amazinyo abo ayakuba buthuntu. ³¹ Bheka, izinsuku ziyeza, usho uJehova, lapho ngiyakwenza isivumelwano esisha nendlu ka-Israyeli nendlu kaJuda, ³² kungenjengesivumelwano engasenzayo nawoyise mhla ngibabamba ngesandla ukubakhipha ezweni laseGibithe , isivumelwano sami abasaphula noma ngangiyinkosi yabo, usho uJehova. ³³ Kepha yilesi esiyisivumelwano engizakusenza nendlu ka -Israyeli emva kwalezo zinsuku , usho uJehova: ngiyakufaka umthetho wami ezibilinini zabo, ngiwulobe ezinhliziyweni zabo, ngibe nguNkulunkulu wabo, bona babe ngabantu bami; ³⁴ abasayikufundisana, kube yilowo na lowo umakhelwane wakhe , kube yilowo nalowo umfowabo , ngokuthi: Yazi uJehova , ngokuba bonke bayakungazi, kusukela kwabancane kuya kwabakhulu babo , usho uJehova , ngokuba ngiyakuthethelela ububi babo, nesono sabo angisayikusikhumbula. ³⁵ Usho kanje uJehova obeka ilanga libe ngukukhanya emini , nezimiso zenyanga nezezinkanyezi zokuba zibe ngukukhanya ebusuku, ovusa ulwandle ukuba kuhlokome amaza alo, ogama lakhe linguJehova Sebawoti, uthi: ³⁶ Uma lezi zimiso zisuka ebusweni bami , usho uJehova , yilapho inzalo yakwa-Israyeli iyakuphela , ingabe isaba yisizwe phambi kwam i kuze kube nanini. ³⁷ Usho k anje uJehova , uthi: Uma izulu lilinganiswa phezulu , nezisekelo zomhlaba zivivinywa ngaphansi , khona mina ngiyakuyilahla yonke inzalo yakwa-Israyeli ngakho konke abakwenzileyo, usho uJehova. ³⁸ Bheka, izinsuku ziyeza , usho uJehova , lapho uJehova eyakwakhelw a umuzi, kusukela embhoshongweni kaHananeli kuze kube seSangweni Lasegumbini. ³⁹ Umucu wokulinganisa usezakuphuma , ufinyeleliswe uze uqondane negquma laseGarebi, ujike uze ufike eGowa. ⁴⁰ Sonke isigodi sezidumbu , nesomlotha, nawo onke amasimu kuze kube semfudlaneni iKidroni , kuze kufike egumbini leSango Lehhashi ngasempumalanga kuyakuba ngcwele kuJehova , kungabe kusasis hulwa, kubhidlizwe kuze kube phakade.