¹ NgoMowabi. Usho kanje uJehova Sebawoti , uNkulunkulu ka-Israyeli, uthi: Wo kulo iNebo , ngokuba lichithekile , iKiriyatayimi lijabhile , linqotshiwe; iMisigabi lijabhile, liphelile amandla. ² Udumo lukaMowabi alusekho ; eHeshiboni bacebe okubi ngaye ngokuthi : Wozani simnqume , angabe esaba yisizwe . Nawe Madimeni uyakuthuliswa , inkemba ikulandele. ³ Izwi lokukhala livela eHoranayimi, ukuchithwa nokuqothulwa okukhulu. ⁴ UMowabi uchithekile; abancane bakhe bezwakalisa ukukhala. ⁵ Ngokuba bakhuphuka egqumeni laseLuthite , bekhala njalo , nasekwehleni ukuya eHoronayimi bezwile usizi lokukhala kwencithakalo. ⁶ Balekani, nisindise ukuphila kwenu, nibe njengesihlahla esiyize ehlane. ⁷ Ngokuba ngenxa yokwethemb a kwakho imisebenzi yakh o nengcebo yakho nawe uyakubanjwa, uKemoshi aye ekuthunjweni , abapristi bakhe nezikhulu zakhe kanyekanye. ⁸ Umchithi uyakufikela yonke im izi, akuyikuphunyuka muzi ; isigodi siyakuchithwa, ithafa liqothulwe, njengalokho uJehova eshilo. ⁹ Nikani uMowabi amaphiko , ngokuba uyakundiza , aphume; imizi yakhe iyakuba yincithakalo, kungabikho osahlala kuyo. ¹⁰ Makaqalekiswe owenza umsebenz i kaJehova ng okunganakekeli, aqalekiswe naye ogodla inkemba yakhe egazini. ¹¹ UMowabi ugciniwe kwasebusheni bakhe , uphumulile enhleseni yakhe , kathululwanga ezitsheni ngezitsha, akayanga ekuthunjweni ; ngalokho ukuzwakala kwakhe kuhlala kuye, nephunga lakhe aliguquki. ¹² Ngalokho bheka , izinsuku ziyeza , usho uJehova , engiyakuthuma ngazo kuye abathambekay o abayakumthambeka, bazithulule izitsha zakhe , baziphohloze izimvaba zakhe. ¹³ UMowabi uyakujabha ngoKemoshi , njengalokhu indlu ka -Israyeli yajabha ngeBethele, ithemba labo. ¹⁴ Ningasho kanjani ukuthi : S ingamaqhawe namadoda anamandla okulwa na? ¹⁵ Umchithi kaMowabi nemizi yakhe bakhuphukile , izinsizwa zakhe ezikhethekileyo zehlele ukuyobulawa , isho iNkosi egama layo linguJehova Sebawoti. ¹⁶ Ingozi kaMowabi iseduze ukufika, usizi lwakhe lushesha kakhulu. ¹⁷ Nina nonke enimzungezayo manimkhalele ; nani nonke enilaziyo igama lakhe anothi: Yeka ukwaphuka kwenduku enamandla, udondolo oluhle! ¹⁸ Yehla ebukhosini bakho , uhlale womile , ndodakazi, ohlala eDiboni , ngokuba umchithi kaMowabi ukhuphukela kuwe, achithe izinqaba zakho. ¹⁹ Yima endleleni , uqaphele wena ohlezi e -Aroweri, ubuze obalekayo nowesifazane ophunyukayo ukuthi: Kwenze njani na? ²⁰ UMowabi ujabhile , uphelile amandla ; hhewulani, nikhale, nikwazise e - Arinoni ukuthi uMowabi uchithiwe. ²¹ Ukwahlulela kwehlele izwe lethafa: iHoloni, neJahasi, neMefahati, ²² neDiboni, neNebo, neBeti Dibilatayimi, ²³ neKiriyatayimi, neBeti Gamuli, neBeti Mehoni, ²⁴ neKeriyote, neBosira, nemizi yonke yezwe lakwaMowab i ekude noma eseduze. ²⁵ Uphondo lukaMowabi lunqunyiwe, ingalo yakhe yaphukile, usho uJehova. ²⁶ Mdakiseni, ngokuba uzikhukhumezile kuJehova; uMowabi makahuquzele ebuhlanzweni bakhe, abe ngohlekwayo naye. ²⁷ U-Israyeli wayengahlekwa nguwe na ? Wafunyanwa phakathi kwamasela , njengokuba, lapho ukhuluma ngaye, unikina ikhanda, na? ²⁸ Shiyani imizi, nihlale esiweni nina enakhileyo kwaMowabi, nibe njengejuba elakha emaceleni omlomo wesiwa. ²⁹ Sizwile ngokuzidla kukaMowabi okukhulu kakhulu , ukuziphakamisa kwakhe, nokuzidla kwakhe , nokuziqhenya kwakhe , nokuzikhukhumeza kwenhliziyo yakhe. ³⁰ Ngiyazi intukuthelo yakhe , usho uJehova; amacebo akhe ayinkohliso , nalokhu akwenzayo kuyinkohliso. ³¹ Ngalokho ngiyakuhhewula ngoMowabi , ngikhale ngaye wonke uMowabi , balilisele amadoda aseKhiri Heresi. ³² Ngiyakukhalela wena mvini waseSibima kunokukhala kukaJazeri ; amagatsha akho adlulile ulwandle , afinyelela elwandle lwakwaJazeri ; umchithi uthelekele phezu kwezithelo zenu namavini enu. ³³ Ukuthokoza nokujabula kususiw e ensimini nasezweni lakwaMowabi ; ngenze ukuba kuphele iwayini ezikhamweni ; akusayikunyathelwa ngokujabula, ukumemeza akuseyikho ukumemeza. ³⁴ Kusukela eHeshiboni elikhalay o liyezwakalisa ukukhala kwal o kuze kube se-Elehale naseJahasi, kusukela eSowari kuze kube seHoronayimi nase-Egilati Shelishiya, ngokuba namanzi aseNimrimi ayakuba yincithakalo. ³⁵ Ngiyakwenza ukuba kuphele kwaMowabi , usho uJehova , yena onikela ezindaweni eziphakemeyo noshisela onkulunkulu bakhe impepho. ³⁶ Ngalokho inhliziyo yam i ikhalela uMowabi njengemitshingo , futhi inhliziyo yami ikhalela amadoda aseKhiri Heresi njengemitshingo, ngokuba okuseleyo abakuzuzileyo kuyachitheka. ³⁷ Ngokuba onke amakhanda ayizimpandla , nazo zonke izilevu zigundiwe ; zonke izandla zisikiwe, nasezinkalweni zonke kukhona indwangu yamasaka. ³⁸ Phezu kwazo zonke izin dlu zakwaMowab i nasezitaladini zakhe kukhona isililo kuphela, ngokuba ngimaphulile uMowab i njengesitsha okungathokozi muntu ngaso, usho uJehova. ³⁹ Yeka ukuphela kwakhe amandla . Hhewulani! Yeka ukufulathela kukaMowabi ngamahloni, uMowabi abe ngohlekwayo no qeda amandla kubo bonke abamzungezayo. ⁴⁰ Ngokuba usho kanje uJehova , uthi: Bheka, uyandiza njengokhozi, elulele amaphiko akhe kuMowabi. ⁴¹ Imizi inqotshiwe , nezinqaba zithathiwe ; izinhliziyo zamaqhawe akwaMowabi ziyakuba njengenhliziyo yowesifazane onemihelo. ⁴² UMowabi uyakuchithwa, angabe esaba yisizwe , ngokuba uzikhukhumezile kuJehova. ⁴³ Ukwesaba, nomgodi, nogibe kuphezu kwabakhileyo kwaMowabi , usho uJehova. ⁴⁴ Obalekela ukwesaba uyakuwela emgodini , okhuphuka emgodini uyakubanjwa ogibeni , ngokuba ngiyakw ehlisela phezu kwabo , phezu kukaMowabi, umnyaka wokujeziswa kwabo, usho uJehova. ⁴⁵ Emthunzini waseHeshibon i ababalekileyo bayema bephelile amandla , ngokuba umlilo uphumile eHeshiboni , nelangabi phakathi kweSihoni ; udlile amacele akwaMowabi, nokhakhayi lwamadoda omsindo okulwa. ⁴⁶ Maye kuwena Mowabi ! Abantu bakaKemoshi baphelile , ngokuba amadodana akho athunjiwe, namadodakazi akho ayiswe ekuthunjweni. ⁴⁷ Kepha ngiyakubuyisa ukuthunjwa kukaMowab i ngezinsuku ezizayo, usho uJehova. Kuphela lapha ukwahlulelwa kukaMowabi.