¹ UJehova wakhuluma kuMose emva kokufa kwamadodana ka -Aroni ekusondeleni kwawo phambi kukaJehova, afa. ² UJehova wathi kuMose : Khuluma ku-Aroni umfowenu ukuba angangeni njalo endaweni engcwele ngaphakathi kwesihenqo ngaphambi kwesihlalo somusa esiphezu komphongolo , ukuze angafi , ngokuba ngiyakubonakala efwini phezu kwesihlalo somusa. ³ U-Aroni kangene endaw eni engcwele nalokhu : iduna, libe ngumnikelo wesono, nenqama, ibe ngumnikelo wokushiswa, ⁴ embathe ibhantshi elingcwele lelineni , abe nebhulukwe lelineni emzimbeni wakhe, abhince ibhande lelineni , afake isigqoko selineni ; lezi ziyizambatho ezingcwele; uyakugeza umzimba wakhe ngamanzi, azembathe. ⁵ Wothabatha enhlanganweni yabantwana bakwa -Israyeli izimpongo ezimbili zibe ngumnikelo wesono, nenqama ibe ngumnikelo wokushiswa. ⁶ U-Aroni kanikele ngenkunzi yomnikelo wesono engenxa yakhe , azenzele yena nendlu yakhe ukubuyisana. ⁷ Wothabatha izimpongo zombili, azibeke phambi kukaJehova ngasemnyango wetende lokuhlangana. ⁸ U-Aroni uyakwenza inkatho ngezimpongo zombili , enye inkatho ibe ngekaJehova, enye inkatho ibe ngeka-Azazeli. ⁹ U-Aroni wonikela ngempongo edliwe yinkatho kaJehova, anikele ngayo ibe ngumnikelo wesono. ¹⁰ Kepha impongo edliwe yinkatho ka -Azazeli iyakubekwa phambi kukaJehova isezwa ukuba kwenziwe ukubuyisana ngayo , ithunywe ku - Azazeli ehlane. ¹¹ U-Aroni wonikela ngenkunzi yomnikelo wesono engenxa yakhe , azenzele yena nendlu yakhe ukubuyisana , ahlabe inkunzi yomnikelo wesono engenxa yakhe. ¹² Wothabatha umcengezi womlilo ogcwele amalahle omlilo ase -altare phambi kukaJehova , izandla zakhe zigcwele impepho ethaphukayo icolisisiwe, akulethe ngaphakathi kwesihenqo, ¹³ abeke impepho emlilweni phambi kukaJehova ukuba ifu lempepho lisibekele isihlalo somusa esiphezu kobufakazi, ukuze angafi; ¹⁴ athabathe kulo igazi lenkunzi , afafaze ngalo isihlalo somusa ngasempumalanga ngomunwe wakhe , nangaphambi kwesihlalo somusa afafaze ngegazi kasikhombisa ngomunwe wakhe. ¹⁵ Abesehlaba impongo yomnikelo wesono engenxa yabantu, alethe igazi layo ngaphakathi kwesihenqo , enze ngegazi layo njengalokho wenza ngegazi lenkunzi, afafaze ngalo isihlalo somusa nangaphambi kwesihlalo somusa, ¹⁶ enzele indawo engcwele ukubuyisana ngenxa yokungcola kwabantwana bakwa-Israyeli nangenxa yeziphambeko zabo ezonweni zabo zonke ; akenzele njalo netende lokuhlangana elihlezi nabo phakathi kokungcola kwabo. ¹⁷ Akuyikubakho muntu etendeni lokuhlangana , nxa eng ena ukwenza ukubuyisana endaweni engcwele aze aphume , azenzele ukubuyisana , yena nendlu yakhe nebandla lonke lakwa-Israyeli. ¹⁸ Uyakuphuma, aye e -altare eliphambi kukaJehova , alenzele ukubuyisana , athabathe kulo igazi lenkunzi nakulo igazi lempongo, alibhece ezimpondweni ze-altare nxazonke. ¹⁹ Uyakulifafaza ngegazi kasikhombisa ngomunwe wakhe , alihlambulule, alingcwelise ekungcoleni kwabantwana bakwa-Israyeli. ²⁰ Eseqedile ukwenzela indawo engcwele ukubuyisana, netende lokuhlangana ne-altare, uyakunikela ngempongo ezwayo; ²¹ u-Aroni abeke izandla zakhe zombili enhloko yempongo ezwayo , avume phezu kwayo bonke ububi babantwana bakwa -Israyeli neziphambeko ezonweni zabo zonke , akubeke enhloko yempongo , ayithume ngesandla somuntu olungiselwe lokhu, iye ehlane, ²² impongo ithwale ububi babo bonke , iye nabo kwahlongasibi , bayiyeke impongo ehlane. ²³ U-Aroni uyakungena etendeni lokuhlangana , akhumule izambatho zelineni azembetheyo ekungeneni kwakhe endaweni engcwele, azishiye khona. ²⁴ Uyakugeza umzimba wakhe ngamanzi enda weni engcwele , agqoke izambatho zakhe , aphume, anikele ngomnikelo wakhe wokushiswa nangomnikelo wokushiswa wabantu, azenzele yena nabantu ukubuyisana. ²⁵ Amanoni omnikelo wesono uyakuwashisa e-altare. ²⁶ Ovuma ukuba impongo iye ku -Azazeli uyakuhlanza izingub o zakhe, ageze umzimba wakhe ngamanzi, andukuba angene ekamu. ²⁷ Inkunzi yomnikelo wesono nempongo yomnikelo wesono , elangeniswa igazi lazo ukwenza ukubuyisana endaweni engcwele , ziyakukhishelwa ngaphandle kwekamu , kushiswe ngomlilo izikhumba zazo nenyama yazo nomswani wazo. ²⁸ Ozishisayo wohlanza izingubo zakhe , ageze umzimba wakhe ngamanzi , andukuba angene ekamu. ²⁹ Lokhu kuyakuba yisimiso esiphakade kini : ngenyanga yesikhombisa ngolweshumi lwenyanga niyakuthobisa imiphefumulo yenu , ningasebenzi msebenzi, owokuzalwa ekhaya nomfokazi ogogobeleyo phakathi kwenu. ³⁰ Ngokuba ngalolo suku niyakwenzelwa ukubuyisana ukuba nihlanjululwe; niyakuhlambuluka ezonweni zenu zonke phambi kukaJehova. ³¹ Kuyisabatha lokuphumula okuzothileyo kini ; anothobisa imiphefumulo yenu; kuyisimiso esiphakade. ³² Umpristi oyakugcotshwa ahlukaniselwe abe ngumpristi esikhundleni sikayise uyakwenza ukubuyisana , afake izambatho zelineni , izambatho ezingcwele, ³³ enzele indlu engcwele ukubuyisana , enzele abapristi nabantu bonke bebandla ukubuyisana. ³⁴ Lokho kuyakuba yisimiso esiphakade kini ukwenzela abantwana bakwa - Israyeli ukubuyisana ngenxa yezono zabo zonke kanye ngomnyaka. Wenza-ke njengalokho uJehova emyalile uMose.