¹ Wo kuwo umqhele wokuziphakamis a wezidakwa zakwa -Efrayimi, nakuyo imbali ebunayo yobuhle bakhe obukhazimulayo , esenhloko yesigodi esivundileyo sabanqotshwe yiwayini. ² Bheka, iNkosi inaye oqinileyo nonamandla ; uyakuwisa phansi ngamandl a njengesivunguvungu esi nesichotho, nesiphepho esichithayo , nesiphihli samanzi esinamandla esikhukhulayo. ³ Umqhele wokuziphakamisa wezidakwa zakwa-Efrayimi uyakunyathelwa ngezinyawo, ⁴ imbali ebunayo yobuhle bakhe obukhazimulayo , esenhloko yesigodi esivundileyo, ibe njengekhiwane elivuthiwe kungakafiki ukuvuna; olibonayo uyalibuka, aligwinye, lise sesandleni sakhe. ⁵ Ngalolo suku uJehova Sebawoti uyakuba ngumqhele wobukhosi , nesicoco esihle kuyo insali yabantu bakhe, ⁶ nomoya wokwahlulela kohlezi ekwahluleleni , namandla kubo ababuy isa impi esangweni. Ukonakala kwaseJerusalema ⁷ Nalabo baduka ngewayini ; ngophuzo olunamandla bayatengezela; abapristi nabaprofethi bayaduka ngophuzo olunamandla , bayatengezela ngophuzo olunamandla; bayaduka ekuboneni, bakhubeka ekwahluleleni. ⁸ Yebo, onke amatafula agcwele ubuhlanzo nokungcola , kungabe kusabakho ndawo. ⁹ Ngubani ayakumfundisa ukwazi , aqondise bani umbiko , na? Yibo abalunyuliweyo obisini, basuswa emabeleni, na? ¹⁰ Ngokuba kuyisiyalezelo phezu kwesiyalezelo , isiyalezelo phezu kwesiyalezelo, umthetho phezu komthetho , umthetho phezu komthetho , lapha ingcosana, nalapho ingcosana. ¹¹ Yebo, ngezindebe ezingingizayo nangolunye ulim i uyakukhuluma kulaba bantu ¹² akade esho kubo ukuthi : Lokhu kungukuphumula ; phumuzani abayethileyo; lokhu kungukuhlunyelelwa, Kepha abathandanga ukuzwa. ¹³ Ngalokho izwi likaJehova liyakuba kubona isiyalezelo phezu kwesiyalezelo, isiyalezelo phezu kwesiyalezelo , umthetho phezu komthetho , umthetho phezu komthetho , lapha ingcosana , nalapho ingcosana , ukuze bahambe , bawe nyovane, baphuke, bacushwe, babanjwe. ¹⁴ Ngalokho yizwani izwi likaJehov a nina bantu abadelelayo , enibusa laba bantu baseJerusalema. ¹⁵ Ngokuba nithe : Senzile isivumelwano nokufa , sivumelene nendawo yabafileyo; lapho isiswebhu esikhukhulayo sidlula , asiyikusehlela thina, ngokuba senzile amanga abe yisiphephelo sethu , sicashile phansi kwenkohliso. ¹⁶ Ngalokho ithi iNkosi uJehova : Bheka, ngibeka eSiyoni itshe lesisekelo , itshe elivivinyekileyo , itshe legumbi elinqabileyo lesisekelo esiyiso ; okholwayo kayikubaleka. ¹⁷ Ngiyakwenza ukwahlulela kube ngumucu wokulinganisa , nokulunga kube ngumthofu wokumisa , isichotho sihlwithe isiphephelo samanga , amanzi akhukhule indawo yokucasha. ¹⁸ Futhi isivumelwano senu nokufa siyakuchithwa , nokuvumelana kwenu nendawo yabafileyo akuyikum a; lapho isiswebhu esikhukhulayo sidlula , niyakunyathelwa phansi yiso. ¹⁹ Njalo lapho sidabula, siyakunibamba, ngokuba siyakudabula ukusa ngokusa imini nobusuku, kube ngukwesaba kuphela, lapho umbiko uqondwa. ²⁰ Ngokuba umbhede uyakuba mfushan e kunokuba umuntu enabe kuwo , nengubo ibe ncane kunokuba umuntu azisonge ngayo. ²¹ Ngokuba uJehova uyakusukum a njengasentabeni yasePherasimi , athukuthele njengasesigodini saseGibeyoni , ukuze enze umsebenzi wakhe , umsebenzi wakhe ongavamile , afeze isenzo sakhe , isenzo sak he esimangalisayo. ²² Ngalokho ningadeleli , funa izibopho zenu ziqiniswe , ngokuba ngizwile eNkosini uJehova Sebawot i ukuthi ukuphela kunqunyiwe phezu kwawo wonke umhlaba. ²³ Bekani indlebe, nizwe izwi lami; lalelani, nizwe ukukhuluma kwami. ²⁴ Umlimi, eyakutshala, ulima lonke usuku na ? Uyaduba abhuqe umhlabathi wakhe njalo na? ²⁵ Lapho esehlelembile ubuso bawo , angithi uhlwanyela amafitshizi , asakaze ikumini, atshale ukolweni ngezinhla , nebhali ezindaweni zalo , nokolweni ocolekileyo eceleni, na? ²⁶ UNkulunkulu wakhe uyamhlakahlisa ngendlela eyiyo, amfundise. ²⁷ Ngokuba amafitshizi awabhulwa ngesibhulo esibukhali , nesondo lengqukumbane kaliphendulwa phezu kwekumini , kepha amafitshizi ayavuthuzwa ngenduku nekumini ngothi. ²⁸ Amabele esinkwa ayacolwa na ? Cha, ngokuba awabhulwa nokubhulwa njalo; nakuba eqhuba isondo lengqukumbane namahhashi alo phezu kwawo, awacolisiswa. ²⁹ Nalokho kuvela kuJehova Sebawot i oyisimangaliso ekululekeni nomkhulu emaswini.