¹ Kwathi sezibuthene izigidi zabantu baze banyathelana, waqala ukukhuluma, ikakhulu kubafundi bakhe, ethi: Xwayani imvubelo yabaFarisi engukuzenzisa. ² Akukho okusitshekelweyo okungayik wambulwa, nokufihliweyo okungayikwaziwa. ³ Ngakho-ke konke enikukhuluma ebumnyameni kuyakuzwiwa ekukhanyeni , nalokho enikukhuluma endlebeni emakamelweni kuyakumenyezelwa phezu kwezindlu. ⁴ Kepha ngithi kinina bahlobo bami : Ningabesabi abawubulala umzimba , bengenakwenza okunye emva kwalokho. ⁵ Kodwa ngiyakunitshengisa eniyakumesaba : Mesabeni lowo othi esebulele , abe namandla okuphonsa esihogweni. Yebo, ngithi kini: Mesabeni lowo. ⁶ Akuthengwa yini imizwilili eyisihlanu ngezindibilishi ezimbili na ? Akukhohlakele namunye kuyo emehlweni kaNkulunkulu. ⁷ Kodwa nezinwele zekhanda lenu zibaliwe zonke . Maningesabi; nidlula imizwilili eminingi. ⁸ Futhi ngithi kini : Yilowo nalowo oyakungivuma phambi kwabantu neNdodana yomuntu iyakumvuma yena phambi kwezingelosi zikaNkulunkulu; ⁹ kepha ongiphika phambi kwabantu uyakuphikwa phambi kwezingelosi zikaNkulunkulu. ¹⁰ Nalowo okhuluma izwi elibi ngeNdodana yomuntu uyakuthethelelwa , kepha ohlambalaza uMoya oNgcwele kayikuthethelelwa. ¹¹ Kepha nxa beniqhubela emasinagogeni , nakubabusi, nakuzo iziphathimandla, ningakhathazeki ngokuthi niyakuziphendulela kanjani nangokuthini, nokuba niyakukhulumani, ¹² ngokuba uMoya oNgcwele uyakunifundisa ngasona leso sikhathi okufanele nikukhulume. Umlimi onothileyo. Iminako yomhlaba ¹³ Omunye wesixuku wathi kuye: Mfundisi, shono kumfowethu ukuba abelane nami ifa. ¹⁴ Kepha wathi kuye : Mngane, ubani ongimise ngibe ngumahluleli noma umahlukanisi phezu kwenu na? ¹⁵ Wayesethi kubo : Bhekani, nixwaye ukuhaha konke , ngokuba ukuphila komuntu akumi ngobuningi bempahla yakhe. ¹⁶ Wabalandisa umfanekiso , wathi: Izwe lomuntu othile onothileyo lathela kahle. ¹⁷ Wazindla phakathi kwakhe , wathi: Ngizakwenzani, lokhu ngingenandawo engingabuthela kuyo ukudla kwami, na? ¹⁸ Wayesethi: Ngizakwenza lokhu: ngizakudiliza izinqolobane zami, ngakhe ezinkulu, ngibuthele khona ukudla kwami konke nempahla yami. ¹⁹ Bese ngithi kuwo umphefumulo wami : Mphefumulo, unempahla eningi ebekelelwe iminyaka emmingi; phumula, udle, uphuze, ujabule. ²⁰ Kepha uNkulunkulu wathi kuye : Wena siwula , ngalobu busuku umphefumulo wakho uzakubizwa kuwe ; pho-ke, izinto ozilungisileyo ziyakuba ngezikabani na? ²¹ Kunjalo kozibekelela ingcebo enganothile kuNkulunkulu. ²² Wayesethi kubafundi bakhe : Ngakho-ke ngithi kini : Ningakhathazeki ngokuphila kwenu ukuthi niyakud lani, nangomzimba wenu ukuthi niyakwembathani. ²³ Ngokuba ukuphila kukhulu kunokudla, nomzimba kunesambatho. ²⁴ Bhekani izingwababana ukuthi azihlwanyeli , azivuni, azinaxhiba nanqolobane, kepha uNkulunkulu uyazondla ; nina nizidlula kakhulu kangakanani izinyoni. ²⁵ Ngumuphi kini ongathi ngokukhathazeka enezele ebudeni bakhe ingalo na? ²⁶ Ngalokho nxa ningenamandla okwenza nokuncinyane , yini ukuba nikhathazeke ngokunye na? ²⁷ Bhekani iminduze ukuthi imila kanjani ; ayiphothi, ayaluki, kepha ngithi kini noSolomoni ebukhazikhazini bakhe bonke wayengembathisile okomunye wayo. ²⁸ Uma uNkulunkulu embathisa kanjalo utshani basendle obukhona namuhla , ngomuso buphonswe eziko , kakhulu kangakanani uyakunembathisa nina eninokukholwa okuncane. ²⁹ Nani maningafuni eniyakukudla neniyakukuphuza; ningakhathazeki. ³⁰ Ngokuba konke lokho kufunwa ngabezizwe bomhlaba , kepha uYihlo uyazi ukuthi niyakudinga lokho. ³¹ Kodwa funani umbuso wakhe, khona konke lokho kuyakwenezelwa nina. ³² Ungesabi, mhlambi omncane ; ngokuba kwathandeka kuYihlo u kuninika umbuso. ³³ Thengisani ngeninakho , niphe abampofu ; nizenzele izikhwama ezingagugiyo, ingcebo engapheliyo ezulwini , lapho kungasondeli sela , kungoni nundu khona. ³⁴ Ngokuba lapho kukhona ingcebo yenu , lapho iyakuba khona nenhliziyo yenu. Inceku ethembekileyo (Math. 24:42) ³⁵ Izinkalo zenu mazibe ziboshiwe, nezibani zivutha. ³⁶ Nani yibani njengabantu ababheke inkosi yabo ibuya emshadweni ukuba , nxa ifika ingqongqotha, bayivulele masinyane. ³⁷ Zibusisiwe lezo zinceku okuyakuthi inkosi , nxa ifika , izifumane zilindile ; ngiqinisile ngithi kini: Iyakuzibopha ukhalo, izihlalise ekudleni, ize izikhonze. ³⁸ Noma ifika ngomlindo wesibili noma ngowesithathu , ifumane kunjalo , zibusisiwe zona lezo. ³⁹ Kepha yazini lokhu kokuthi, uma umninindlu ebesazi isikhathi isela elizakufika ngaso, ubengayikuvuma ukuba ifohlwe indlu yakhe. ⁴⁰ Nani manibe nilungile , ngokuba iNdodana yomuntu iyeza ngesikhathi eningasicabangiyo. ⁴¹ UPetru wayesethi kuye: Nkosi, usilandisa thina lo mfanekiso nokuba bonke na? ⁴² Yayisithi iNkosi : Ngumuphi-ke umphathi othembekileyo noqondileyo , inkosi yakhe eyakumbeka phezu kwabendlu bayo ukuba abanike isabelo sabo sokudla ngesikhathi sakho? ⁴³ Ibusisiwe leyo nceku okuyakuthi inkosi yayo , nxa ifika , iyifumane yenze njalo. ⁴⁴ Impela ngithi kini: Iyakuyibeka phezu kwakho konke enakho. ⁴⁵ Kepha uma leyo nceku ithi enhliziyweni yayo : Inkosi yami ilibele ukufika , iqale ukushaya abafana namantombazana, idle, iphuze, idakwe, ⁴⁶ inkosi yaleyo nceku iyakufika ngosuku engayibhekile ngalo nangomzuzu engawaziyo, iyinqumanqume, iyabele nabangakholekile. ⁴⁷ Njalo-ke leyo nceku ebiyazi intando yenkosi yayo ingalungiselanga , ingenzanga ngokwentando yayo, iyakushaywa imivimbo eminingi; ⁴⁸ kepha ebingazi yenza okufanele imivimbo , iyakushaywa eyingcosana ; yilowo nalowo ophiwe okuning i, kuyakubizwa okuningi kuye ; nophathiswe okuningi, bayakubiza kuye okungaphezu kwalokho. Umlilo kaJesu nezibonakaliso zezikhathi ⁴⁹ Ngize ukuphonsa umlilo emhlabeni ; bengifunisisa kangakanani ukuba nga sewokhelwe. ⁵⁰ Kepha nginombhapathizo engizakubhapath izwa ngawo ; ngikhathazekile kanjani, uze ufezeke. ⁵¹ Nithi ngize ukuletha ukuthula emhlabeni na ? Ngithi kini : Qha, kepha kakhulu ukwahlukana. ⁵² Ngokuba kusukela manje kuyakuba khona abayisihlanu endlini inye bahlukene, abathathu nababili, ababili nabathathu; ⁵³ bayakwahlukana, uyise nendodana , indodana noyise ; unina nendodakazi , indodakazi nonina ; uninazala nomalokazana wakhe , umalokazana noninazala. ⁵⁴ Wayesethi nakuzo izixuku : Nxa nibona ifu likhuphuka entshonalanga , masinyane nithi: Iyeza imvula, kube njalo. ⁵⁵ Futhi nxa kuphephetha iningizimu, nithi: Lizakubalela, kube njalo. ⁵⁶ Bazenzisi, niyakwazi ukuchachisa ukuma komhlaba nokwezulu; kepha yini ukuba ningachachisi lesi sikhathi na? ⁵⁷ Pho, yini ukuba ninganqumi ngokwenu okulungileyo na? ⁵⁸ Ngokuba, nxa uya enkosini nomelene nawe, ncengisisa usesendleleni ukuba ukhululeke kuye , funa mhlawumbe akuhudulele kumahluleli , umahluleli akunikele kulo iphoyisa, iphoyisa likuphonse etilongweni. ⁵⁹ Ngithi kuwe: Awusoze waphuma khona, uze ukhokhe ifadingi lokuphela.