¹ Bheka, uJehova wenza ize umhlaba, awuchithe, agumbuqele ubuso bawo , ahlakaze abakhileyo kuwo. ² Kuyakuthi njengakubantu kube njalo kumpristi , nanjengasencekwini kube njalo enkosini yayo, nanjengasencekukazini kube njalo enkosikazini yayo , nanjengakumthengi kube njalo kumthengisi, nanjengakotshelekayo kube njalo kobolekayo, nanjengakobiza inzalo kube njalo kokhokha inzalo. ³ Umhlaba uyakuba yize leze , uphangwe nokuphangwa , ngokuba uJeh ova ukhulumile izwi lakhe. ⁴ Umhlaba uyalila , ubune; izwe liyaphela amandla , linyamalale, abaphakemeyo bomhlaba badangale. ⁵ Umhlaba wonakalisiwe phansi kwabakhileyo kuwo , ngokuba beqile imithetho, badlulile ezimisweni, baphulile isivumelwano esiphakade. ⁶ Ngalokho isiqalekiso sidlile umhlaba , nabakhileyo kuwo batholiswa icala ; ngalokho abakhileyo emhlabeni bayashiswa , kusale abantu abayingcosana nje. ⁷ Iwayini elisha liyalila , umvini uyahhuma, bonke ababethokoza ngenhliziyo bayabubula. ⁸ Ukujabula kwezigubhu kunqamukile, ukuxokozela kwabajabulayo kuphelile, nenjabulo yehabhu ikhawukile. ⁹ Abasayikuphuza iwayini ngesihlabelelo ; uphuzo olunamandla luyakubaba kubo abaluphuzayo. ¹⁰ Umuzi oyihlane ubhidliziwe ; zonke izindlu zivaliw e ukuba kungangeni muntu. ¹¹ Kukhalwa ngewayini ezitaladini ; yonke intokozo inyamalele ; injabulo yezwe idlulile. ¹² Emzini kusele incithakalo; isango livithiziwe, lachithwa. ¹³ Ngokuba kuyakuba njalo emhlabeni phakathi kwabantu , njengokushaywa kweminqumo nanjengokukhothoza, lapho sekuvuniwe. ¹⁴ Laba bayaphakamisa izwi labo , bamemeze; bajabula ngobukhosi bukaJehova entshonalanga. ¹⁵ Ngalokho mdumiseni uJehova empumalanga , nasogwini lolwandl e igama likaJehova uNkulunkulu ka-Israyeli. ¹⁶ Siyezwa amahubo avela emikhawulweni yomhlaba , athi: Udumo malu be koLungileyo! Kepha mina ngithi : Ngifile, ngifile! Maye kimi ! Abakhohlisi bakhohlisile, yebo, abakhohlisi bakhohlisile nokukhohlisa. ¹⁷ Ukwesaba, nomgodi, nogibe kuphezu kwakh o wena owakhileyo emhlabeni. ¹⁸ Kuyakuthi obalekela umsindo wokwesab a awele emg odini; okhuphuka emgodini uyakubanjwa lugibe , ngokuba amafasitele aphezulu avuliwe , nezisekelo zomhlaba ziyazamazama. ¹⁹ Umhlaba uyaphuka nokwaphuka , umhlaba uyavithizwa nokuvithizwa , umhlaba uyazanyazanyiswa nokuzanyazanyiswa. ²⁰ Umhlaba uyatengezela nokutengezela njengesidakwa , uyantengantenga njengexhiba; isiphambeko siyakuba nzima phezu kwawo , uwe, ungabe usavuka futhi. ²¹ Kuyakuthi ngalolo suku uJehova ahambel e ibandla lasezulwini phezulu , namakhosi omhlaba emhlabeni. ²² Bayakubuthelwa ndawony e njengeziboshwa zibuthelwa emgodini , bavalelwe etilongweni, bajeziswe emva kwezinsuku eziningi. ²³ Inyanga ekhazimulayo isiyakuyangaza , nelanga elinkemuzelayo liyakujabha, ngokuba uJehova Sebawoti uyakuba yinkosi entabeni yaseSiyoni naseJerusalema, abe yinkazimulo phambi kwamalunga akhe.