¹ UJehova wakhuluma kuMose entabeni yaseSinayi, wathi: ² Yisho kubantwana bakwa-Israyeli, uthi kubo: Nxa nifika ezweni engininika lona, izwe liyakumgcinela uJehova isabatha. ³ Iminyaka eyisithupha uyakulima insimu yakho , iminyaka eyisithupha uyakuthena isivini sakho, ubuthe izithelo zaso, ⁴ kepha ngomnyaka wesikhombisa kuyakuba khona isabatha lokuphumula okuzothileyo kwezwe , isabatha kuye uJehova ; awuyikulima insimu ya kho, ungatheni isivini sakho. ⁵ Amakhikhizela esivuno sakho awuyikuwavuna , nezithelo zomvini wakho ongatheniwe awuyikuzikha ; kuyakuba ngumnyaka wokuphumula okuzothileyo kwezwe. ⁶ Isabatha lezwe liyakuba ngukudla kwenu , okwakho nokwenceku yakho nokwencekukazi yakho nokomqashwa wakho nokomfokazi wakho ogogobeleyo kuwe; ⁷ nakuzo izinkomo zakho nezilwane ezisezweni konke ukuthela kwalo kuyakuba ngukudla. ⁸ Uyakuzibalela amasabatha ayisikhombisa eminyaka , iminyaka eyisikhombisa iphindwe kasikhombisa , kube kuwe izin suku zamasabatha ayisikhombisa eminyaka , kube yiminyaka engamashumi amane nesishiyagalolunye. ⁹ Uyakuthuma izwi lecilongo elizwakala kakhulu ngolweshumi lwenyanga yesikhombisa; ngosuku lokubuyisana niyakuthuma izwi lecilongo ezweni lonke lakini. ¹⁰ Niyakuwungcwelisa umnyaka wamashumi ayisihlanu , nimemezele inkululeko ezweni lonke kubo bonke abakhileyo kulo ; kuyakuba yijubili kini, nibuyele, kube yilowo nalowo efeni lakhe , nibuyele, kube yilowo nalowo kwabomndeni wakhe. ¹¹ Lo mnyaka wamashumi ayisihlanu uyaku ba yijubili kini ; aniyikulima, ningavuni amakhikhizela awo, ningakhi ngawo ezomvini ongatheniwe. ¹² Ngokuba uyijubili; uyakuba ngcwele kini, nidle izithelo zawo zasensimini. ¹³ Ngalowo mnyaka wejubili niyakubuyela, kube yilowo nalowo efeni lakhe. ¹⁴ Uma uth engisa ngotho kumakhelwane wakho noma uthenga esandleni somakhelwane wakho, ningadlani; ¹⁵ njengenani leminyaka esemva kwejubili uyakuthenga kumakhelwane wakho nanjengenani leminyaka yezithelo uyakuthengisa kuwe. ¹⁶ Ngobuningi beminyaka uyakwandisa intengo y alo nangobuncane beminyaka uyakunciphisa intengo yalo ; ngokuba uthengisa kuwe ngenani lezithelo. ¹⁷ Aniyikudlana, kepha uyakwesaba uNkulunkulu wakho , ngokuba nginguJehova uNkulunkulu wakho. ¹⁸ Ngalokho anozenza izimiso zami, nigcine izahlulelo zami, nizenze, nihlale ezweni nilondekile. ¹⁹ Izwe liyakuthela izithelo zalo, nidle nisuthe, nihlale kulo nilondekile. ²⁰ Uma nisho ukuthi : Siyakudlani ngomnyaka wesikhombisa ? Bheka, asiyikulima, asiyikubutha ukudla kwethu, ²¹ khona ngiyakuyala isibusiso sami sehlele ph ezu kwenu ngomnyaka wesithupha, uze uthele ukudla kweminyaka emithathu. ²² Niyakulima ngomnyaka wesishiyagalombili , nidle izithelo zikanyasa ; uze ufike umnyaka wesishiyagalolunye, kungene izithelo zawo, niyakudla unyasa. ²³ Akuyikuthengiswa ngezwe kuze kub e phakade, ngokuba izwe lingelami , nina-ke ningabafokazi nabagogobeleyo kimi. ²⁴ Ezweni lonke lefa lenu niyakuvuma ukuhlengwa kwezwe. ²⁵ Uma umfowenu eba mpofu , athengise ngefa lakhe , kuyakufika isihlobo sakhe, sihlenge lona umfowabo athengisile ngalo. ²⁶ Uma umuntu engenaye ongalihlenga , kodwa ebeseba ngocebileyo , athole okwanele ukulihlenga, ²⁷ makabale iminyaka selokhu kwathengiswa ngalo , abuyisele okudluleleyo kulowo muntu athengisa kuye ngalo, aze abuyele efeni lakhe. ²⁸ Uma engatholi amandla okuzibuyisele la lona , lelo athengise ngalo liyakusala esandleni solithengileyo , uze ufike umnyaka wejubili ; ngejubili liyakuphuma, yena abuyele efeni lakhe. ²⁹ Uma umuntu ethengisa ngendlu yokuhlala emzini onogange , angayihlenga ungakapheli umnyaka selokhu wathengisa n gayo, ngokuba umnyaka wonke uyakuba nelungelo lokuyihlenga. ³⁰ Uma ingahlengwanga umnyaka usuphelile , leyo ndlu esemzini onogange iyakuqiniswa ibe ngeyakhe owayithenga kuze kube phakade ezizukulwaneni zakhe; ayiyikuphuma ngejubili. ³¹ Kepha izindlu zemizana engenalugange nxazonke ziyakubalwa kanye namasimu asemaphandleni; zingahlengwa, ziphume ngejubili. ³² Kodwa imizi yamaLevi , izindlu zemizi yefa lawo amaLevi angazihlenga noma nini. ³³ Uma umLevi engahlengi , indlu okwathengiswa ngayo nomuzi wefa lakhe kuyakuphuma ngejubili, ngokuba izindlu zemizi yamaLevi ziyifa lawo phakathi kwabantwana bakwa-Israyeli. ³⁴ Izwe lamadlelo emizi yawo akunakuthengiswa ngalo , ngokuba liyifa lawo kuze kube phakade. ³⁵ Uma umfowenu eba mpofu, engenamandla okukukhokhela, uyakumsekela, ahlale nawe njengomfokazi nogogobeleyo. ³⁶ Ungathathi kuye inzalo engafanele nenzuzo , kepha wesabe uNkulunkulu wakho, ukuze umfowenu ahlale nawe. ³⁷ Awuyikumnika imali yakho ngenzalo , ungamuphi ukudla kwakho ngenzuzo. ³⁸ NginguJehova uNkulunkulu wenu owani khipha ezweni laseGibithe ukuninika izwe laseKhanani, ngibe nguNkulunkulu wenu. ³⁹ Uma umfowenu eba mpofu ekuwe , azithengise kuwe, awuyikumsebenzisa njengesigqila, ⁴⁰ kepha abe njengomqashwa nogogobeleyo kuwe ; uyakusebenza kuwe kuze kufike umnyaka wejubili, ⁴¹ andukuba aphume kuwe , yena nabantwana bakhe kanye naye , abuyele kwabomndeni wakhe, abuyele nasefeni lawoyise. ⁴² Ngokuba bayizinceku zami engazikhipha ezweni laseGibithe ; akuyikuthengiswa ngazo zibe yizigqila. ⁴³ Awuyikubusa kalukhuni phezu kwakhe , kepha wesabe uNkulunkulu wakho. ⁴⁴ Izigqila zakho nezigqilakazi zakho oyakuba nazo : niyakuzithenga izigqila nezigqilakazi kwabezizwe abanizungezayo. ⁴⁵ Futhi kubantwana babafokazi abagogobeleyo kini , kubona niyakuthenga nakwabomndeni wabo abakini ababazalile ezweni lakini, babe yifa lenu. ⁴⁶ Niyakubenza ifa labantwana benu emva kwenu ukuba babe yifa labo ; niyakuthatha kubo izigqila zenu kuze kube phakade ; kepha aniyikubusa kalukhuni phezu kwabafowenu, abantwana bakwa -Israyeli, omunye phezu komunye. ⁴⁷ Uma umfokazi noma ogogobeleyo kuwe eba ngocebileyo , umfowenu abe mpofu kuye , azithengise kumfokazi noma kogogobeleyo kuwe noma kowohlanga lwabomndeni wabafokazi, ⁴⁸ angahlengwa nxa sekuthengisiwe ngaye ; omunye wabafowabo angamhlenga; ⁴⁹ noma uyisekazi noma indodana kay isekazi angamhlenga ; noma omunye owakubo owabomndeni wakhe angamhlenga ; noma eba ngocebileyo , angazihlenga yena. ⁵⁰ Uyakubalisana nalowo owamthengayo , aqale ngomnyaka owazithengisa kuye ngawo , kuze kube ngumnyaka wejubili ; imali yentengiso iyakuba njengenani leminyaka; uyakuba naye njengesikhathi somqashwa. ⁵¹ Uma isasele iminyaka eminingi , njengayo uyakubuyisa intengo yokuhlengwa kwakhe emalini athengwa ngayo. ⁵² Uma isasele iminyaka eyingcosana kuze kufike umnyaka wejubili , uyakubalisana naye; njengeminyaka yakhe uyakubuyisa imali yokuhlengwa kwakhe. ⁵³ Njengenceku eqashwa iminyaka ngeminyaka uyakuba naye ; akayikubusa kalukhuni phezu kwakhe emehlweni akho. ⁵⁴ Uma engahlengwanga ngalezo zindlela, uyakuphuma ngomnyaka wejubili, yena nabantwana bakhe kanye naye. ⁵⁵ Ngokuba abantwana bakwa -Israyeli bayizinceku kimi ; bayizinceku zami engazikhipha ezweni laseGibithe; nginguJehova uNkulunkulu wenu.