¹ Kwathi ngomnyaka wesine kaJehoyakimi indodana kaJosiya , inkosi yakwaJuda, leli zwi lafika kuJeremiya livela kuJehova, lathi: ² Zithathele umqulu wencwadi , ulobe kuwo onke amazwi engiwakhulume kuwe ngo -Israyeli nangoJuda , nangazo zonke izizwe , kusukela osukwini engakhuluma ngalo kuwe , kusukela ezinsukwini zikaJosiya kuze kube namuhla. ³ Mhlawumbe indlu yakwaJuda iyakuzwa konke okubi engicabanga ukukwenza kuyo ukuba ibuye , kube yilo wo nalowo endleleni yakhe embi , ngiyithethelele amacala ayo nezono zayo. ⁴ UJeremiya wayesebiza uBaruki indodana kaNeriya ; uBaruki waloba emqulwini wencwadi onke amazwi kaJehova ayewakhulume kuye , ewathatha emlonyeni kaJeremiya. ⁵ UJeremiya wamyala uBaruki ngokuthi: Ngivalelwe, anginakungena endlini kaJehova. ⁶ Hamba wena , ufunde emqulwini owulobileyo , uthathe emlonyeni wami , amazwi kaJehova ezindl ebeni zabantu endlini kaJehova ngosuku lokuzila ukudla, uwafunde nasezindlebeni zabo bonke abakwaJuda abavela emizini yakubo. ⁷ Mhlawumbe ukunxusa kwabo kuyakufika phambi kukaJehova, babuye, kube yilowo nalowo endleleni yakhe embi , ngokuba inkulu intukuthel o nokufutheka akukhulumileyo uJehova ngalaba bantu. ⁸ UBaruki indodana kaNeriya wenza njengakho konke uJeremiya umprofethi amyala ngakho, efunda encwadini amazwi kaJehova endlini kaJehova. ⁹ Kwathi ngomnyaka wesihlanu kaJehoyakimi indodana kaJosiya , inkosi yakwaJuda, ngenyanga yesishiyagalolunye bonke abantu baseJerusalema nabo bonke abantu ababevela emizini yakwaJuda beza eJerusalema , bamemezela ukuzila ukudla phambi kukaJehova. ¹⁰ UBaruki wayesefunda encwadini amazwi kaJeremiya endlini kaJehova ekamelweni l ikaGemariya indodana kaShafani umbhali egcekeni lasenhla ngasesikhaleni sesango elisha lendlu kaJehova ezindlebeni zabantu bonke. ¹¹ UMikhaya indodana kaGemariya kaShafani wezwa onke amazwi kule ncwadi, ¹² wehlela endlini yenkosi ekamelweni lombhali ; bheka, kwakuhlezi khona zonke izikhulu , u-Elishama umbhali , noDelaya indodana kaShemaya , no- Elinathani indodana ka-Akibori, noGemariya indodana kaShafani, noSedekiya indodana kaHananiya, zonke izikhulu. ¹³ UMikhaya wazitshela onke amazwi ayewezwile , lapho uBaruki eyifunda incwadi ezindlebeni zabantu. ¹⁴ Ngalokho zonke izikhulu zathuma uJehudi indodana kaNethaniya kaShelemiya kaKushi kuBaruki , zathi: Umqulu owufundileyo ezindlebeni zabantu wuthathe ngesandla sakho , uze nawo . UBaruki indodana kaNeriya wawuthatha umqulu ngesandla sakhe, weza kuzo. ¹⁵ Zathi kuye : Ake uhlale phansi , ufunde ezindlebeni zethu . UBaruki wayesefunda ezindlebeni zazo. ¹⁶ Kwathi lapho sezizwile onke amazwi , zaphendukelana ngokwesaba, kwaba yileso naleso kumakhelwane waso , zathi kuBaruki : Siyakuyitshela nokuyitshela inkosi lawa mazwi. ¹⁷ Zambuza uBaruki, zathi: Ake usitshele ukuthi wawaloba kanjani onke lawa mazwi, uwathatha emlonyeni wakhe, na? ¹⁸ UBaruki wathi kuzo : Wawaphumisela onke lawa mazwi kimi ngomlomo wakhe, ngawaloba encwadini ngoyinki. ¹⁹ Zase zithi izikhulu kuBaruki : Hamba ucashe, wena noJeremiya , kungazi muntu lapho nikhona. ²⁰ Zase zingena enkosini egcekeni; sezibeke umqulu ekamelweni lika-Elishama umbhali zalanda onke amazwi ezindlebeni zenkosi. ²¹ Inkosi yayisimthuma uJehudi ukuba awuland e umqulu ; wawukhipha ekamelweni lika-Elishama umbhali. UJehudi wawufunda ezindlebeni zenkosi nasezindlebeni zazo zonke izikhulu ezazimi ngasenkosini. ²² Inkosi yayihlezi endlini yobusika ngenyanga yesishiyagalolunye , iziko elivuthayo liphambi kwayo. ²³ Kwathi lapho uJehudi esefundile amakhasi amathathu noma amane , yawasika ngommese womlobi, yawaphonsa emlilweni oseziko, waze waphela wonke umqulu emlilweni oseziko. ²⁴ Azesabanga, aziklebhulanga izingubo zazo , inkosi nezinceku zayo ezaziwezwa onke lawa mazwi. ²⁵ O-Elinathani noDelaya noGemariya babekhulekile enkosini ukuba ingashisi umqulu, kepha ayibezwanga. ²⁶ Inkosi yayala uJerameli indodana yenkosi , noSeraya indodana ka-Aziriyeli, noShelemiya indodana ka -Abideyeli ukuba babambe uBaruki umbhali noJeremiya umprofethi, kepha uJehova wabafihla. ²⁷ Lase lifika izwi likaJehova kuJeremiya , inkosi isishisile umqulu namazwi awaloba uBaruki, ewathatha emlonyeni kaJeremiya, lithi: ²⁸ Buya, uzithathele omunye umqulu , ulobe kuwo onke amazwi okuqala ayesemqulwini wokuqala, awushisa uJehoyakimi inkosi yakwaJuda. ²⁹ NgoJehoyakimi inkosi yakwaJuda uyakusho uthi: Usho kanje uJehova, uthi: Uwushisile lo mqulu ngokuthi : Ulobeleni kuwo ukuthi inkosi yaseBabele iyakufika nokufika ukuchitha leli zwe , yenze ukuba kuphele kulo abantu nezilwane, na? ³⁰ Ngalokho usho kanje uJehova ngoJehoyakimi inkosi yakwaJuda , uthi: Akayikuba namuntu wokuhlala esihlalweni sobukhosi sikaDavide ; isidumbu sakhe siyakuntshingwa ekushiseni kwasemini nasesithwathweni sasebusuku. ³¹ Ngiyakumjezisa yena nenzalo yak he nezinceku zakhe ngokona kwabo , ngehlisele phezu kwabo , naphezu kwabakhileyo eJerusalema , naphezu kwabantu bakwaJuda konke okubi engikukhulume ngabo , bengalalelanga kodwa. ³² UJeremiya wayesethatha omunye umqulu , wawunika uBaruki umbhali , indodana kaNeri ya, owaloba kuwo , ewathatha emlonyeni kaJeremiya onke amazwi encwadi uJehoyakimi inkosi yakwaJuda ayeyishisile ngomlilo ; kwathasiselwa kuwo amanye amazwi amaningi anjengawo.