¹ Maye kimi ! Ngokuba nginjengokuvunwa kwezithelo zasehlobo , njengokukhothozwa komvini ; akukho hlukuzo lokudliwa; umphefumulo wami uyafisa ikhiwane eliyingqalabutho. ² Abathembekileyo babhubhile emhlabeni , akakho oqotho phakathi kwabantu; bonke baqamekela igazi ; bayazingelana, kube yilowo nalowo umfowabo ngenetha. ³ Izandla zabo ziphezu kokubi ukukuthuthukisa; isikhulu sinesicelo , umahluleli ubhe ka umvuzo ; omkhulu ukhuluma ngesifiso somphefumulo wakhe; bayakwalukanisa. ⁴ Omuhle wabo unjengobobe , olungileyo mubi kunothango lwameva ; usuku lwabalindi bakho nolokuhanjelwa kwakho lufikile ; sekuyakuba ngukukhungatheka kubo. ⁵ Ningamethembi umngane , ningakholwa ngumhlobo ; gcina iminyango yomlomo wakho kuye olala ngasesifubeni sakho. ⁶ Ngokuba indodana idelela uyise ; indodakazi ivukela unina ; umalokazana uvukela uninazala, nezitha zomuntu ngamadoda endlu yakhe. ⁷ Kepha mina ngiyakumbheka uJehova ; ngiyakulindela uNkulunkulu wokusindiswa kwami; uNkulunkulu wami uyakungizwa. ⁸ Ungathokozi ngami, sitha sami; ngokuba uma ngiwile , ngiyakuvuka; lapho ngihlezi ebumnyameni, uJehova uzakuba ngukukhanya kwami. ⁹ Ngiyakuthwala ulaka lukaJehova , ngokuba ngonile kuye , aze amele indaba yami, angenzele ukwahlulelwa , angiphumisele ekukhanyeni , ngibone ukulunga kwakhe. ¹⁰ Isitha sami siyakukubona , sisitshekelwe ngamahloni , esona besithi kimi : Uphi uJehova uNkulunkulu wakho ? Amehlo ami ayakusibona ; manje siyakunyathelwa njengodaka lwasezitaladini. ¹¹ Kuyakufika usuku lokwakha izingange zakho ; ngalolo suku umkhawulo wakho uyakudediselwa kude. ¹² Ngalolo suku bayakufika kuw e bevela e -Asiriya nasemizini yaseGibithe , kusukela eGibithe kuze kube seMfuleni , kusukela elwandle kuze kube selwandle, kusukela entabeni kuze kube sentabeni. ¹³ Kepha izwe liyakuba yincithakalo ngenxa yabakhileyo kulo ngezenzo zabo. ¹⁴ Yalusa abantu bakho ngentonga yakho, izimvu zefa lakh o ezihlala zodwa ehlathini phakathi kweKarmeli ; mazaluke eBashani nakwaGileyadi njengasezinsukwini zasendulo. ¹⁵ Njengasezinsukwini zokuphuma kwakho ezweni laseGibith e ngiyakubabonisa izimangaliso. ¹⁶ Abezizwe bayakubona , babe namahloni ngamandla abo onke , babeke isandla sabo emlonyeni wabo, izindlebe zabo zibe yizithulu. ¹⁷ Bayakukhotha uthuli njengenyoka , baphume bethuthumela njengezinto ezinabuzelayo emhlabathin i ezindaweni zazo ezivalelweyo , bafike ngokuqhaqhazela kuJehova uNkulunkulu wethu, besabe ngenxa yakho. ¹⁸ Ngubani onguNkulunkulu onjengaw e othethelela insali yefa lakho ubu bi bayo, uyiyekele isiphambeko sayo , na? Akabambeleli entukuthelweni yakhe kuze kube phakade, ngokuba wenamela umusa. ¹⁹ Uyakubuye asibekezelele , anyathele phansi ububi bethu ; yebo, uyakuphonsa zonke izono zabo ekujuleni kolwandle. ²⁰ Uyakunika uJakobe ukuth embeka no -Abrahama umus a owakufungela obaba kwasezinsukwini zasendulo.